Home Contact Phone
background
  • Ünvan: Şirvan şəhəri, Istiqlaliyyət prospekti 10
  • Faks: (+994 021) 215-57-77
  • E-mail: mail@shirvan-ih.gov.az

Xəbərlər

  • Bu gün Ağdərə rayonunun Ermənistan silahlı q...

    Bu gün Ağdərə rayonunun Ermənistan silahlı qüvvələri tərəfindən işğalının 27-ci ildönümüdür.

    2020-07-07

    Ermənistanın Azərbaycana qarşı işğalçılıq siyasəti nəticəsində, Azərbaycanın ayrılmaz tərkib hissəsi olan Dağlıq Qarabağ və ətrafındakı yeddi rayon Ermənistan tərəfindən işğal edilib, həmin ərazilərdə etnik təmizləmə siyasəti aparılıb, bir milyondan artıq soydaşımız qaçqın və məcburi köçkün vəziyyətinə düşüb. Beynəlxalq birlik və təşkilatlar Azərbaycanın ərazi bütövlüyünü tanıyır və münaqişənin beynəlxalq hüquq normalarına uyğun, ədalətli həllinin tərəfdarıdır. Münaqişə ilə bağlı BMT Təhlükəsizlik Şurasının məlum 4 qətnaməsi erməni silahlı qüvvələrinin Azərbaycan torpaqlarından dərhal və qeyd-şərtsiz çıxarılmasını tələb etdiyi halda, Ermənistan buna məhəl qoymur. Eyni zamanda, Qoşulmama Hərəkatı, ATƏT, Avropa Şurası Parlament Assambleyası və digər təşkilatlar da oxşar qərar və qətnamələr qəbul ediblər. İyulun 7-si Azərbaycanın Tərtər rayonunun tərkibinə daxil olan Ağdərənin və ətraf kəndlərin işğalından 27 il ötür. Ağdərə rayonu, Dağlıq Qarabağdakı bir çox ərazilər kimi, Qarabağ müharibəsinin başlanğıcında erməni silahlı qüvvələrinin nəzarəti altına keçib. 1992-ci ildə Azərbaycan Ordusunun hücumu nəticəsində Ağdərə rayonu ərazisinin bir çox hissəsi erməni işğalçılarından azad edilir. Bir il boyunca Ağdərə şəhəri ətrafındakı kəndlərdə və yüksəkliklərdə aramsız döyüşlər gedib. 1993-cü il 7 iyul tarixində Ağdərə şəhərini və rayonun bir çox kəndlərini ermənilər yenidən işğal edir. Hal-hazırda Ağdərə rayonunun bir neçə kəndi Azərbaycanın nəzarətində olsa da, Ağdərə şəhəri də daxil olmaqla, bir çox əraziləri ermənilərin nəzarəti altındadır. Qeyd edək ki, 1989-cu ildə SSRİ tərəfindən aparılmış əhalinin son siyahıya alınmasına görə, rayonun 14 kəndində 14 min azərbaycanlı əhali yaşayırdı. Bu göstərici üzrə Ağdərə azərbaycanlı əhalinin sayına görə, Şuşadan sonra Dağlıq Qarabağ Muxtar Vilayətinin tərkibinə daxil olan beş inzibati rayondan biri idi. Ağdərənin köklü Azərbaycan əhalisinin tam etnik təmizləməsi ilə müşayiət olunan işğalı nəticəsində, Azərbaycan xalqına məxsus mədəni irs talan edilib və infrastrukturu dağıdılıb. Azərbaycanın erməni hərbi birləşmələri tərəfindən işğal olunmuş ərazilərində törədilmiş vandalizm əməllərinin nəticəsi olaraq, evlər talan edilərək sökülüb, yandırılıb, tarixi abidələr, xüsusilə, qəbiristanlıqlar dağıdılıb. Ümummilli liderimiz Heydər Əliyevin siyasi kursunu, işğal altında olan torpaqlarımızı sülh yolu ilə azad etmək siyasətini ardıcıl davam etdirən Azərbaycan Respublikasının Prezidenti cənab İlham Əliyevin məsələ ilə bağlı atdığı qətiyyətli addımlar, həyata keçirdiyi tədbirlər bunu bir daha təsdiq edir. Məcburi köçkünlərə, o cümlədən ağdərəlilərə dövlət səviyyəsində diqqət və qayğı göstərilir. Onlar hər cür şəraiti olan yeni mənzillərlə təmin edilir. Həyata keçirilən bu siyasət yerlərdə də davam etdirilir. Şirvan şəhər İcra Hakimiyyəti də şəhərdə məskunlaşan digər məcburi köçkünlərlə yanaş Ağdərədən olan 2 ailəni də diqqət və qayğı ilə əhatə edib. Onlara yeni salınan məktəb, uşaq bağçası və digər sosial infrastrukturla təmin edilmiş hər cür şəraiti olan şəhərcikdə mənzillər verilib. Onlar göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci-vitse prezident Mehriban xanım Əliyevaya təşəkkür və minnətdarlıqlarını bildirirlər.

  • Şirvan şəhərində xüsusi karantin rejiminin t...

    Şirvan şəhərində xüsusi karantin rejiminin tələblərinə, habelə sanitar epidemioloji normalara riayət edilməsi üçün maarifləndirici tədbirlərlə yanaşı, abadlıq və quruculuq işləri də davam etdirilir.

    2020-07-07

    Koronavirus (COVİD-19) pandemiyası ilə mübarizədə əhalinin sağlamlığının qorunması, infeksiyanın yayılmasının və onun törədə biləcəyi fəsadların qarşısının alınması ilə bağlı Nazirlər Kabineti yanında Operativ Qərargahın tələb və tövsiyələrinə uyğun olaraq, profilaktik tədbirlərin gücləndirilməsi və karantin rejimi çərçivəsində görülən işlərlə yerində tanış olmaq məqsədi ilə Şirvan şəhər İcra Hakimiyyətinin başçısı İlqar Abbasov Məhəmməd Füzuli adına Şirvan şəhər Mədəniyyət və İstirahət parkında olmuşdur. Parkın girişində açıq hava şəraitində Gigiyena və Epidemiologiya Mərkəzinin və şəhər Bələdiyyəsinin sanitar işçiləri ilə görüşən İlqar Abbasov şəhərimizdə mütəmadi aparılan profilaktik dezinfeksiya işlərinə görə onlara təşəkkür etmiş, gələcək fəaliyyətlərində həm insanların sağlamlığı, həm də özlərini və ailələrini qorumaq üçün məsuliyyətli olmağa çağırmışdır. İcra başçısı öz çıxışında koronavirus(COVID-19) pandemiyasının Azərbaycan ərazisində yarada biləcəyi təhlükənin qarşısının alınması və xalqımızın yoluxucu infeksiyadan az zərərlə çıxması istiqamətində Azərbaycan Respublikasının Prezidenti cənab İlham Əliyevin və ölkəmizin Birinci vitse-prezidenti Mehriban xanım Əliyevanın rəhbərliyi ilə zəruri qabaqlayıcı tədbirlərin görüldüyünü, profilaktik və təxirəsalınmaz tədbirlərin həyata keçirilməsinin davam etdirildiyini bildirmişdir. Lakin pandemiya əleyhinə bütün görülən tədbirlərin müsbət nəticə verməsi üçün vətəndaş məsuliyyəti mühüm əhəmiyyət kəsb edir. Sosial məsafə, tibbi maska, əlcək və tibbi spirtdən istifadə qaydalarına hər bir sakin riayət etməlidir. Çünki yalnız bununla koronovirusu lokallaşdırmaq və insanların sağlamlığını təmin etmək mümkün olacaq. İlqar Abbasov şəhər ərazisində sanitar profilaktik tədbirlərin, təmizlik-abadlıq aksiyalarının bundan sonra da davam etdirilməsini GEM-in və şəhər Bələdiyyəsinin rəhbərliyinə tapşırmışdır. Sonra şəhər İcra Hakimiyyətinin başçısı İlqar Abbasov Məhəmməd Füzuli adına Şirvan şəhər Mədəniyyət və İstirahət parkında görülən işlərlə yerində tanış olmuş, parkın yenidən qurulması məqsədi ilə yaradlan Qərargahın üzvləri ilə səyyar görüş keçirmiş, tapşırıq və tövsiyyələrini vermişdir. İlqar Abbasov çıxış edərək bildirmişdir ki, bütün dünyanı bürüyən pandemiya vəziyyətinə baxmayaraq ölkə prezidenti cənab İlham Əliyevin rəhbərliyi ilə respublikamızın digər şəhər və rayonları kimi Şirvan şəhərində də tikinti-quruculuq və abadlıq işləri davam etdirilir, səliqə-sahman yaradılır. 2020-ci ilin 6 ayı ərzində yerinə yetirilmiş işlər arasında Məhəmməd Füzuli adına Şirvan şəhər Mədəniyyət və İstirahət parkının əsaslı şəkildə yenidən qurulması xüsusi yer tutur. Hazırlanmış layihə əsasında 2020-ci ilin yanvar ayından başlayaraq ərazisi 7,4 hektar olan parkda xeyli iş görülmüşdür. Parkın mərkəzi hissəsində yerləşən kanalın və süni gölün xüsusi texnikalar vasitəsi ilə qurudulması və təmizlənməsi başa çatdırılmışdır. 370 p/m drenaj xətti qazılaraq 250 m3 çınqıl qatı verilmiş və drenaj suyunun gölə axıdılması üçün diametri 200 mm-lik 66 p/m boru xətti çəkilmişdir. Kanalın döşəməsinə 2400 m3 qum qatı, 450 m3 çınqıl qatı verilmiş və kipləşdirilmiş, 3400 m2 beton hazırlıq qatı verilmiş, 6800 m2 döşəmə iki qat hidroizolyasiya olunmuş, döşəmənin betonlanması işlərinə başlanılmışdır. Sonra İlqar Abbasov Qərargahın üzvlərinə Parkda daha keyfiyyətli və sürətli iş görülməsi üçün müvafiq tapşırıqlar vermişdir. Daha sonra İlqar Abbasov Energetik küçəsi 9 nömrəli və L-nt Mahmud İbrahimov küçəsi 10 nömrəli binaların qarşısında “ALT.AY.SEL” RTŞ tərfindən xüsusi layihə əsasında hazırlanmış müasir memarlıq üslubunda “Abad məhəllə”də görülmüş işlərlə tanış olmuşdur. Energetik küçəsi 9 nömrəli binanın fasadının təmir işlərinə başlanımış, mövcud kanalizasiya xətləri yeniləri ilə əvəz olunmuşdur. Binanın qarşısında layihəyə uyğun olaraq relyefin planlaşdırma işləri aparılmış, “İDEA” İctimai Birliyi tərəfindən salınacaq idman qurğuları meydançası betonlanmış , əraziyə 950 m2 tamet tavalar döşənmiş,, 460 m beton bordyurlar düzülmüşdür. “Abad məhəllə”nin tikintisi ilə əlaqədar İcra Hakimiyyətinin başçısı tərəfindən aidiyyəti qurumların rəhbərlərinə müvafiq göstərişlər verilmişdir. Şirvan şəhərində xüsusi karantin rejiminin tələblərinə, habelə sanitar epidemioloji normalara riayət edilməsi üçün maarifləndirici tədbirlərlə yanaşı, abadlıq və quruculuq işləri bundan sonra da davam etdiriləcək. İnanırıq ki, bəşəriyyətin koronavirus pandemiyası ilə mübarizəsi uğurla sonlanacaq, respublikamızda və şəhərimizdə aparılan abadlıq və yenidənqurma işləri sakinlərin sağlam həyat tərzinə və səmərli asudə vaxtına xidmət edəcək.

  • Şirvan şəhər İcra Hakimiyyəti yanında Opera...

    Şirvan şəhər İcra Hakimiyyəti yanında Operativ Qərərgahın növbəti video-müşavirəsi keçirilib.

    2020-07-04

    Şirvan şəhər İcra Hakimiyyətinin başçısı İlqar Abbasovun sədrliyi ilə keçirilən videomüşavirədə Şirvan şəhər prokuroru Fuad Məmmədov, Dövlət Təhlükəsizlik Xidmətinin Şivan şəhər şöbəsinin rəisi Təhmasib Gözəlov, Şirvan şəhər Polis Şöbəsinin rəisi Hikmət Quliyev, 5 saylı Ərazi Vergilər İdarəsinin rəisi Fuad Mahmudov, Şirvan Regional Dövlət Avtomobil Nəqliyyatı Xidmətinin rəisi vəzifəsini icra edən Rəşad Nuriyev, şəhər İcra Hakimiyyətinin məsul işçiləri, İcra Hakimiyyəti başçısının inzibati ərazi dairələri üzrə nümayəndələri, səhiyyə müəssisələrinin rəhbərləri, şəhər və qəsəbə bələdiyyələrinin sədrləri iştirak edib. Video-müşavirədə giriş sözü ilə çıxış edən İcra Hakimiyyətinin başçısı İlqar Abbasov qeyd edib ki, olduqca təhlükəli virusdan Azərbaycan əhalisinin sağlamlığının qorunması və xalqımızın bu bəladan az itkilərlə xilas olması ilə bağlı ölkə prezidenti cənab İlham Əliyev və Birinci vitse-prezident Mehriban xanım Əliyeva tərəfindən atılan addımlar, verilən müdrik qərarlar Azərbaycan xalqının rifahı üçün nəzərdə tutulmuşdur. Belə ki, pandemiya zamanı ölkə prezidentinin keçirdiyi müşavirələr, tibb müəssisələrinə və tibbi avadanlığa artan təlabatın qarşılanması və infeksiyaya yoluxmuş xəstələrin müalicəsinin səmərəli təşkili, vətəndaşlara ayrılan sosial yardımlar, tətbiq olunan vergi güzəştləri, sahibkarlara göstərilən dəstək, sosial həssas qruplara dəstək və atılan digər addımlar çətin karantin günlərində ölkə vətəndaşlarına göstərilən böyük diqqət və qayğının bariz nümunəsidir. İlqar Abbasov müşavirə iştirakçılarının nəzərinə çatdırıb ki, koronavirus infeksiyasının yayılmasının və törədə biləcəyi fəsadların qarşısının alınması məqsədi ilə ölkə prezidenti cənab İlham Əliyevin və Birinci vitse-prezident Mehriban xanım Əliyevanın tapşırıq və tövsiyyələrinə uyğun olaraq şəhər ərazisində profilaktik tədbirlərin həyata keçirilməsinin davam etdirilməsi üçün Şirvan şəhər İcra Hakimiyyəti başçısının 19 mart 2020-ci il tarixli 54 nömrəli Sərəncamına əlavə və dəyişikliklər edilmişdir. Belə ki, xəstəliyə yoluxma dinamikasının yüksəldiyini nəzərə alaraq sanitar epidemioloji normalara qeyd-şərtsiz əməl olunması, insanlar arasında sosial məsafənin gözlənilməsi, lazımi fərdi qoruyucu vasitələrdən(maska) və dezinfeksiyaedici maddələrdən istifadə olunması, həmçinin şəxsi gigiyena tələblərinin gözlənilməsi məqsədi ilə şəhər İcra Hakimiyyəti, vergi və hüquq-mühafizə orqanları nümayəndələri, həmçinin yaradılmış mobil qruplar tərəfindən əhali arasında maarifləndirmə işi gücləndirilmiş iş rejimində davam etdiriləcək, eyni zamanda şəhər ərazisində fəaliyyət göstərən ictimai-iaşə obyektlərinə reydlər keçiriləcəkdir. İlqar Abbasov xüsusi karantin rejiminin tələblərinə, habelə sanitar-epidemioloji normalara riayət etməyən hüquqi və fiziki şəxslərin inzibati qaydada cəzalandırılacağını, həmçinin cinayət məsuliyyətinə cəlb ediləcəyini bildirib. Video-müşavirədə yeni növ koronavirus(COVİD-19) infeksiyasının yayılmasının qarşısının alınması istiqamətində şəhər ərazisində görülən işlər barədə ətraflı məlumat verilib, həyata keçiriləcək profilaktik tədbirlərlə bağlı təkliflər irəli sürülüb. Yoluxma riskini nəzərə alaraq dəfn mərasimləri istisna olmaqla insanların kütləvi şəkildə yas mərasimlərində iştirakının qarşısının alınması və məscidlərdə kütləvi şəkildə dini ayinlərin icra olunmaması istiqamətində müvafiq tədbirlərin görülməsi, müxtəlif bank filiallarında və ödəmə terminallarında, xəstəxanalarda vətəndaşlar arasında sosial məsafəni saxlamaqla növbəlilik sisteminin tətbiq edilməsi, taksi fəaliyyəti ilə məşğul olan avtonəqliyyat vasitələrində və ictimai nəqliyyatda dezinfeksiya işlərinin aparılması, taksilərdə sərnişinlərin yalnız arxa oturacaqlarda əyləşməsi və birmənalı olaraq sürücü və sərnişinlərin fərdi qoruyucu vasitələrdən(maska) istifadə etməsi və digər həlli vacib məsələlər müzakirə edilmişdir. İcra Hakimiyyətinin başçısı İlqar Abbasov müşavirənin sonunda bildirib ki, ölkə prezidentinin rəhbərliyi altında pandemiyaya qarşı həyata keçirilən taleyüklü və məsuliyyətli vəzifələr uğurla həyata keçiriləcək və önləyici tədbirlər sayəsində xalqımız bu bəladan az itkilərlə çıxmağı bacaracaqdır. Vətəndaş olaraq hər birimizin borcu belə bir həssas dönəmdə keçirilən tədbirlərə dəstək göstərməklə dövlətimizlə həmrəy olmaq, birlik və bərabərlik nümayiş etdirərək sanitar-gigiyenik tələblərə və xüsusi karantin rejiminin qaydalarına riayət etməklə həm özümüzü, həm də ətrafımızda olan insanları və yaxınlarımızı qorumaqdır.

  • Koronavirus infeksiyası əleyhinə Şirvan şəh...

    Koronavirus infeksiyası əleyhinə Şirvan şəhəri ərazisində profilaktik tədbirlərin həyata keçirilməsi davam etdirilir.

    2020-07-04

    Ölkəmizdə elan olunmuş xüsusi karantin rejimi müddətində ölkə prezidenti cənab İlham Əliyevin və Birinci vitse-prezident Mehriban xanım Əliyevanın tapşırıq və tövsiyyələrinin yerinə yetirilməsi, koronavirus infeksiyasının yayılmasının və törədə biləcəyi fəsadların qarşısının alınması istiqamətində Şirvan şəhəri ərazisində profilaktik tədbirlərin həyata keçirilməsi davam etdirilməkdədir. Şəhər İcra Hakimiyyətinin başçısı İlqar Abbasov, şəhər Polis Şöbəsinin rəisi Hikmət Quliyev və 5 saylı Ərazi Vergilər İdarəsinin rəisi Fuad Mahmudov Azərbaycan Respublikası Nazirlər Kabineti yanında Operativ Qərargahın tələblərinə, habelə sanitar epidemioloji normalara qeyd-şərtsiz əməl olunması ilə tanış olmaq məqsədi ilə şəhər ərazisində fəaliyyət göstərən ictimai-iaşə obyektlərinə reydlər keçirmişdir. Reydlər zamanı ictimai-iaşə və ticarət obyektləri sahibləri, eyni zamanda şəhər sakinləri ilə maarifləndirici söhbətlər aparılmış, ticarət obyektlərinin giriş hissələrində dezinfeksiyaedici maddələr olan xüsusi qabların yerləşdirilməsi, insanlar arasında sosial məsafənin gözlənilməsi, xidmətlərdən yararlanan şəhər sakinlərinin və satıcıların birmənalı şəkildə fərdi qoruyucu vasitələrdən(maska) istifadə etmələri barədə lazımi tövsiyyələr verilmişdir. Xüsusi karantin rejiminin tələblərinə, habelə sanitar epidemioloji normalara riayət eməyənlər barəsində inzibati qaydada təbirlərin görüləcəyi ictimai-iaşə və ticarət obyektləri sahiblərinin nəzərinə çatdırılmışdır. Şirvan şəhəri ərazisində sanitariya-gigiyena norma və qaydalarına riayət edilməsinə ciddi nəzarət edilir və profilaktik tədbirlərin görülməsi davam etdiriləcəkdir.

  • Şirvan şəhər İcra Hakimiyyətində video-mü...

    Şirvan şəhər İcra Hakimiyyətində video-müşavirə keçirilib.

    2020-07-02

    Şirvan şəhər İcra Hakimiyyətinin başçısı İlqar Abbasovun sədrliyi ilə keçirilən videomüşavirədə şəhər İcra Hakimiyyətinin məsul işçiləri, şəhər İcra Hakimiyyəti başçısının inzibati ərazi dairələri üzrə nümayəndələri, şəhərin təhsil və səhiyyə müəssisələrinin rəhbərləri, şəhər və qəsəbə bələdiyyələrinin sədrləri, həmçinin xidmət təşkilatlarının rəhbərləri iştirak edib. Video-müşavirədə giriş sözü ilə çıxış edən şəhər İcra Hakimiyyətinin başçısı İlqar Abbasov koronavirus(COVID-19) pandemiyasının Azərbaycan ərazisində yarada biləcəyi təhlükənin qarşısının alınması və xalqımızın yolxucu infeksiyadan az zərərlə çıxması istiqamətində Azərbaycan Respublikasının Prezidenti cənab İlham Əliyevin və ölkəmizin Birinci vitse-prezidenti Mehriban xanım Əliyevanın rəhbərliyi ilə zəruri qabaqlayıcı tədbirlərin görüldüyünü, profilaktik və təxirəsalınmaz tədbirlərin həyata keçirilməsinin davam etdirildiyini bildirib. İlqar Abbasov xüsusi karantin rejimi müddətində şəhər İcra Hakimiyyəti başçısı yayında yaradılmış Operativ Qərərgah tərəfindən təsdiq edilmiş tədbirlər planına uyğun olaraq təxirəsalınmaz işlərin həyata keçirildiyini, yoluxma riskinin azaldılması istiqamətində zəruri tədbirlərin davam etdirildiyini bildirib. Xüsusi karantin rejiminin tələblərinin yerinə yetirilməsi məqsədi ilə yaradılmış 35 mobil qrup üzvləri tərəfindən şəhər ərazisində və qəsəbələrdə izahetmə-xəbərdarlıq işləri davam etdirilib, əhalinin sıx olduğu məkanlarda, eləcə də ictimai nəqliyyatda qoruyucu maskalardan istifadənin zəruriliyi və sosial məsafənin gözlənilməsi ilə bağlı maarifləndirici söhbətlər aparılıb. Eyni zamanda, şəhər ərazisində parkların giriş hissələrinə təbliğat xarakterli plakatlar qoyulmuş, könüllü gənclərin iştirakı ilə əhali arasında yolxucu infeksiya haqqında maarifləndirici bukletlərin paylanılması təmin edilmiş, Nazirlər Kabineti yanında Operativ Qərərgahın tövsiyyə və tapşırıqları və sanitar-epidemioloji tələblərlə bağlı məlumatlar dövrü olaraq şəhər İcra Hakimiyyətinin sosial şəbəkə hesablarında və rəsmi internet saytında yayımlanmışdır. Əhalinin sağlamlığının qorunması məqsədi ilə şəhərin küçə və prospektləri xüsusi texnikalarının köməyi ilə dezinfeksiyaedici maddələrlə yuyulub, Gigiyena və Epidemiologiya Mərkəzinin və şəhər Bələdiyyəsinin sanitar işçiləri tərəfindən yaşayış binalarının ətrafında, giriş bloklarında, pilləkən qəfəslərində, ticarət və xidmət obyektlərində, sərnişindaşıma xidməti göstərən nəqliyyat vasitələrində dezinfeksiyaedici maddələrlə sanitar-gigiyenik işlər aparılıb. Şəhər İcra Hakimiyyətinin başçısı eyni zamanda, prezident cənab İlham Əliyevin fəaliyyətinin prioritet istiqamətlərindən olan korrupsiyaya qarşı mübarizə sahəsində ölkəmizdə ardıcıl və məqsədyönlü işlərin davam etdirildiyini, rüşvət və korrupsiya hallarına son qoymayan və dövlətin mənafeyinə ciddi zərbə vuran şəxslərin hüquq-mühafizə orqanları tərəfindən ciddi cəzalandırıldığını bildirib. İlqar Abbasov qeyd edib ki, dövlət qulluğunda işləyən hər bir məsul şəxs korrupsiyaya qarşı mübarizə sahəsində cənab prezident tərəfindən verilmiş tövsiyyə və tapşırıqlara ciddi riayət etməlidir. Video-müşavirədə iştirak edənlər öz çıxışlarında xüsusi karantin rejiminin müddətinin 2020-ci ilin avqust ayının 1-dək uzadılması və həmin rejimlə əlaqədar tətbiq edilən bəzi məhdudiyyətlərin aradan qaldırılmasından sonra fəaliyyət sahələri üzrə yeni növ koronavirus(COVİD-19) infeksiyasının yayılmasının qarşısının alınması istiqamətində şəhər ərazisində gördükləri işlər və həyata keçirilən qabaqlayıcı tədbirlər barədə ətraflı məlumatlar veriblər. Xüsusi olaraq qeyd olunub ki, şəhər ərazisində pandemiya əleyhinə bütün görülən tədbirlərin müsbət nəticə verməsi üçün vətəndaş məsuliyyəti mühüm əhəmiyyət kəsb edir və virusa qalib gəlməyin yeganə yolu məsuliyyətli davranmaq, karantin qaydalarına ciddi şəkildə riayət etməkdir. Sonda İcra Hakimiyyətinin başçısı İlqar Abbasov xüsusi olaraq qeyd edib ki, vətəndaşlarımız dövlətimizlə həmrəy olmalı, karantin qaydalarına riayət etməklə həm özünü, həm də ətraflarında olan insanları və yaxınlarını qorumalıdır. Əgər buna tam əməl edə bilsək, tez bir zamanda vəziyyətdən çıxa bilməyimiz mümkün olacaqdır. Eyni zamanda, COVID-19 virusuna yoluxma dinamikası və xəstəliklə bağlı şəhər ərazisindəki vəziyyət təhlil olunduqdan sonra yaradılmış mobil qrupların iştirakı ilə əhali arasında sosial məsafənin gözlənilməsi, lazımi fərdi qoruyucu vasitələrdən və dezinfeksiyaedici maddələrdən istifadə olunması, həmçinin şəxsi gigiyena tələblərinin gözlənilməsi ilə bağlı izahetmə-xəbərdarlıq işləri gücləndirilməli, ictimai-iaşə obyektlərində, taksi fəaliyyəti ilə məşğul olan avtonəqliyyat vasitələrində və ictimai nəqliyyatda sanitar-gigiyenik tələblərin gözlənilməsi təmin edilməli, ümumiyyətlə Nazirlər Kabineti yayında Operativ Qərərgah tərəfindən verilmiş tövsiyyə və tapşırıqlara idarə müəsisə və təşkilatlar tərəfindən birmənalı şəkildə riayət olunması təmin edilməlidir.

  • Şirvanda Dövlət qulluqçularının peşa bayram...

    Şirvanda Dövlət qulluqçularının peşa bayramı qeyd edildi.

    2020-06-23

    23 iyun- Azərbaycan Respublikasında Dövlət qulluqçularının peşə bayramı günü ilə əlaqədar Şirvan şəhər İcra Hakimiyyətinin başçısı İlqar Abbasov videomüşavirə keçirdi. Müşavirədən öncə Şirvan şəhər İcra Hakimiyyətinin başçısı İlqar Abbasov Ulu Öndər Heydər Əliyevin şəhərin mərkəzi meydanda ucalan abidəsini ziyarət etdi. Abidə önünə tər gül dəstəsi qoyaraq əziz xatirəsinə dərin ehtiramını ifadə etdi. Videomüşavirəni açan Şirvan şəhər İcra Hakimiyyətinin başçısı İlqar Abbasov Dövlət qulluqçularını peşə bayramı günü münasibəti ilə təbrik etdi. Azərbaycan Respublikasının Prezidenti cənab İlham Əliyevin 25 may 2006-cı il tarixli 1476 saylı Sərəncamı ilə 23 iyun gününün ölkəmizdə dövlət qulluqçularının peşə bayramı kimi təsis edildiyini qeyd etdi. Bildirdi ki, Azərbaycanın beynəlxalq aləmdə öz nüfuzunu möhkəmləndirməsi Ümummilli lider Heydər Əliyevin dövlət idarəetmə sistemində həyata keçirdiyi islahatlardan başlayıb. Prezident İlham Əliyevin bu islahatları ardıcıl davam etdirməsi sayəsində ölkəmizin qüdrəti gündən-günə artır. Bu gün tam əminliklə demək olar ki, respublikamızda müasir tələblərə cavab verən dövlət idarəetmə sistemi qurulub, hakimiyyətin bütün qollarının funksiyaları dəqiq müəyyənləşdirilib, vətəndaşların hüquq və azadlıqlarının qorunması və həyata keçirilməsi üçün zəruri təsisatlar yaradılıb. Azərbaycanda dövlət qulluğu sahəsində aparılan islahatların ən mühüm nəticələrindən biri 2000-ci il iyulun 21-də “Dövlət qulluğu haqqında” Qanunun qəbul edilməsidir. Həmin qanunla Azərbaycanda dövlət qulluğu sahəsində vahid dövlət siyasətinin formalaşdırılmasının əsası qoyulub, bu sahədə kadr siyasətinin əsas prinsipləri, dövlət qulluqçularının cəmiyyətdəki yeri, onların hüquq və vəzifələri müəyyənləşdirilib. Dövlət qulluğu sahəsində dünya təcrübəsini nəzərə alan bir çox sənədlər qəbul edilərək geniş hüquqi baza yaradılıb. Bu sənədlər Azərbaycanda dövlət qulluğunun əsas istiqamətlərini əhatə edərək dövlət qulluqçularının fəaliyyəti üçün lazımı hüquqi baza, müvafiq icra və nəzarət mexanizmi formalaşdırıb. Bütün bunlar cəmiyyətdə sosial ədaləti və vətəndaşların layiqli həyat tərzini təmin etmək, demokratik təsisatları inkişaf etdirmək, elmin, mədəniyyətin və təhsilin səviyyəsini yüksəltmək üçün dövlət qulluqçuları qarşısında geniş imkanlar açıb. Ölkəmizdə dövlət qulluqçularının peşəkarlığının artırlması daim diqqət mərkəzində saxlanılır. Bu məqsədlə Azərbaycan Respublikasının Prezidenti yanında Dövlət İdarəçilik Akademiyası dövlət qulluqçularının hazırlanmasında, mərkəzi və yerli icra hakimiyyəti orqanlarında çalışan dövlət qulluqçularının peşə səviyyəsinin yüksəldilməsində mühüm rol oynayır. Möhtərəm Prezidentimiz sənab İlham Əliyev tərəfindən Dövlət qulluqçularına da xüsusi diqqət və qayğı göstərilir. Onlar müxtəlif orden və medallarla təltif edilir. Şəhərimizdə də dövlət qulluqçularının əməyinə yüksək qiymət verilir. Təkcə şəhər İcra Hakimiyyətində çalışan 10 nəfərdən artıq dövlət qulluqçusu son illərdə müxtəlif orden və medallarla təltif edilib. İnanıram ki, şəhər İcra Hakimiyyətində çalışan dövlət qulluqçuları bundan sonra da vətəndaşların müraciətlərinə həssaslıqla yanaşacaq, ölkə rəhbərliyinin qarşımızda qoyduğu vəzifələri uğurla həyata keçirəcək, dövlət qulluğunun səmərəliliyini daha da artıracaqlar. Sonra Şəhər İcra Hakimiyyətinin başçısı İlqar Abbasov İcra Hakimiyyəti başçısının aparatının, sahə və qəsəbə inzibati ərazi dairələri üzrə nümayəndəliklərinin bir qrup işçisinə dövlət qulluğunun növbəti ixtisas dərəcəsinin verildiyini və Şirvan şəhər İcra Hakimiyyətinin İctimai-siyasi və humanitar məsələlər şöbənin baş məsləhətçisi Samirə İsmayılovanın Azərbaycan Respublikasının Prezidenti cənab İlham Əliyevin sərəncamı ilə “Dövlət qulluğunda fərqlənməyə görə” medalı ilə təltif edildiyini qeyd edərək təbrik etdi. Videomüşavirədə çıxış edən dövlət qulluqçuları onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını bildirdilər, onlara da bayram münasibəti ilə təbriklərini çatdırdılar.

  • 15 İyun Milli Qurtuluş Günü münasibəti ilə ...

    15 İyun Milli Qurtuluş Günü münasibəti ilə Şirvan şəhər İcra Hakimiyyətinin başçısı İlqar Abbasovun təbriki.

    2020-06-14

    Əziz şirvanlılar, 15 iyun Azərbaycan xalqı üçün sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür. Tariximizə Milli Qurtuluş Günü olaraq daxil olmuş 15 iyun–əsl qurtuluş tarixi, Azərbaycan xalqının ölüm-dirim mübarizəsindən alnı açıq çıxdığı bir gündür. Bu tarixi yaradan isə Azərbaycanın inkişafında, müstəqilliyində, gələcəyində müstəsna rol oynayan, daim xalqına arxalanan və xalqa arxa-dayaq olan Ulu öndər Heydər Əliyev olmuşdur. 1991-ci ilin oktyabrında Azərbaycan müstəqillik əldə etdikdən sonra ölkədə daxili vəziyət gərginləşdi, ölkədə hakimiyyət boşluğu yarandı, rəhbərliyə yiyələnmək üçün ayrı-ayrı şəxslər və qruplar arasında mübarizə daha da kəskinləşdi. 1993-cü ilin yayında Azərbaycan vətəndaş müharibəsi təhlükəsi ilə üz-üzə dayandı. Ölkənin müstəqilliyinin itirilməsi ilə üzləşdiyi bir şəraitdə xalq yeganə çıxış yolunu xilaskar kimi Heydər Əliyevi Naxçıvandan Bakıya dəvət etməkdə gördü. Ulu öndər Heydər Əliyev Bakıya gəldikdən sonra qısa bir müddətdə daxili ictimai-siyasi vəziyyəti nəzarət altına aldı, ölkədə sabitlik təmin edildi. Dağlıq Qarabağ münaqişəsində atəşkəs müqaviləsi imzalandı. Ordu quruculuğunda mühüm addımlar atıldı. “Əsrin Müqaviləsi” imzalandı və bu kontraktla Azərbaycanın sonrakı illər iqtisadi inkişafının əsası qoyuldu. Əsrin Müqaviləsi çərçivəsində istehsal edilən xam neftin dünya bazarlarına çıxarılması üçün Bakı-Tiflis-Ceyhan neft boru kəmərinin inşa edilməsi Heydər Əliyevin uzaqgörən siyasətinin nəticəsi idi. İkitərəfli və çoxtərəfli görüşlər, intensiv xarici səfərlər nəticəsində Azərbaycan informasiya sahəsində təcriddən çıxmağa nail oldu. Dünya ictimaiyyəti Ermənistanı bir işğalçı dövlət kimi tanıdı. Sonrakı illərdə Heydər Əliyev Ermənistanın adını bir sıra beynəlxalq sənədlərə işğalçı dövlət kimi salmağa müvəffəq oldu. Ulu öndərin yaradtdığı dövlətçilik ənənələrinin cənab prezident İlham Əliyev tərəfindən uğurla və layiqincə davam etdirilməsi nəticəsində bugün Azərbaycan regionun qüdrətli, aparıcı və əsas söz sahibi olan dövləti kimi böyük nüfuz qazanıb. Ulu öndərin xalqımıza bəxş etdiyi əbədi müstəqillik cənab prezident İlham Əliyevin uğurlu siyasəti və Birinci vitse-prezidentimiz Mehriban xanım Əliyeva tərəfindən Azərbaycan həqiqətlərinin dünya ictimaiyyətinə çatdırılması sahəsində əldə edilən nailiyyətlər ilə daha da möhkəmləndirilib, ölkəmiz tarixinin ən qüdrətli dövlətinə çevrilib və hərtərəfli inkişaf üstündə qurulmuş ölkə kimi tarixi yolunu inamla davam etdirir. Əziz şirvanlılar, Sizləri 15 İyun Milli Qurtuluş Günü münasibəti ilə səmimi qəlbdən təbrik edirəm, müstəqil dövlətimizə firavan və parlaq gələcək arzulayıram.

  • Şirvan şəhərinin içməli və tullantı su ş...

    Şirvan şəhərinin içməli və tullantı su şəbəkələri yenidən qurulur

    2020-06-09

    “Azərsu” ASC Azərbaycan Respublikası regionlarının sosial-iqtisadi inkişafı Dövlət Proqramına uyğun olaraq bölgələrdə əhalinin içməli su təchizatı və kanalizasiya layihələrinin icrasını davam etdirir. Şirvan şəhərində istehlakçıların keyfiyyətli içməli su ilə təmin edilməsi və onlara göstərilən kanalizasiya xidmətlərinin yaxşılaşdırılması xüsusi əhəmiyyət daşıyır. Hazırda şəhərdə içməli su və kanalizasiya şəbəkələrinin tikintisi işləri həyata keçirilir. “AZƏRTAC” xəbər verir ki, içməli su təchizatı sektorunda həyata keçirilən böyük infrastruktur layihələrindən olan Şirvan-Muğan qrup su kəmərinin istifadəyə verilməsi bir sıra yaşayış məntəqələrinin içməli su təchizatının yaxşılaşdırılmasında əlverişli imkanlar yaradıb. 2013-cü ildə Şirvan-Muğan qrup su kəmərindən Şirvan şəhərinə içməli suyun verilməsindən sonra şəhərdaxili şəbəkələrin yenidən qurulması işləri həyata keçirilib. Dövlət büdcəsi hesabına icra olunan layihə çərçivəsində şəhərin bir hissəsinin içməli su şəbəkəsi yenilənib. Ümumilikdə indiyədək şəhərdə 60 kilometrdən çox içməli su, 7 kilometrədək kanalizasiya xətləri çəkilib və 11 minədək ünvana birləşmə verilərək sayğaclar quraşdırılıb. Hazırda şəhərin içməli su və kanalizasiya şəbəkələrinin yenidən qurulması və genişləndirilməsi işləri mərhələlərlə davam etdirilir. Bu il icra olunan layihə çərçivəsində Bağlar evləri yaşayış massivində 14 kilometrdən çox içməli su şəbəkəsinin qurulması və 2 minədək abonentin dayanıqlı içməli su ilə təmin olunması nəzərdə tutulub. Eyni zamanda, Yeni şəhər massivində müxtəlif diametrli borularla 3 kilometrədək kanalizasiya şəbəkəsi qurulacaq. Hazırda bu ərazilərdə nəzərdə tutulmuş işlərin 50 faizə qədəri icra olunub və cari ilin sonunadək işlər yekunlaşacaq. Şəhərdə içməli su və kanalizasiya şəbəkələrinin tikintisi növbəti illərdə davam etdiriləcək. Şirvan şəhərində ümumilikdə 257 kilometr içməli su və 228 kilometr tullantı su şəbəkələrinin tikintisi nəzərdə tutulur. Eyni zamanda, şəhərin dayanıqlı su təchizatı məqsədilə ümumi tutumu 19 min kubmetr olan 2 su anbarı inşa ediləcək. Şirvan şəhərində formalaşan tullantı sularının kənarlaşdırılması məqsədilə layihə çərçivəsində tullantı sutəmizləyici qurğular kompleksinin tikintisi nəzərdə tutulub. Bu qurğuda gələcəkdə Hacıqabul şəhərinin də tullantı suları təmizlənəcək.

  • Məhəmməd Füzuli adına Şirvan şəhər Parkı...

    Məhəmməd Füzuli adına Şirvan şəhər Parkında əsaslı təmir işləri davam etdirilir.

    2020-06-06

    Ölkə prezidenti cənab İlham Əliyevin diqqət və qayğısı sayəsində ölkəmizin digər bölgələri kimi Şirvan şəhərinin də abadlaşması və müasirləşməsi istiqamətində lazımi tədbirlər görülür, sosial-infrastruktur layihələrinin icrası uğurla davam etdirilir. Həyata keçirilən abadlıq-quruculuq işləri içərisində Məhəmməd Füzuli adına Şirvan şəhər parkının əsaslı şəkildə yenidən qurulması xüsusi yer tutur. Şəhər sakinlərinin, o cümlədən uşaqların asudə vaxtlarının səmərəli təşkili üçün hər cür şəraitin yaradılacağı parkın mərkəzi hissəsində yerləşən kanalın və süni gölün xüsusi texnikalar vasitəsi ilə təmizlənməsi işləri artıq başa çatdırılıb və kanalın tikintisinə başlanılıb. Kanala qum qatı verilib və kipləmə işləri aparılıb. Eyni zamanda hazırlıq qatının düzəldilməsi üçün kanalın yatağına çınqıl qatı yayılıb, taxta qəliblər quraşdırılıb, ilkin olaraq 10 sm qalınlığında betonlama işləri aparılıb. Şəhər İcra Hakimiyyətinin başçısı İlqar Abbasov parkda aparılan işlərlə yerində tanış olub, müvafiq tövsiyyə və tapşırıqlarını verib. Hazırda işlər davam etdirilir.

  • Şirvan şəhər İcra Hakimiyyətinin başçısı...

    Şirvan şəhər İcra Hakimiyyətinin başçısı İlqar Abbasov şəhərin bir sıra ünvanlarında aparılan abadlıq-quruculuq işləri ilə tanış olub və şəhər sakinləri ilə yaşadıqları ünvanlarda görüşüb.

    2020-06-04

    Azərbaycan Respublikasının Prezidenti cənab İlham Əliyevin rəhbərliyi altında respublikamızın sosial-iqtisadi həyatında əldə edilən uğurlar hər bir bölgədə olduğu kimi Şirvan şəhərinin həyatında da öz əksini tapmaqdadır. Möhtərəm prezidentimiz cənab İlham Əliyevin tövsiyə və tapşırıqları əsasında şəhər ərazisində irimiqyaslı layihələrin icrası, quruculuq-abadlıq işləri davam etdirilir. Həmçinin yeni istehsal və emal müəssisələrinin açılması, məşğulluq səviyyəsinin artırılması, infrastruktur layihələrinin həyata keçirilməsi və əhalinin maddi rifahının yüksəldilməsi ilə bağlı verilmiş tapşırıqların icrasının təmin edilməsi üçün zəruri tədbirlər həyata keçirilir. 03 iyun 2020-ci il tarixində, Şirvan şəhər İcra Hakimiyyətinin başçısı İlqar Abbasov şəhər İcra Hakimiyyətinin məsul işçilərinin, şəhər Bələdiyyəsinin və kommunal xidmət təşkilatları rəhbərlərinin iştirakı ilə şəhərin bir sıra ünvanlarında olaraq aparılan abadlıq-quruculuq işləri ilə yerində tanış olub, sakinlərlə görüşərək onları narahat edən məsələləri yerində dinləyib. Şəhər İcra Hakimiyyətinin başçısı şəhərin 1 May küçəsində şəhidlər Kərimov Vüqar Yadigar oğlunun və Quliyev İmran Nəriman oğlunun xatirəsinə layihələndirilən abidə kompleksinin tikinti işlərinin gedişinə onların valideynlərinin iştirakı ilə birlikdə baxıb, şəhərin Energetik 9 və l-nt İbrahimov 10 saylı binaların qarşısında İDEA İctimai Birliyinin “Bizim həyət” xüsusi layihəsinə uyğun olaraq yeni, müasir abad məhəllənin salınacağı 1,5 ha sahə ilə yerində tanış olaraq öz tövsiyə və tapşırıqlarını verib. Abad məhəllədə “İDEA” İctimai Birliyi tərəfindən idman və uşaq əyləncə qurğuları, yelləncəklər, kölgənəcəklər və söhbətgahlar quraşdırılması nəzərdə tutulub. Sonra şəhər İcra Hakimiyyətinin başçısı şəhərin Şirin Şükürov küçəsində sakinlərin təşəbbüsü ilə aparılan abadlıq işləri ilə tanış olub, məhəllə sakinləri ilə söhbət edərək onların təşəbbüsünü bəyəndiyini, bu təşəbbüsün digər məhəllələr üçün də stimul olacağını qeyd etmiş və aparılan işlərlə bağlı şəhər İcra Hakimiyyəti tərəfindən lazımi dəstəyin veriləcəyini bildirib. Daha sonra isə İlqar Abbasov Dövlət Proqramına uyğun olaraq şəhərin l-nt İbrahimov 12 və 14, T.İsmayılov 7 və 11, həmçinin N.Nərimanov 13 ünvanlarında yaşayış binalarının zirzəmilərinin çirkab sularından təmizlənməsi, S.Zeynalov və l-nt İbrahimov küçələrində isə mərkəzi və məhələdaxili kanalizasiya xətlərinin çəkiliş işləri ilə də tanış olub. İlqar Abbasov eyni zamanda qeyd ounan ünvanlarda yaşayan şəhər sakinləri ilə görüşərək onları narahat edən məsələləri yerində dinləyib, görüşdə qaldırılan məsələlərə münasibətini bildirərək sakinləri əmin edib ki, şəhərdə abadlıq-quruculuq işlərinin uğurla davam etdirilməsi üçün lazımi bütün imkanlardan istifadə ediləcəkdir. Sakinlər bütün dünyanı bürüyən pandemiya vəziyyətinə baxmayaraq, ölkəmizdə, eyni zamanda Şirvan şəhərində vətəndaşların rahatlığı üçün aparılan abadlıq-quruculuq və yenidənqurma işlərinə, şəhər əhalisinə göstərilən diqqət və qayğıya görə ölkə prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər. Şəhər İcra Hakimiyyətinin başçısı İlqar Abbasov sakinləri narahat edən məsələlərin qısa zaman ərzində həllini tapmasi üçün müvafiq tədbirlərin görüləcəyini bildirib, bir daha sakinləri özlərinin və başqalarının sağlamlığına məsuliyyətlə yanaşmağa, qoruyucu vasitələrdən istifadə və sosial məsafənin gözlənilməsinə riayət etməyə dəvət edib.

  • 10 iyun 2020-ci il tarixində Şirvan şəhərind...

    10 iyun 2020-ci il tarixində Şirvan şəhərində keçiriləcək qəbul imtahanlarına hazırlıq işləri başa çatdırılmışdır.

    2020-06-04

    COVID-19 pandemiyası ilə mübarizə çərçivəsində Azərbaycan Respublikası Nazirlər Kabinetinin müvafiq qərarı ilə ölkə ərazisində bir sıra kütləvi tədbirlərə, o cümlədən Dövlət İmtahan Mərkəzinin təşkilatçılığı ilə keçirilən imtahanlara bir müddət ara verilmişdir. Dövlət İmtahan Mərkəzinin təşkilatçılığı əsasında 10 iyun 2020-ci il tarixində Şirvan şəhərinin 18 və 20 nömrəli tam orta məktəblərində ümumi orta təhsil bazasından orta ixtisas təhsil müəssisələrinə sənəd vermiş cari və əvvəlki il məzunları üçün kolleclərə qəbul imtahanı və Azərbaycan dili fənnindən imtahan keçiriləcəkdir. İmtahan müddətində virusun yayılmasının qarşısını almaq məqsədilə imtahanın keçiriləcəyi binalarda bir sıra profilaktik tədbirlər həyata keçirilmişdir. Belə ki, binaların və otaqların dezinfeksiyası, havalandırılması, müvafiq yerlərdə əl dezinfektantları üçün dispenserlərin quraşdırılması, hər bir otağa düşən iştirakçı sayının sosial məsafə prinsipinə uyğun şəkildə tənzimlənməsi istiqamətində lazımi tədbirlər həyata keçirilmiş, binaların sanitar qovşaqlarında təmir işləri aparılmış, axar suyun fasiləsizliyi təmin edilmişdir. Həyata keçirilən tədbirlərin tam səmərəli olması üçün imtahan iştirakçılarını özlərinin və başqalarının sağlamlığına məsuliyyətlə yanaşmağa və sanitar-gigiyenik qaydalara riayət etməyə dəvət edirik.

  • Şirvan şəhər İcra Hakimiyyətində şəhərin...

    Şirvan şəhər İcra Hakimiyyətində şəhərin Energetik 9 və l-nt İbrahimov 10 saylı binaların qarşısında salınacaq yeni abad məhəllənin layihəsinin təqdimatı olmuşdur.

    2020-06-04

    03.06.2020-ci il tarixində Şirvan şəhər İcra Hakimiyyətində şəhər İcra Hakimiyyətinin başçısı İlqar Abbasovun, şəhər İcra Hakimiyyətinin məsul işçilərinin, xidmət təşkilatları rəhbərlərinin və sakinlərin iştirakı ilə şəhərin Energetik 9 və l-nt İbrahimov 10 saylı binaların qarşısında salınacaq yeni “Abad məhəllə”nin layihəsinin təqdimatı keçirilmişdir. Şəhər İcra Hakimiyyətinin başçısı İlqar Abbasov təqdimatda çıxış edərək bildirib ki, bütün dünyanı bürüyən pandemiya vəziyyətinə baxmayaraq ölkə prezidenti cənab İlham Əliyevin rəhbərliyi ilə ölkəmizdə abadlıq, quruculuq və yenidənqurma işlərinə xüsusi diqqət göstərilir. Görülən bütün işlər ölkə vətəndaşlarının həyat şəraitinin daha da yaxşılaşmasına xidmət göstərir. Buna görə də indi respublikamızın digər şəhər və rayonları kimi Şirvan şəhərində də genişmiqyaslı tikinti-quruculuq və abadlıq işləri davam etdirilir, səliqə-sahman yaradılır. İlqar Abbasov layihə ilə əlaqədar məlumat verərək bildirib ki, böyük bir ərazidə-ümumi sahəsi 1.5 ha olan Energetik 9 və L-nt İbrahimov 10 saylı binaların qarşısında “Alt.Ay.Sel” RTŞ tərəfindən xüsusi layihə əsasında hazırlanmış müasir memarlıq üslubunda “Abad məhəllə”nin salınması planlaşdırılmışdır. Burada “İDEA” İctimai Birliyi tərəfindən idman qurğuları meydançası salınacaq, uşaq əyləncə qurğuları, yelləncəklər quraşdırılacaq, kölgəncək və söhbətgahlar tikiləcək, müasir oturacaq, müasir tullantı qutuları qoyulacaqdır. Əraziyə münbit torpaq gətirilərək layihəyə uyğun relyefin planlaşdırma işləri aparılacaq, 1135 kv.m tamet tavalar döşənəcək, 1500 kv.m məhəllə daxili yollar çəkiləcək,1306 p/metr bardyurlar quraşdırlacaq, dekorativ ağac və gül kolları əkiləcək, gül kompozisiyaları yaradılacaq, 30 ədəd metal işıq dirəkləri quraşdırılacaqdır. İlqar Abbasov bildirib ki, ”Abad məhəllə”dən 796 nəfərdən ibarət 244 ailə yararlanacaqdır. Layihənin əsas məqsədi ekoloji cəhətdən təmiz və abad məhəllələrin yaradılmasıdır. Daha sonra “Abad məhəllə”nin tikintisi ilə əlaqədar xidmət təşkilatlarının təklifləri dinlənilmiş və onların icrası ilə əlaqədar İcra Hakimiyyətinin başçısı tərəfindən aidiyyəti qurumların rəhbərlərinə müvafiq göstərişlər verilmişdir. Əminik ki, yaradılacaq yeni abad məhəllə sakinlərin sağlam həyat tərzi sürmələrinə, sağlamlıqlarının möhkəmləndirilməsinə, uşaq və gənclərin asudə vaxtlarını səmərəli keçirilmələrinə böyük köməklik göstərəcəkdir.

  • 28 May Respublika günü münasibətilə dekorativ...

    28 May Respublika günü münasibətilə dekorativ əl işlərindən ibarət müsabiqə keçirildi.

    2020-05-29

    Şirvan şəhər İcra Hakimiyyətinin təsdiq etdiyi Tədbirlər Planına uyğun olaraq 28 may 2020-ci il tarixində “Şirvan Gənclər Evi” sosial xidmət müəssisəsinin təşkilatçılığı əsasında 28 May Respublika günü münasibətilə gənc könüllülərin dekorativ əl işlərindən ibarət müsabiqə keçirilmişdir. Müsabiqədə ümumilikdə 40 nəfərə qədər gənc könüllülərin dekorativ sənətin müxtəlif çalarları və qarışıq texnika əsasında hazırladıqları əl işləri yer alıb. Təşkilatçılar tərəfindən müsabiqənin keçirilməsində məqsəd karantin rejimi müddətində gənclərin asudə vaxtının səmərəli təşkili və onların yeni bilik və bacarıqlara yiyələmələrinə köməklik göstərməkdir. Gənc könüllülər hazırladıqları dekorativ-tətbiqi sənət əsərlərinin fotoşəkillərini Gənclər Evinin elektron poçt ünvanına göndərməklə müsabiqədə iştirak ediblər. Müsabiqənin qalibləri münsiflər heyətinin seçimi əsasında müəyyən olunmuş və yekun qərarla istedadlı gənc Turan Fətiyevin əsəri I yerə, Ayla Mahmudova, Ayan Əmiraslanlı və Rami Kamalın rəsm əsərləri isə müvafiq olaraq II-IV yerlərə layiq görülüb. Müsabiqənin qalibləri təşkilatçılar tərəfindən fəxri fəmanlarla təlif olunublar.

  • Şirvan şəhərində koronovirus infeksiyasına q...

    Şirvan şəhərində koronovirus infeksiyasına qarşı dezinfeksiya işləri davam etdirilir.

    2020-05-29

    Məlum olduğu kimi, yeni növ koronavirus (COVID-19) infeksiyası ilə bağlı Azərbaycandakı sanitar-epidemioloji vəziyyət, ölkə əhalisi arasında virusa yoluxanların ümumi sayı və xəstələrin sağalma dinamikası nəzərə alınaraq, xüsusi karantin rejimi çərçivəsində tətbiq edilən məhdudiyyətlərin bir qismi yumşaldılmışdır. Bununla əlaqədar Şirvan şəhərinin park və xiyabanları əhalinin istirahəti üçün hazır vəziyyətə gətirilmişdir. Ərazilərdə təmizlik işləri aparılıb, oturacaqlar yerlərinə qaytarılıb, yeni gül-çiçək kompazisiyaları yaradılıb, ağaclar budanıb, çəmənliklərə qulluq göstərilib Əhalinin sağlamlığının qorunması məqsədi ilə iki gündən bir şəhərin küçə və prospektləri xüsusi texnikalarının köməyi ilə dezinfeksiyaedici maddələrlə yuyulub, Gigiyena və Epidemiologiya və “DOST İş Mərkəzi” MMC-nin dezinfeksiya və sosial xidmət işçilərindən ibarət xüsusi təlim keçmiş işçiləri tərəfindən yaşayış binalarının ətrafında, giriş bloklarında, pilləkən qəfəslərində, park və xiyabanlarda, uşaq əyləncə qurğularında, ödəniş terminallarında, avtomobil dayanacaqlarında, qəsəbələr də daxil olmaqla ümumilikdə 180-dən çox obyektdə dezinfeksiyaedici maddələrlə təmizlik işləri aparılıb. İnfeksiyasının yayılmasının və törədə biləcəyi fəsadların qarşısının alınması məqsədilə şəhər ərazisində zəruri və qabaqlayıcı profilaktik tədbirlərin həyata keçirilməsi davam etdirilir.

  • 28 may Respublika Günü münasibətilə onlayn el...

    28 may Respublika Günü münasibətilə onlayn elmi-prakriki konfrans keçirildi.

    2020-05-27

    27 may 2020-ci il tarixində Şirvan şəhər İcra Hakimiyyəti başçısının 15 may 2020-ci il tarixli Sərəncamı ilə təsdiq edilmiş Tədbirlər Planına uğyun olaraq Şirvan şəhər Təhsil Şöbəsi, şəhər Gənclər və İdman İdarəsi, şəhər Heydər Əliyev Mərkəzi, şəhər Gənclər Evi və ümumtəhsil məktəb direktorlarının iştirakı ilə 28 may Respublika Günü münasibəti ilə onlayn elmi-prakriki konfrans keçirilmişdir. Şəhər Təhsil Şöbəsinin müdiri Rövşən Allahverdiyev konfransda çıxış edərək qeyd edib ki, əsrlərlə azadlıq və müstəqillik arzusu ilə yaşayan Azərbaycan xalqı ötən əsrin əvvəllərində bu işıqlı may günündə arzusuna qovuşmuş, şərqdə ilk dəfə azad, demokratik, dünyəvi dəyərlərə söykənən müstəqil bir respublikanın yarandığını dünyaya bəyan edilmişdir. Cəmi 23 ay fəaliyyət göstərməsinə baxmayaraq, Xalq Cümhuriyyəti dövründə həyata keçirilən tədbirlər müstəqil dövlətçiliyimizin əsaslarının yaradılması və gələcək inkişaf yolunun müəyyənləşdirilməsi baxımından mühüm əhəmiyyət kəsb etmişdir. Gənclər və İdman İdarəsinin rəisi Azər Quliyev çıxışında qeyd edib ki, Azərbaycan Respublikasının prezidenti cənab İlham Əliyevin sərəncamı ilə 2018-ci ilin “Azərbaycan Xalq Cümhuriyyəti ili” elan olunması milli-mənəvi dəyərlərimizə, tariximizə, keçmişimizə verilən yüksək qiymətdir. Heydər Əliyev Mərkəzinin direktoru Aynur Fərzəliyeva, 14 nömrəli tam orta məktəbin direktoru Samirə İsmayılova, gənc fəal Qamət Əliyev və 2 nömrəli tam orta məktəbin direktoru Əminə Əliyeva çıxışlarında qeyd ediblər ki, 1991-ci ildə Sovet İttifaqının dağılması nəticəsində digər müttəfiq respublikalar kimi Azərbaycan də öz müstəqilliyinə qovuşdu və 1993-cü ildən sonra Azərbaycan yeni inkişaf yoluna qədəm qoydu, sabitlik təmin edildi və ölkəmiz inamla irəliyə getməyə başladı. Qeyd edilib ki, müstəqil Azərbaycan Xalq Cümhuriyyətinin varisidir və onların həyata keçirmək istədiyi niyyətlər bügün qüdrətli dövlətimiz tərəfindən reallaşdırılır və əminik ki, ölkəmizin dövlət müstəqilliyi uğurlu və əbədi olacaqdır.

  • Vətənpərvərlik mövzusunda mahnı müsabiqəsi...

    Vətənpərvərlik mövzusunda mahnı müsabiqəsi keçirildi.

    2020-05-26

    19-25 may 2020-ci il tarixlərində Şirvan şəhər Təhsil Şöbəsinin təşkilatçılığı əsasında ümumi təhsil məktəblərinin şagirdləri arasında vətənpərvərlik mahnılarından ibarət mahnı müsabiqəsi keçirilmişdir. Müsabiqə bir kateqoriya üzrə-vətənpərvərlik ruhunda mahnı-seçim turundan ibarət olmuşdur. İştirakçılar vətənpərvərlik ruhunda ifa olunan mahnının yazılmış video versiyasını şəhər Təhsil Şöbəsinin elektron poçt ünvanına göndərməklə müsabiqədə iştirak ediblər. Təşkilatçılar tərəfindən müsabiqənin keçirilməsində məqsəd karantin rejimi müddətində gənclərin asudə vaxtının səmərəli təşkili və məktəblilərin vətənpərvərlik ruhunda tərbiyəsidir. Müsabiqənin qalibləri münsiflər heyətinin seçimi əsasında müəyyən olunmuş və yekun qərarla 14 nömrəli tam orta məktəbin şagirdi Möminə Nurizadə I yerə, 16 nömrəli tam orta məktəbin şagirdi Məryəm Mehdizadə II yerə, 9 nömrəli tam orta məktəbin şagirdi Aqil Kərimli III yerə və 5 nömrəli ümumi orta məktəbin şagirdi Rəhman Axverdiyev isə həvəsləndirici yerə layiq görülüb. Müsabiqənin qalibləri təşkilatçılar tərəfindən diplom və hədiyyələrlə təltif olunublar.

  • Şirvan şəhər İcra Hakimiyyətinin başçısı...

    Şirvan şəhər İcra Hakimiyyətinin başçısı İlqar Abbasov Ramazan bayramı münasibəti ilə şəhər sakinlərini təbrik edib.

    2020-05-23

    Əziz Şirvanlılar, Sizi və xalqımızı mübarək Ramazan bayramı münasibətilə səmimi qəlbdən təbrik edir, hamınıza ən səmimi arzu və diləklərimi çatdırıram. İnsanları xeyirxahlığa, birliyə və mənəvi kamilliyə dəvət edən Ramazan ayı dünya müsəlmanları üçün ən əziz və müqəddəs aydır. Bu ayda oruc tutmaqla insanlar mənəvi-ruhi ucalığın, əxlaqi təmizliyin, şəfqət və mərhəmət hissinin sevincini yaşayır, Uca Yaradan qarşısında vicdani borc və vəzifələrini ləyaqətlə yerinə yetirməklə mənəvi zənginliyə yiyələnməyin fürsətini əldə etmiş olurlar. 2020-ci ildə Ramazan ayının bütün dünyanın qarşılaşdığı koronavirus pandemiyası ilə mübarizə dövrünə təsadüf etməsinə baxmayaraq, Azərbaycan Respublikasının Prezidenti cənab İlham Əliyevin rəhbərliyi ilə xalqımızın sağlamlığının qorunması, vətəndaşların sosial müdafiəsinin gücləndirilməsi istiqamətində qabaqlayıcı tədbirlərin həyata keçirilməsi üçün bütün lazımi imkanlardan istifadə olunmuşdur. Eyni zamanda xalqımız koronavirus pandemiyası ilə mübarizədə sosial yardımlaşma nümayiş etdirməklə öz milli-mənəvi dəyərlərinə sadiqliyini və həmrəyliyini göstərmişdir. Əminəm ki, xalqımızın nümayiş etdirdiyi bu birlik və bərabərlik qarşılaşdığımız çətinliyin öhdəsindən layiqincə gəlməyə kömək edəcəkdir. Həmişə milli-mənəvi dəyərlərə sadiqliyi ilə seçilən Şirvanlıları bir daha bayram münasibəti ilə təbrik edir, oruc və ibadətlərinizin qəbul olunması diləyi ilə hər birinizə möhkəm cansağlığı, xalqımıza xoşbəxtlik və xeyirli-bərəkətli günlər arzulayıram. Ramazan bayramınız mübarək olsun!

  • Şirvan şəhərində aztəminatlı ailələrə k...

    Şirvan şəhərində aztəminatlı ailələrə köməklik olundu.

    2020-05-23

    Ölkəmizdə elan olunmuş karantin rejimi müddətində koronavirus pandemiyasına qarşı dövlət tərəfindən həyata keçirilən tədbirlərə dəstək çərçivəsində Şirvan şəhər İcra Hakimiyyəti tərəfindən sosial müdafiəyə ehtiyacı olan ailələrə köməklik göstərilməsi ilə bağlı tədbirlər 23 may 2020-ci il tarixində də davam etdirilib. Belə ki, Şirvan şəhər İcra Hakimiyyətinin əməkdaşlarının və könüllü gənclərin iştirakı ilə şəhərin müxtəlif ünvanlarında yaşayan ahıl, tənha, sağlamlıq imkanları məhdud aztəminatlı ailələr ziyarət edilib, onlara gündəlik tələbatları üçün lazım olan ərzaq məhsulları verilib. Şəhər sakinlərinə özlərinin və ailə üzvlərinin sağlamlıqları naminə sanitar-epidemioloji normalara ciddi əməl etmələri tövsiyyə edilib, yoluxucu infeksiyadan qorunmaq məqsədi ilə karantin rejimi dövründə ictimai nəqliyyatda, ictimai-iaşə obyektlərində və qida məhsullarının ticarəti ilə məşğul olan müəssisələrdə davranış qaydaları ilə bağlı lazımi məlumatlar verilib. Şəhər sakinləri dövlətimizin diqqət və qayğısı ilə əhatə olunmalarına və onlara göstərilən köməkliyə görə öz minnətdarlıqlarını bildiriblər.

  • Şirvan şəhər İcra Hakimiyyəti və “PAŞA H...

    Şirvan şəhər İcra Hakimiyyəti və “PAŞA Holding” MMC Ramazan bayramı münasibəti ilə birgə sosial aksiya həyata keçiriblər.

    2020-05-22

    Koronavirus pandemiyasının yayılması səbəbindən ölkəmizdə elan olunmuş xüsusi karantin rejimi müddətində Azərbaycan Respublikasının Prezidenti cənab İlham Əliyevin rəhbərliyi altında qabaqlayıcı tədbirlərin həyata keçirilməsi davam etdirilir, xüsusi ilə aztəminatlı vətəndaşların sosial müdafiəsinin gücləndirilməsi, onlara maddi və mənəvi dəstək göstərilməsi istiqamətində bütün lazımi imkanlardan istifadə olunur. Görülən işlər içərisində məşğulluq və sosial rifaha dəstək işləri mühüm yer tutur. Pandemiyadan zərər çəkən sahələrdə işləyən insanların əməkhaqlarının əhəmiyyətli hissəsi dövlət tərəfindən qarşılanır, iki ay müddətində haqqı ödənilən ictimai iş yerləri yaradılıb, xüsusi karantin dövründə işləməyən 600 min insana iki ay ərzində 190 manat yardımın verilməsi təmin edilib. Ölkə Prezidentinin əhalinin rifah halının yaxşılaşdırılması və sosial müdafiəsinin gücləndirilməsi istiqamətində verdiyi tövsiyə və tapşırıqlara uyğun olaraq Şirvan şəhər İcra Hakimiyyətinin təşəbbüsü ilə xüsusi karantin rejimi dövründə ahıl, tənha və sağlamlıq imkanları məhdud 3 minə qədər ailə ziyarət edilmiş və onlara lazımi köməkliklər göstərilmişdir. Şəhər İcra Hakimiyyəti sosial müdafiəyə ehtiyacı olan ailələrə köməklik göstərilməsi ilə bağlı təşəbbüsünü müqəddəs Ramazan bayramı ərəfəsində də davam etdirib. Belə ki, Ramazan bayramı ərəfəsində, koronavirus pandemiyasına qarşı dövlət tərəfindən həyata keçirilən tədbirlərə dəstək çərçivəsində aztəminatlı ailələrə köməklik göstərilməsi ilə bağlı Heydər Əliyev Fondunun #"Biz Birlikdə Güclüyük!" təşəbbüsünə 22 may 2020-ci il tarixində “PAŞA Holding" MMC də təkrar qoşulub, Şirvan şəhər İcra Hakimiyyəti ilə birgə könüllü gənclərin iştirakı ilə şəhərin müxtəlif ünvanlarında yaşayan, ilk növbədə sosial müdafiəyə ehtiyacı olan 300 ailə ziyarət edilib və onlara gündəlik tələbatları üçün lazım olan ərzaq məhsulları verilib. Şəhər sakinləri dövlətimizin diqqət və qayğısı ilə əhatə olunmalarına və müqəddəs Ramazan bayramı ərəfəsində onlara verilən sosial dəstəyə görə ölkə rəhbərliyinə öz minnətdarlıqlarını bildirib, “PAŞA Holding” MMC-nin nümayəndələrinə təşəkkürlərini çatdırıblar.

  • Şirvan gəncləri könüllülük fəaliyyətində...

    Şirvan gəncləri könüllülük fəaliyyətində aktiv iştirak edirlər.

    2020-05-19

    Gənclərimiz cənab prezident İlham Əliyevin və Birinci vitse-prezident Mehriban xanım Əliyevanın çağırışına qoşularaq könüllülük fəaliyyətində aktiv iştirak edirlər. Bu çağırışlara cavab olaraq ölkəmizdə fəaliyyət göstərən könüllü təşkilatları və hərəkatları tərəfindən Azərbaycan Könüllülərinin Əlaqələndirmə Mərkəzi(AKƏM) yaradılıb və bu mərkəz fəaliyyətini davam etdirməkdədir. Qısa bir zamanda bu mərkəz tərəfindən respublikanın demək olar ki, bütün şəhər və rayonlarında könüllülər səfərbər olunublar. Onlar müxtəlif istiqamətlərdə aktiv fəaliyyət göstərirlər. ASAN xidmət mərkəzlərində başlayan könüllülük hərəkatı artıq digər sahələrdə də geniş yayılmaqdadır. Gənclərin fərdi inkişafına təkan vermək, onlarda sosial məsuliyyət hissini artırmaq, gəncliyin potensialından xalqın rifahı və ölkəmizin dayanıqlı inkişafı üçün səmərəli istifadə etmək məqsədi ilə Azərbaycan Respublikası Prezidentinin “Azərbaycan Respublikasında 2020-ci ilin “Könüllülər ili” elan edilməsi haqqında” 20 dekabr 2019-cu il tarixli Sərəncamı da çox böyük önəm daşıyır. Azərbaycanda könüllülük hərəkatının genişlənməsində Azərbaycan Respublikasının Birinci vitse-prezidenti Mehriban xanım Əliyevanın və “Heydər Əliyev Fondu”nun vitse-prezidenti Leyla xanım Əliyevanın da rolu çox böyükdür. Onların təşəbbüsü ilə həyata keçirilən bir çox layihələrə könüllü gənclər qoşulmuş və bu layihələrin həyata keçirilməsinə öz töhfələrini vermişlər. Ölkəmizdə elan olunmuş xüsusi karantin rejimi müddətində könüllülərin fəaliyyəti və fədakarlıqları danılmazıdır. Əhali ilə keçirilən maarifləndirici görüşlərdə könüllülər tərəfindən Şirvan şəhər sakinlərinə infeksiyanın sürətlə yayılma riski və törədə biləcəyi fəsadlar barədə ərtaflı məlumatlar verilib, onlara xüsusi karantin rejiminin tələblərinə və sanitar-epidemioloji normalara ciddi əməl etmələri və evda qalmalarını tövsiyə edilib. Eyni zamanda könüllülər karantin zamanı yaşı 65-dən yuxarı tənha şəxslərin evdə olduqları müddətdə gündəlik tələbatları ilə bağlı bu və ya digər zəruri ərzaq və avadanlıqların, dərman vasitələrinin alınmasına, müxtəlif ödənişlərin edilməsinə köməkliklər göstərmişdir. Könüllülər eyni zamanda "Böyüklərimizi qoruyaq” devizi altında şəhər ərazisində fiziki məhdudiyyəti olan insanların ünvanına baş çəkir, aztəminatlı və şəhid ailələri ilə görüşüb, onlara müxtəlif ərzaq və gündəlik tələbat məhsullarından ibarət bağlamalar çatdırırlar. Belə bir çətin və mürəkkəb məqamda Şirvan şəhərinin könüllüləri öz sinələrini önə verərək prosesdə aktiv iştirak ediblər. Könüllülərin fəaliyyətinin ən mühüm istiqamətlərindən biri də koronavirus infeksiyası səbəbindən yaranan qan qıtlığının aradan qaldırılması ilə bağlıdır. Bildiyiniz kimi, ölkəmizdə karantin rejimi tətbiq edildiyindən qan qıtlığı yaranmışdı və qana ehtiyacı olan insanların həyatı təhlükə altında qalmışdı. Bu istiqamətdə könüllülər tərəfindən çox mühüm aksiyaya start verildi. Belə ki, 8 aprel tarixində Azərbaycan Könüllülərinin Əlaqələndirmə Mərkəzi Milli Hematologiya və Transfuziologiya Mərkəzi – Qan Bankı ilə birlikdə "Könüllü Donor” aksiyasına start verdi. Bu nəcib aksiya çərçivəsində Şirvan könüllüləri də Qan Bankının şəhərimizdə yerləşən bölmələrində qanvermə aksiyasında fəal iştirak ediblər. Bu gün ölkəmizin gənclərinin-könüllülərimizin yaşlı, əlilliyi olan insanlara hörmət və qayğı ilə yanaşmaları, bu sahədə fəallıq göstərmələri onların hər şeydən əvvəl milli-mənəvi dəyərlərimizə sədaqət hisslərinin əyani təsdiqidir. Harda köməyə, yardıma ehtiyac varsa, orda könüllülər görünür.Könüllülərin belə təşkilatlanması gənclərimizə vətənə, millətə sevgini artırır.

  • Könüllülər-günümüzün əsl qəhrəmanları

    Könüllülər-günümüzün əsl qəhrəmanları

    2020-05-19

    Azərbaycan Respublikasının Prezidenti İlham Əliyevin və Birinci vitse-prezident Mehriban xanım Əliyevanın çağırışlarına cavab olaraq könüllülərimiz hər zaman xalqımızın yanındadılar. Azərbaycan xalqı əsrlər boyu xeyirxahlıq, fədakarlıq, könüllü və təmənnasız kömək ənənələrini yaşatmışdır. Könüllülük insanları vahid niyyət ətrafında birləşdirən, vətəndaş, cəmiyyət və dövlətin birgə fəaliyyətinin ən uğurlu formatıdır. Könüllülük həm də vətənpərvərlik məktəbi, öz xalqına, dövlətinə, milli-mənəvi dəyərlərə bağlılıq və xidmət örnəyidir. Bu fəaliyyətin təşviqi məqsədilə dövlətimiz tərəfindən zəruri addımlar atılmış, normativ hüquqi baza təkmilləşdirilmiş, dövlət dəstəyi mexanizmləri formalaşdırılmışdır. Könüllülük bir çox fəaliyyət sahələrinə nüfuz edərək ümummilli hərəkata çevrilmiş, ölkəmizin hər bir bölgəsinə, ictimai həyatın müxtəlif sahələrinə yayılaraq, cəmiyyətimizin bütün təbəqələrini əhatə etmiş, gənclərimizin həyat tərzinə çevrilmişdir. Müasir Azərbaycanda könüllülük sahəsində real inkişaf ulu öndər Heydər Əliyevin hakimiyyətə qayıdışından sonra başlayıb. Elə buna görə də könüllülük hərəkatının nəzərəçarpacaq yüksəlişi məhz ümummilli liderimizin adı ilə bağlıdır. Belə ki, dahi öndərin idarəçiliyinin ilk illərindən başlayaraq, hərtərəfli və davamlı inkişaf məqsədilə dövlət və özəl sektorlar, vətəndaş cəmiyyəti arasında əməkdaşlıq diqqət mərkəzində saxlanıldı. Bu prosesə insanları könüllü şəkildə cəlb etməyə, onların sahə təcrübəsindən yararlanmağa mühüm önəm verildi. Beləliklə, 1998-ci ildə Gənclər, İdman və Turizm Nazirliyi, BMT İnkişaf Proqramı və BMT Könüllüləri Proqramının birgə layihəsi fəaliyyətə başladı. 1998-2000-ci illərdə bu proqramın nəticəsi olaraq ölkədə güclü könüllü komandası yaradıldı və könüllülük prinsiplərinin geniş auditoriyaya təbliğinə start verildi. 1985-ci ildə iqtisadi və sosial inkişaf naminə hər il 5 dekabr BMT-nin Baş Məclisi tərəfindən “Beynəlxalq Könüllülər Günü” kimi qeyd edilməsi təklif olunub. Könüllülük bu gün milyonlarla insanın şəxsi və karyera inkişafına imkan yaradır, cəmiyyətin rifahına xidmət edir. ASAN, “Regional İnkişaf” İctimai Birliyi, “Bir” Tələbə könüllülüləri və digər könüllü hərəkatları yaranmış, mərkəzi və yerli icra hakimiyyəti orqanlarında on minlərlə gənci birləşdirən könüllü qrupları formalaşmışdır. Könüllülərimiz öz kreativliyi, təşəbbüskarlığı, innovativ düşüncə tərzi və müasir dünyagörüşləri ilə qoşulduqları fəaliyyətə yeni nəfəs vermiş, ölkəmizdə Avroviziya Mahnı Müsabiqəsi, I Avropa Oyunları, “Formula 1” yarışları, IV İslam Həmrəyliyi Oyunları kimi irimiqyaslı beynəlxalq tədbirlərin həyata keçirilməsində əvəzsiz rol oynamışlar. 2019-cu il Gənclər günü münasibətilə keçirilən Respublika toplantısında cənab Prezident İlham Əliyev könüllülük fəaliyyətinin önəmini bir daha vurğulayaraq bütün sahələrə könüllülərin cəlb olunmasını tapşırıq kimi qarşıya qoydu. Bundan sonra artıq Beynəlxalq və ölkə səviyyəsində keçirilən tədbirlərlə yanaşı, bir çox qurumlarda, o cümlədən şəhər və rayonların İcra Hakimiyyətlərində, Gənclər Evlərində, Aqrar İnkişaf mərkəzlərində könüllülərin fəaliyyəti nəzərəçarpacaq dərəcədə artdı və fəaliyyətdə olan könüllülər ölkəmizin ictimai-siyasi, sosial-mədəni həyatında aktiv iştirak etməyə başladılar. Cənab Prezidentimiz İlham Əliyevin gənclərin könüllü fəaliyyəti ilə bağlı fikirlərində qeyd olunduğu kimi.....”Mən şadam ki, Azərbaycanda çox müasir, dövlətə, Vətənə bağlı olan gənc nəsil yetişir və könüllülərin fəaliyyəti xüsusi əhəmiyyət daşıyır. Çünki siz bu işlərə könüllü şəkildə qoşulmusunuz, özünüz bu təşəbbüsü göstərmisiniz və işinizlə ölkəmizin ümumi inkişafına töhfənizi verirsiniz.. Həqiqətən də ölkəmizdə Beynəlxalq miqyaslı tədbirlərin, idman yarışlarının keçirilməsində könüllü gənclərin böyük rolu vardır. Ölkəmizdə günü-gündən inkişaf edən könüllülük hərəkatı Gənclər Evlərinin də fəaliyyətində ön plana çıxır. Şirvan Gənclər Evinin fəaliyyətə başladığı ilk gündən könüllülük fəaliyyəti prioritet məsələ kimi qarşıya qoyulmuş, gənclərin könüllü fəaliyyətə cəlb olunması istiqamətində müxtəlif təlim və seminarlar təşkil olunmuşdur. Gənclər Evində könüllü olan hər bir gəncin qarşısına qoyduğumuz əsas məqsəd könüllülükdə keçən vaxtdan düzgün istifadə etmək, bir gənc olaraq inkişaf etmək, dövlətimiz üçün layiqli vətəndaş kimi yetişməkdir. Könüllülərin dünyagörüşünün inkişafı, dil biliklərinə yiyələnməsi, məntiqi biliklərinin artırılması, Gənclər Evindən lazımi səviyyədə yararlanması üçün hər cür şərait yaradılıb, bir sıra təlim və seminarlar, layihələr təşkil olunur. Bu da o deməkdir ki, gənclər könüllü olaraq həm çalışır, həm öyrənib inkişaf edir və həm də gələcəyini qururlar. Şirvan Gənclər Evinin könüllüləri ölkəmizin və şəhərimizin ictimai-mədəni həyatında daim aktiv iştirak edirlər. Beləki, 2020-ci ilin mart ayına qədər müxtəlif fəaliyyətlərdə aktiv iştirak edən könüllülər pandemiya dövründən sonra daha fəal olmağa, çətin günlərdə xalqımıza yaralı olmağa çalışdılar. COVİD- 19 pandemiyasına görə karantin elan olunduqdan sonra Şirvan Gənclər Evinin könüllüləri qruplara ayrılaraq ilk öncə şəhər ərazində insanlar arasında maarifləndirmə və virusdan qorunma üsulları barədə məlumatlandırma işləri apardılar. Bundan sonra şəhər İcra Hakimiyyətinin təşkilatçılığı ilə aztəminatlı ailələr üçün ayrılan ərzaqların paylanmasında könüllülər xüsusi aktivliklə iştirak etdilər. Paralel olaraq şəkərli diabed xəstələri üçün ayrılan dərmanlar aprel ayı ərzində könüllülər tərəfindən evlərində onlara çatdırıldı. Bununla da həm xəstəliyi olan insanlara yardım etmiş oldular və həm də bir çox şəhər sakininin evdəqal aksiyasına qoşulamasına zəmin yaratdılar. Bütün bunlarla yanaşı bir qrup könüllər aztəminatlı, işsiz insanlar üçün nəzərdə tutulan yardımın verilməsi üçün qeydiyyatın aparılması, habelə müxtəlif çətinliklərlə üzləşən insanların problemlərinin həllinə yardım etmək məqsədilə aprel ayı ərzində Məşğulluq mərkəzinin əməkdaşlarına köməklik göstərdilər. Könüllülər tənha yaşlılara, aztəminatlı ailələrə baş çəkir, onların zəruri ehtiyaclarının qarşılanmasına köməklik göstərdilər. Talassemiya və hemofiliya xəstəliyindən əziyyət çəkən, koronavirus infeksiyası ilə əlaqədar olaraq təcili əməliyyata və bununla əlaqədar qana ehtiyacı olan şəxslərin həyatı üçün yaranan təhlükənin aradan qaldırılmasında könüllülərin fəaliyyəti danılmazdır. Könüllülər Şirvan şəhər Mərkəzi Xəstəxanasının Qan Bankında təşkil olunan qanvermə aksiyasında fəal iştirak etmişlər. Əslində hər bir insan öz həyatının könüllüsüdür. Yəni insan özü üçün nələrsə etdikdə qarşılığında özündən mənfəət gözləmir, özünün inkişafını və yaxud özünün nəsə əldə etməsi üçün bunu edir. Lakin hər hansı bir sahədə könüllü fəaliyyətlə məşğul olmağın insanın özü üçün könüllü nələrsə etməkdən bir fərqi var. O da etdiyi işin özü üçün yox, digərləri üçün nəzərdə tutulması və əldə etdiyinin özü ilə bərabər digərlərinə də xeyirli olmasıdır. Könüllü fəaliyyət növü yeganə fəaliyyət növüdür ki, görülən işin ağır və ya yüngül olmasına baxmayaraq bir adla adlandırılır – KÖNÜLLÜ! Azərbaycan gəncliyi, bütün könüllülər ordusu inanır ki, müstəqil və qüdrətli Azərbaycanımız hörmətli Prezidentimiz cənab İlham Əliyevin rəhbərliyi və Birinci vitse Prezident Mehriban xanım Əliyevanın diqqət və qayğısı sayəsində böyük uğurlara imza atmağa davam edəcək və daim zirvələrdə olacaqdır!

  • Könüllülərin fəaliyyəti davam edir

    Könüllülərin fəaliyyəti davam edir

    2020-05-19

    Azərbaycan Respublikasının Prezidenti cənab İlham Əliyevin və Birinci vitse-prezident Mehriban xanım Əliyevanın birbaşa dəstəyi nəticəsində son illər ərzində ölkəmizdə könüllülük hərəkatı geniş vüsət almış, Azərbaycan Könüllülərinin Əlaqələndirmə Mərkəzi öz fəaliyyət dairəsini genişləndirməkdədir. Yeni növ koronovirus infeksiyasının yarada biləcəyi təhlükə ilə mübarizədə dövlət tərəfindən həyata keçirilən tədbirlərin dəstəklənməsi məqsədilə 27 mart 2020-ci il tarixində formalaşan və fəaliyyətində bir sıra könüllü təşkilatları, ictimai birlikləri birləşdirən Mərkəzin işinin əlaqələndirilməsi Azərbaycan Respublikası Gənclər Fondu tərəfindən həyata keçirilir. Azərbaycan Könüllülərinin Əlaqələndirmə Mərkəzinin rəhbərliyi ilə keçirilən aksiyalar çərçivəsində könüllülər tənha yaşlılara, aztəminatlı ailələrə baş çəkir, onların zəruri ehtiyaclarının qarşılanmasına köməklik göstərir, həmçinin koronavirus infeksiyası ilə əlaqədar olaraq qan qıtlığının təcili qana ehtiyacı olan şəxslərin həyatı üçün yaratdığı təhlükənin aradan qaldırılmasına fəal töhfə verirlər. Qısa zamanda Mərkəz tərəfindən respublikanın demək olar ki, bütün şəhər və rayonlarında könüllülər səfərbər olunmuş, onların əlaqələndirilməsi və lazımi fəaliyyətlərə yönləndirilməsi həyata keçirilmişdir. Könüllülər minlərlə tənha ahılların, aztəminatlı ailələrin, şəhid ailələrinin, fiziki məhdudiyyəti olan şəxslərin evlərinə baş çəkmiş, onlara müxtəlif ərzaq və gündəlik təlabat məhsullarından ibarət bağlamaların çatdırılmasında köməklik göstərmişlər. Könüllülər eyni zamanda vətəndaşların öz vəsaiti hesabına gündəlik ərzaq məhsullarının, dərman vasitələrinin alınmasına və kommunal ödənişlərinin həyata keçirilməsinə köməklik göstərir, Qan Bankının paytaxtda və regionlarda yerləşən bölmələrində qanvermə aksiyasında fəal iştirak edirlər. Onlar əhali arasında koronavirus infeksiyası ilə bağlı maarifləndirmə işlərinin aparılması, küçədə maskasız gəzən şəxslərə tibbi maskaların paylanması, həmçinin günümüzün görünməyən qəhrəmanları olan polis və tibb işçilərinə könüllülər adından təşəkkür mesajlarının çatdırılmasında da böyük həvəslə iştirak edirlər.

  • Laçının işğalından 28 il ötür

    Laçının işğalından 28 il ötür

    2020-05-18

    Ermənistan Respublikasının ölkəmizə qarşı hərbi təcavüzünün davamı kimi 1992-ci il mayın 18-də keçmiş Dağlıq Qarabağ Muxtar Vilayətinin tərkibinə daxil olmayan Laçın rayonu işğal edilib. İşğal nəticəsində Laçın rayonunun əhalisi etnik təmizləməyə məruz qalıb və hazırda 77 min nəfərdən artıq Laçın sakini Azərbaycanın müxtəlif bölgələrində məcburi köçkün kimi yaşayır. Ermənistan tərəfindən rayonda dövlət və özəl mülkiyyətə ciddi zərər yetirilib. Belə ki, 217 mədəniyyət, 101 təhsil, 142 səhiyyə müəssisəsi, 462 ticarət, 30 rabitə, 2 avtonəqliyyat və müxtəlif təyinatlı istehsal müəssisələri talan və məhv edilib. Dünya əhəmiyyətli 54, yerli əhəmiyyətli 200-dən çox tarixi abidə vandalizmə məruz qalıb. VI əsrə aid Alban Ağoğlan məbədi, XIV əsrə aid Məlik Əjdər türbəsi, Qaraqışlaq kəndində məscid, Zabux kəndində qədim qəbiristanlıq bunların sırasındadır. Laçın Tarix Muzeyi və onun qızıl, gümüş və tunc sikkələrdən ibarət qədim kolleksiyası talan edilib. Ermənistan işğalçı tərəf olaraq Cenevrə Konvensiyaları ilə üzərinə düşən öhdəliklərini kobud şəkildə pozaraq, Laçın rayonunda coğrafi adları dəyişdirib. Rayonun təbii resurslarını talan edib.Suriyadan olan erməni əsilli qaçqınları orada məskunlaşdırmaqla qeyri-qanuni əməllərini davam etdirir. Avropa İnsan Hüquqları Məhkəməsi “Çıraqov və digərləri Ermənistana qarşı” işi üzrə Azərbaycanın Laçın rayonundan məcburi qovulmuş Azərbaycan vətəndaşlarının xeyrinə qərar qəbul edərək, onların İnsan Hüquqları və Fundamental Azadlıqların qorunmasına dair Konvensiya üzrə mülkiyyət hüququ, şəxsi və ailə həyatına hörmət kimi hüquqlarının pozulduğunu təsbit edib. Qərarın 19-20-ci paraqraflarında Laçın rayonu, xüsusən Laçın şəhərinin hərbi hücuma məruz qalması, 1992-ci il may ayının ortalarında Laçının havadan bombardman edilməsi və bunun nəticəsində çoxlu sayda evlərin dağıdılması, şəhərin talan edilməsi və yandırılması, hərbi münaqişə dövründə Laçın və ətraf kəndlərin tamamilə dağıdılması öz təsdiqini tapıb. Ermənistan Azərbaycanın Dağlıq Qarabağ bölgəsini və ətraf rayonları işğal etməklə əsl niyyətinin hərbi təcavüz yolu ilə ərazi əldə etmək olduğunu ortaya qoyur. Ermənistanın kəskinləşən hərbi təcavüzü şəraitində BMT-nin Təhlükəsizlik Şurası 1993-cü ildə 822, 853 , 874 və 884 saylı qətnamələri qəbul edərək, Azərbaycan ərazilərinin işğalını pisləyib, Azərbaycanın ərazi bütövlüyünü, suverenliyini və Dağlıq Qarabağın Azərbaycanın ayrılmaz hissəsi olduğunu bir daha təsdiq edərək işğalçı qüvvələrin zəbt olunmuş ərazilərdən dərhal, qeyd-şərtsiz və tam çıxarılmasını tələb edib. Ermənistan BMT Təhlükəsizlik Şurasının qətnamələrinin tələblərini yerinə yetirməyərək işğal olunmuş Azərbaycan ərazilərinin ilhaq edilməsinə yönəlmiş siyasət yürüdür. Beynəlxalq hüququn normalarına və BMT Nizamnaməsinə zidd olaraq Ermənistan tərəfindən Azərbaycana qarşı qeyri-qanuni gücdən istifadə nəticəsində, işğal olunmuş ərazilərindən 700 mindən artıq yerli azərbaycanlıların zorla qovulması, onların fundamental hüquq və azadlıqlarının kütləvi pozulması müqabilində Ermənistanın Azərbaycanın Dağlıq Qarabağ bölgəsində yaşayan sayı 90 mindən az olan erməni azlığın “öz müqəddəratını təyin etmək” və “insan hüquqları” kontekstində təqdim etmək cəhdləri cəfəngiyatdır və heç bir mənəvi, hüquqi və siyasi çərçivəyə sığmır. Azərbaycan münaqişənin tezliklə həlli istiqamətində beynəlxalq səylərin artırılmasını dəstəkləyərək, beynəlxalq səviyyədə tanınmış sərhədləri daxilində ərazi bütövlüyü və suverenliyini, vətəndaşlarının pozulmuş hüquqlarını bərpa etmək hüququnu özündə saxlayır. Ümummilli Liderimiz Heydər Əliyevin siyasi kursunu, işğal altında olan torpaqlarmızı sülh yolu ilə azad etmək siyasətini ardıcıl davam etdirən Azərbaycan Respublikasının Prezidenti cənab ilham Əliyevin məsələ ilə bağlı atdığı qətiyətli addımlar, həyata keçirdiyi tədbirlər bunu bir daha təsdiq edir.Məcburi köçkünlərə, o cümlədən laçınlılara dövlət səviyəsində daim diqqət və qayğı göstərilir. Birinci vitse-Prezidentimiz Mehriban xanım Əliyevanın humanizmə, mərhəmət və nəcibliyə söykənən hərtərəfli fəaliyyəti sayəsində məcburi köckunlərin, o cümlədən Laçınlıların da qayğıları və sosial problemləri ardıcıl həll edilir. Həyata keçirilən bu siyasət yerlərdə də davam etdirilir. Şirvan şəhər İcra Hakimiyyəti də şəhərdə məskunlaşan digər məcburi köçkünlərlə yanaşı Laçından olan 40 ailəni də diqqət və qayğı ilə əhatə edir. Azərbaycan Respubliklasının Prezidenti cənab İlham Əliyevin tapşırığı nəticəsində Şirvan şəhərində yeni salınan məktəb, uşaq bağçası və digər sosial infirasturukturla təmin edilmiş hərcür şəraiti olan şəhərcikdə onlara mənzillər verilib. Laçınlılar onlara göstərilən diqqət və qayğıya görə Azərbaycan Respublikasının Prezidenti cənab ilham Əliyevə və Birinci-vitse prezident Mehiriban xanım Əliyevaya təşəkkür və minnətdarlıqlarını bildirirlər.

  • Şirvan şəhər İcra Hakimiyyətinin başçısı...

    Şirvan şəhər İcra Hakimiyyətinin başçısı İlqar Abbasov tərəfindən növbəti video-müşavirə keçirilib.

    2020-05-13

    Azərbaycan Respublikasının ərazisində xüsusi karantin rejiminin müddətinin uzadılması və həmin rejimlə əlaqədar tətbiq edilən bəzi məhdudiyyətlərin aradan qaldırılması barədə Azərbaycan Respublikası Nazirlər Kabinetinin 01 may 2020-ci il tarixli 163 nömrəli Qərarından irəli gələn vəzifələrlə əlaqədar Şirvan şəhər İcra Hakimiyyətində növbəti video-konfrans şəklində müşavirə keçirilib. Şəhər İcra Hakimiyyətinin başçısı İlqar Abbasovun rəhbərliyi ilə keçirilən müşavirəyə Şirvan şəhər İcra Hakimiyyəti başçısının müavinləri, şəhərin səhiyyə, təhsil və mədəniyyət müəssisələrinin rəhbərləri, şəhər Bələdiyyəsinin sədri, şəhər Məşğulluq Mərkəzinin direktoru, Statistika idarəsinin rəisi, xidmət təşkilatlarının rəhbərləri, şəhər və qəsəbə icra nümayəndələri qatılıb. Video-müşavirədə çıxış edən Şirvan şəhər İcra Hakimiyyətinin başçısı İlqar Abbasov koronavirus(COVID-19) pandemiyasının Azərbaycan ərazisində yarada biləcəyi təhlükənin qarşısının alınması məqsədi ilə Azərbaycan Respublikasının Prezidenti cənab İlham Əliyevin rəhbərliyi ilə zəruri qabaqlayıcı tədbirlər görüldüyünü, profilaktik və təxirəsalınmaz tədbirlərin həyata keçirilməsinin davam etdirildiyini bildirib. İlqar Abbasov xüsusi karantin rejimi müddətində təxirəsalınmaz tədbirlərlə əlaqədar şəhər İcra Hakimiyyəti tərəfindən Operativ Qərərgahın yaradıldığını, həyata keçiriləcək işlərlə əlaqədar tədbirlər planının təsdiq edildiyini və sanitariya-gigiyena qaydalarına ciddi riayət edilməsi istiqamətində profilaktik tədbirlərin davam etdirildiyini qeyd edib. Azərbaycan Respublikası Nazirlər Kabinetinin müvafiq qərarı ilə karantin rejimi dövründə fəaliyyətinə icazə verilmiş sahələr üzrə metodiki göstərişlərin hazırlandığı və həmin göstərişlərə uyğun olaraq xüsusi karantin rejimi dövründə sanitariya vəziyytinin tənzimləndiyi bildirilib. İcra Hakimiyyətinin başçısı İlqar Abbasov cənab Prezident tərəfindən verilmiş tapşırıqlardan düzgün nəticə çıxarmayan, rüşvət və korrupsiya hallarına son qoymayan və dövlətin mənafeyinə ciddi zərbə vuran şəxslərin dövlət tərəfindən ciddi cəzalandırılmasının davam etdirildiyini, eyni zamanda xüsusi karantin rejimi dövründə hərəkət etmək üçün qanunsuz olaraq arayış vermiş 2 icra nümayəndəsi barədə şəhər İcra Hakimiyyətinin başçısı tərəfindən toplanmış materialların araşdırılaraq müvafiq tədbirlərin görülməsi üçün şəhər prokurorluğuna göndərildiyini bildirmişdir. İlqar Abbasov qeyd edib ki, dövlət qulluğunda işləyən hər bir məsul şəxs dövlətin mənafeyinə uyğun fəaliyyəti özünün gündəlik vəziləri olaraq müəyyənləşdirməlidir. Video-müşavirədə iştirak edənlər öz çıxışlarında xüsusi karantin rejiminin müddətinin uzadılması və həmin rejimlə əlaqədar tətbiq edilən bəzi məhdudiyyətlərin aradan qaldırılmasından sonra fəaliyyət sahələri üzrə yeni növ koronavirus(COVİD-19) infeksiyasının yayılmasının qarşısının alınması istiqamətində şəhər ərazisində gördükləri işlər və həyata keçirilən qabaqlayıcı tədbirlər barədə ətraflı məlumat veriblər. Sonda İcra Hakimiyyətinin başçısı xüsusi olaraq qeyd edib ki, Nazirlər Kabineti yanında Operativ Qərargahın məlumatına görə COVID-19 virusuna yoluxma dinamikası və xəstəliklə bağlı ölkədəki vəziyyət təhlil olunduqdan sonra zərurət yaranacağı halda xüsusi karantin rejim yenidən sərtləşdirilə bilər. Bu səbəbdən İlqar Abbasov video-müşavirə iştirakçılarını xüsusi karantin rejimində tətbiq edilən bir sıra məhdudiyyətlərin yumşaldılmasından arxayınlaşmamağa və xüsusi karantin rejiminin tələblərinə ciddi riayət etməyə çağırıb, eyni zamanda aidiyyəti qurumların rəhbərlərinə tövsiyyə və tapşırıqlarını verərək xüsusi karantin rejimi müddətində sanitariya-gigiyena qaydalarına nəzarət işlərinin və profilaktik tədbirlərin davam etdiriləcəyini bildirib.

  • Hazırda qlobal liderliyə ehtiyac duyulduğu bir ...

    Hazırda qlobal liderliyə ehtiyac duyulduğu bir şəraitdə Azərbaycan Respublikasının Prezidenti İlham Əliyev dünyanın müxtəlif siyasi və ideoloji quruluşlara malik ölkələrini bir araya gətirməyə nail oldu.

    2020-05-13

    Bəşəriyyət aylardır amansız düşmənlə-COVİD-19 pandemiyası ilə sözün əsl mənasında “ölüm və olum” savaşı, varolma mübarizəsi aparır. Bu ümumbəşəri bəlaya qarşı hər bir dövlət əsasən öz sərhədləri və imkanları çərçivəsində mübarizə aparır. Azərbaycan bu mübarizənin ön sıralarındadır və Prezident İlham Əliyevin rəhbərliyi, qətiyyəti, iradəsi və uzaqgörən siyasəti sayəsində ölkəmiz pandemiyaya qarşı mübarizədə uğur qazanıb, görülən qabaqlayıcı tədbirlər nəticəsində yoluxmanın kütləvi və sürətli yayılmasının qarşısı alınıb. Prezidentin sərəncamı ilə Nazirlər Kabineti yanında Operativ Qərargahın, Koronavirusla Mübarizəyə Dəstək Fondunun yaradılması, COVİD–19 pandemiyasına qarşı görülmüş qabaqlayıcı tədbirlərə görə Azərbaycan nümunəvi ölkə kimi dəyərləndirilir. Tarix hər zaman bir həqiqəti təsdiqləyib ki, pandemiya ilə mübarizədə ümumi düşmənə qarşı qlobal əməkdaşlıq və birgə səyləri birləşdirməklə qalib gəlmək mümkün olacaqdır. Bu mənada Azərbaycanın öncüllüyü diqqəti çəkir. Türk Dilli Dövlətlərin Əməkdaşlıq Şurasının sədri İlham Əliyevin təşəbbüsü ilə aprelin -10 da Türk Şurasının videokonfrans formatında keçirilən Zirvə görüşü COVİD-19 pandemiyası ilə mübarizədə beynəlxalq və regional əməkdaşlığa ilk və ciddi çağırış oldu. Zirvə görüşünə qatılan dövlət başçıları Azərbaycan Prezidentinin bu təşəbbüsünü və liderliyini yüksək qiymətləndirdilər. COVİD–19 pandemiyasına qarşı mübarizədə ölkəmiz əldə etdiyi təcrübəni dünya birliyi ilə paylaşmağa hazır olduğunu bəyan etməklə humanizm, həmrəylik, birgəyaşayış, birlik və bərabərlik mesajlarını verdi...