“Mən fəxr edirəm ki, Azərbaycanlıyam” mövzusunda tarix dərsi keçirildi.
09 dekabr 2019-cu il tarixdə, şəhər 10 nömrəli tam orta məktəbdə, Şirvan şəhər Tarix-diyarşünaslıq muzeyi tərəfindən Ümummilli lider Heydər Əliyevin anım günü ilə əlaqədar “Mən fəxr edirəm ki, Azərbaycanlıyam” mövzusunda tarix dərsi keçirilmişdir.
Dərsdə müasir Azərbaycan dövlətinin memarı və qurucusu Heydər Əliyevin Azərbaycan tarixindəki rolu, demokratik, hüquqi dövlət quruculuğu istiqamətində həyata keçirdiyi uğurlu siyasəti barədə ətraflı məlumat verilmişdir. Dahi liderin diqqət və qayğısı sayəsində digər sahələr kimi, elm, təhsil və mədəniyyət sahəsində də böyük nailiyyətlərin əldə olunduğu vurğulanmış, dahi şəxsiyyətin Azərbaycan xalqının qəlbində daimi yaşayacağı, Ulu Öndərin anım gününün ümumxalq məhəbbətinin təzahürünə çevrildiyi və Ümummilli Liderin siyasi kursunun cənab prezident İlham Əliyev tərəfindən uğurla davam etdirildiyi qeyd edilmişdir.
Dərsin sonunda şagirdlərə Ümummilli lider Heydər Əliyevə həsr edilmiş filmi nümayiş olunmuşdur.
