Home Contact Phone
background
  • Ünvan: Şirvan şəhəri, Istiqlaliyyət prospekti 10
  • Faks: (+994 021) 215-57-77
  • E-mail: mail@shirvan-ih.gov.az

Xəbərlər

  • Bu gündən Azərbaycanda yeni tədris ili başlay...

    Bu gündən Azərbaycanda yeni tədris ili başlayır.

    2021-09-22

    Bu gün sentyabrın 22-dən respublikamızın paytaxt və regionlarında olduğu kimi Şirvan şəhərində də ümumtəhsil müəssisələrinin ibtidai (I-IV) siniflərində ənənəvi formada yeni dərs ili başlayıb. Şirvan şəhər ümumtəhsil məktəblərinin I-IV sinifləri üzrə tədrisə 5319 şagird cəlb edilib. Azərbaycan Respublikası Nazirlər Kabinetinin "Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”nda etdiyi dəyişikliyə əsasən, bu gündən fəaliyyətə başlayan təhsil müəssisələrinə giriş və çıxış zamanı şəxslər arasında minimum 1 metr sosial məsafə təmin olunub və bu məqsədlə təhsil müəssisəsinin girişindəki meydançanın yeri işarələnib. Şəxsi-gigiyena və sanitar qaydalara, şagirdlər arasında sıxlığın idarə edilməsinə əməl olunub. Qeyd edək ki, Şirvan şəhər ümumtəhsil müəssisələrində çalışan təhsil işçilərinin 95 faizi COVİD-19 infeksiyasına qarşı vaksin olunub.

  • Şirvan Şəhər İcra Hakimiyyətinin başçısı...

    Şirvan Şəhər İcra Hakimiyyətinin başçısı İlqar Abbasov yeni tədris ilinin başlanması münasibətilə şəhər təhsil ictimaiyyətini təbrik edib.

    2021-09-21

    Azərbaycan təqviminin ən əlamətdar günlərindən biri - yeni tədris ilinin başlanması münasibətilə şəhər təhsil ictimaiyyətini, müəllim, şagird və tələbələri, xüsusilə ilk dərs gününün həyəcanını yaşayan birinciləri və valideynlərini təbrik edir, yeni dərs ilində müvəffəqiyyətlər arzu edirəm. Respublikamızda tədris ili sentyabr ayının 15-dən başlasa da, Təhsil Nazirliyinin qərarına əsasən, mövcud pandemiya şəraiti ilə əlaqədar olaraq, bu il də dərslər mərhələli şəkildə bərpa ediləcək. 1-4-cü siniflər 22 sentyabrdan, 5-11-ci siniflər və ali məktəblər isə 29 sentyabrdan ənənəvi təhsilə başlayacaq. Pandemiyanın ilk günlərindən ənənəvi təhsil mümkün olmasa da, təhsil müəssisələrimiz distant və digər formalarda məktəblilərin elmə, təhsilə yiyələnməsi üçün əllərindən gələni etdilər. Bütün bunların nəticəsidir ki, 2020-2021-ci tədris ili xeyli uğurlarla yadda qaldı. Belə ki, bu il Şirvan şəhərində ümumtəhsil məktəblərindən məzun olan 654 nəfər şagirddən 322 nəfəri respublikamızın müxtəlif ali təhsil ocaqlarına, 116 nəfəri isə orta ixtisas təhsili müəssisələrinə qəbul olunaraq, tələbə adını qazanmışdır. Onlardan 25 nəfəri 600 baldan, 38 nəfəri isə 500 baldan yuxarı toplayıblar. Ən yüksək nəticəni isə 689,6 balla Şirvan şəhər Bəhruz Aslanov adına 16 nömrəli tam orta məktəbin məzunu Əliyeva Elvina İlqar qızı göstərib. 23 nəfər fərqlənmə attestatı alıb, 3 nəfər respublika fənn olimpiadasının qalibi, 3 nəfər isə respublika fənn müsabiqəsinin qalibi olub.

  • Şirvan şəhərində əhalinin vaksinasiyaya cəl...

    Şirvan şəhərində əhalinin vaksinasiyaya cəlb olunması ilə əlaqədar maarifləndirmə tədbirləri uğurla davam etdirilir.

    2021-09-21

    Respublikamızın bütün bölgələrində olduğu kimi Şirvan şəhərində də "Azərbaycan Respublikasında "COVID-19" xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq əhalinin vaksinasiyaya cəlb olunması ilə əlaqədar maarifləndirmə tədbirləri uğurla davam etdirilir. Azərbaycan Respublikası Nazirlər Kabineti yanında Operativ Qərargahın qərar və tövsiyələrinə riayət edilməsinin vəziyyətinin yoxlanılması və vətəndaşlar arasında maarifləndirmə işlərinin gücləndirilməsi məqsədilə Şəhər İcra Hakmiyyətində yaradılmış mobil qruplar tərəfindən gündəlik reydlər aparılır. Ticarət, iaşə və xidmət obyektlərində həyata keçirilən reydlərdə, həmçinin, vətəndaşlara zərurət olmadan digər şəxslərlə təmasdan uzaq olmaları və virusun yayılmasının qarşısının alınmasına dəstək olacaq şəxsi gigiyena qaydalarına əməl etməyin vacibliyi vurğulanır. Eyni zamanda pandemiya ilə mübarizə tədbirləri çərçivəsində həyata keçirilən vaksinasiya prosesinin vətəndaşların sağlamlığı üçün vacib mərhələ olduğu və dövlət tərəfindən həyata keçirilən bu tədbirlərin əhalinin infeksiyadan xilas olması üçün düşünüldüyü, eləcə də, bununla bağlı hər bir vətəndaşın üzərinə böyük məsuliyyət düşdüyü vətəndaşlara ətraflı izah olunur. 2021-ci ilin 21 sentyabr tarixinə olan məlumata görə, şəhər üzrə COVİD-19 əleyhinə vurulan vaksinlərin ümumi sayı 84843 olub. Belə ki, 47286 nəfər birinci mərhələ üzrə, 37492 nəfər ikinci mərhələ üzrə, 65 nəfər isə üçüncü mərhələ üzrə vaksinasiya olunub. Gün ərzində 608 doza vaksin vurulub. 107 doza birinci mərhələ, 496 doza ikinci mərhələ, 5 doza üçüncü mərhələ üzrə vaksin olunub.

  • Şirvan Şəhər İcra Hakimiyyətinin başçısı...

    Şirvan Şəhər İcra Hakimiyyətinin başçısı növbəti dəfə Vətən müharibəsi şəhidlərinin ailələrini ziyarət edib.

    2021-09-21

    21 sentyabr 2021-ci il tarixdə Şirvan Şəhər İcra Hakimiyyətinin başçısı İlqar Abbasov, Səfərbərlik və Hərbi Xidmətə Çağırış üzrə Dövlət Xidmətinin Şirvan şəhər şöbəsinin rəisi İlkin Məmmədov, şəhər Bələdiyyəsinin sədri Kürdoğlu Muradov, şəhər Təhsil şöbəsinin müdiri Rövşən Allahverdiyev və İcra Hakimiyyətinin digər məsul şəxsləri növbəti dəfə bir neçə Vətən müharibəsi şəhidinin ailəsini ziyarət edib. Vətən müharibəsi şəhidləri Bağırov Süleyman Loğman oğlunun, Cəfərov Yusif Mübariz oğlunun, Rustəmov Ruslan Nüsrət oğlunun və Mənəfli Əli Əflan oğlunun ailələrinin ziyarəti zamanı onlara başsağlığı verilib, şəhidlərə Allahdan rəhmət, ailələrinə səbir dilənib. Qeyd olunub ki, Azərbaycan Respublikası Prezidentinin Sərəncamına uyğun olaraq 2021-ci il sentyabrın 27-si Azərbaycan Respublikasında Anım Günü kimi qeyd ediləcəkdir. Bu münasibətlə Şəhər İcra Hakimiyyəti tərəfindən Tədbirlər Planı hazırlanıb və mütəmadi olaraq Vətən müharibəsi şəhidlərinin ailələri ziyarət olunur.

  • Bu gün “Əsrin müqaviləsi”nin 27 illiyidir ...

    Bu gün “Əsrin müqaviləsi”nin 27 illiyidir və Neftçilər Günüdür.

    2021-09-20

    Sentyabrın 20-si Azərbaycanda “Əsrin müqaviləsi”nin 27 illiyidir və eyni zamanda Neftçilər Günü kimi qeyd olunur. 1994-cü ilin sentyabrın 20-də Azərbaycanla beynəlxalq şirkətlər arasında “Əsrin müqaviləsi” imzalanıb. Bu, Bakıda “Xəzər dənizinin Azərbaycan sektorunda “Azəri”, “Çıraq” və “Günəşli” yatağının dərinlikdə yerləşən hissəsinin birgə işlənməsi və hasil olunan neftin pay şəklində bölüşdürülməsi” haqqında dünyanın iri neft şirkətləri ilə bağlanmış müqavilə idi. Təxminən 400 səhifə həcmində və 4 dildə tərtib olunmuş müqavilə öz tarixi, siyasi və beynəlxalq əhəmiyyətinə görə “Əsrin müqaviləsi” adını alıb. Müqavilədə 7 ölkənin 11 ən məşhur neft şirkəti iştirak edib. Bununla da, müstəqil dövlətimizin neft strategiyası və doktrinasının əsası qoyulub. Bu qlobal layihə Azərbaycanın suveren dövlət kimi öz təbii sərvətlərinə sahib çıxmaq, milli mənafelərini, iqtisadi və strateji maraqlarını müdafiə etmək əzmini bütün dünyaya göstərdi, dövlət müstəqilliyinin mühüm təminatına çevrildi.

  • Şirvanda yeni tikilmiş məktəb binası istifad...

    Şirvanda yeni tikilmiş məktəb binası istifadəyə verilib.

    2021-09-20

    20 sentyabr 2021-ci il tarixdə Təhsil nazirinin müavini Muxtar Məmmədovun, Şirvan şəhər İcra Hakimiyyətinin başçısı İlqar Abbasovun, İcra Hakimiyyətinin başçısının müavini- ictimai-siyasi və humanitar məsələlər şöbəsinin müdiri Aynur Fərzəliyevanın və şəhər Təhsil Şöbəsinin müdiri Rövşən Allahverdiyevin iştirakı ilə Şirvan şəhər 21 nömrəli tam orta məktəb üçün tikilmiş yeni tədris binası istifadəyə verilib. Məlumat verilib ki, yeni məktəb binası 624 şagird yerlikdir. 26 sinif otağından ibarət ümumi təhsil müəssisəsində 2 laboratoriya, 2 texnologiya, informatika, gənclərin çağırışaqədərki hazırlığı kabineti, məktəbəhazırlıq otağı, 240 yerlik akt zalı, sanitar qovşaqlar, qapalı və açıq idman zalı , kitabxana və bufet fəaliyyət göstərəcək. Təhsil müəssisəsi müasir istilik və işıqlandırma sistemi ilə təchiz edilib, həyətində kiçik idman meydançası və müasir qazanxana sistemi quraşdırılıb.

  • Şirvan Şəhər İcra Hakimiyyətində medalları...

    Şirvan Şəhər İcra Hakimiyyətində medalların təqdimat mərasimi keçirilib.

    2021-09-17

    Ölkə Prezidentinin sərəncamları ilə Vətən müharibəsi zamanı Azərbaycan Respublikası ərazilərinin işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin bir qrup hərbi qulluqçusu müxtəlif orden və medallarla təltif edilib. 16 sentyabr 2021-ci il tarixdə Şirvan Şəhər İcra Hakimiyyətində medalların və onların vəsiqələrinin Vətən müharibəsinin iştirakçılarına təqdim edilməsi münasibətilə tədbir keçirilib. Şirvan Şəhər İcra Hakimiyyətinin və Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin Şirvan Şəhər Şöbəsinin birgə təşkilatçılığı və idarə-müəssisə rəhbərlərinin, müharibə iştirakçılarının iştirakı ilə keçirilən tədbirdə əvvəlcə Azərbaycan Respublikasının dövlət himni səsləndirilib. Sonra Vətən müharibəsində və ölkəmizin ərazi bütövlüyü uğrunda canını qurban verən şəhidlərimizin əziz xatirəsi bir dəqiqəlik sükutla yad edilib.

  • Sentyabrın 16-da  Şirvan şəhər, Hacıqabul, S...

    Sentyabrın 16-da Şirvan şəhər, Hacıqabul, Salyan, Biləsuvar, Cəbrayıl və Neftçala rayon təhsil işçilərinin sentyabr konfransı keçirilib.

    2021-09-17

    Konfrans iştirakçıları öncə Ulu Öndər Heydər Əliyevin Şirvan şəhərinin mərkəzi meydanında ucalan abidəsini ziyarət edib. Abidə önünə gül-çiçək dəstələri qoyaraq xatirəsinə dərin ehtiramlarını ifadə ediblər. Şirvan şəhər Gənclər Evinin inzibati binasında keçirilən Şirvan şəhər, Hacıqabul, Salyan, Biləsuvar, Cəbrayıl və Neftçala rayon təhsil işçilərinin sentyabr konfransında Təhsil Nazirliyinin ümumi və məktəbəqədər təhsil şöbəsinin sektor müdiri Firidun Həmzəyev, Şirvan Şəhər İcra Hakimiyyətinin Başçısı İlqar Abbasov sözügedən bölgələrin təhsil şöbələrinin müdirləri, ümumi təhsil müəssisələrinin rəhbərləri iştirak ediblər. Konfrans Azərbaycan Respublikasının Dövlət himninin səsləndirilməsi ilə başlayıb. Konfransı giriş nitqi ilə açan Şirvan şəhər İcra Hakimiyyətinin Başçısı İlqar Abbasov öncə konfrans iştirakçılarını salamlayıb, konfransın işinə uğurlar arzulayıb.

  • 27 sentyabr Anım Günü ilə əlaqədar Şirvan ...

    27 sentyabr Anım Günü ilə əlaqədar Şirvan Şəhər İcra Hakimiyyəti tərəfindən Vətən müharibəsi şəhidlərinin ailələrinin ziyarət olunması davam edir.

    2021-09-17

    16 sentyabr 2021-ci il tarixdə Şirvan Şəhər İcra Hakimiyyətinin başçısı İlqar Abbasov, Şəhər Polis şöbəsinin rəisi Hikmət Quliyev, Şirvan Appelyasiya Məhkəməsinin sədri Vəli Abdullayev, Şirvan Məhkəməsinin sədri Elçin Qurbanov, Səfərbərlik və Hərbi Xidmətə Çağırış üzrə Dövlət Xidmətinin Şirvan şəhər şöbəsinin rəisi İlkin Məmmədov və İcra Hakimiyyətinin digər məsul şəxsləri növbəti dəfə bir neçə Vətən müharibəsi şəhidinin ailəsini ziyarət edib. Vətən müharibəsi şəhidləri Şıxəliyev Elvin Sarvan oğlunun, Zülfüqarlı Zeynal Alim oğlunun, Alişanlı Amal Seyfəddin oğlunun və Həsənov Məharət Ramil oğlunun ailələrinin ziyarəti zamanı onlara başsağlığı verilib, şəhidlərə Allahdan rəhmət, ailələrinə səbr dilənib. Qeyd olunub ki, Zəfərlə nəticələnən 44 günlük Vətən müharibəsindən az sonra respublikamızda Anım Gününün təsis edilməsi haqqında Azərbaycan Respublikası Prezidentinin Sərəncamı tarixi bir sənəd olmaqla yanaşı, həm də şəhidlərimizin xatirəsinə sonsuz ehtiramın bariz nümunəsidir. Bildirilib ki, Vətən müharibəsində qəhrəmancasına döyüşmüş, üçrəngli dövlət bayrağımızı işğaldan azad edilən torpaqlarımızda dalğalandırmış, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq ilk dəfə olaraq 2021-ci il sentyabrın 27-si Azərbaycan Respublikasında Anım Günü kimi qeyd ediləcəkdir. Bu münasibətlə Şəhər İcra Hakimiyyəti tərəfindən Tədbirlər Planı hazırlanmış və silsilə tədbirlər həyata keçirilməkdədir.

  • Şirvan Şəhər İcra Hakimiyyətinin başçısı...

    Şirvan Şəhər İcra Hakimiyyətinin başçısı İlqar Abbasov 27 sentyabr Anım Günü ilə əlaqədar Vətən Müharibəsi şəhidlərinin ailələrini ziyarəti edib

    2021-09-16

    Silahlı Qüvvələrin Müzəffər Ali Baş Komandanı cənab İlham Əliyevin rəhbərliyi Şanlı Azərbaycan Ordusunun torpaqlarımızı işğaldan azad etmək üçün başladığı Vətən müharibəsindən artıq 1 il ötür. 27 sentyabr tarixi Ölkə başçısının “Azərbaycan Respublikasında Anım Gününün təsis edilməsi haqqında” imzaladığı 2 dekabr 2020-ci il tarixli Sərəncamı ilə ölkəmizdə Anım Günü kimi qeyd olunacaq. Respublikamızın hər yerində olduğu kimi, Şirvan Şəhər İcra Hakimiyyətinin 27 sentyabr Anım Günü ilə əlaqədar təsdiq etdiyi Tədbirlər planına uyğun olaraq silsilə tədbirlər həyata keçirilir. Şəhər İcra Hakimiyyətinin başçısı İlqar Abbasov bir qrup rəhbər işçi ilə birgə Vətən Müharibəsi şəhidləri Həsənov Həsən Rəhim oğlunun, Qarayev Elnur Qalib oğlunun, İsmayılzadə Şəhriyar Əkbər oğlunun, İslamov Bəxtiyar Saleh oğlunun, Qəribov Asif Səxavət oğlunun, Məmmədov Xəqani Füzuli oğlunun, Əliyev Ramil Vuqarəddin oğlununun, Hümbətov Emil Tərlan oğlunun ailələrini ziyarəti edib. Ziyarət zamanı İcra başçısı şəhidlərin ailə üzvlərinə başsağlığı verib, şəhidlərə Allahdan rəhmət, ailələrinə səbr diləyib. Vətənimizin ərazi bütövlüyü və torpaqlarımızın azad olunması uğrunda qəhərmanlıqla döyüşüb, canını fəda edənlərin əziz xatirəsinin həmişə xalqımızın qəlbində yaşayacağını qeyd edib. Azərbaycan Respublikasının Prezidenti cənab İlham Əliyevin və Birinci vitse-prezident, çox hörmətli Mehriban xanım Əliyevanın rəhbərliyi ilə ölkəmizdə şəhidlərə dövlət səviyyəsində verilən yüksək qiymətdən, şəhid ailələrinə göstərilən diqqət və qayğıdan danışıb. Bildirib ki, haqq savaşında adını tariximizə qızıl hərflərlə həkk edənlər ən yüksək hörmət və ehtirama layiqdirlər. Dövlət başçısının və xanımının bu sahədə fəaliyyətinin hər bir dövlət qulluqçusuna üçün örnək olduğunu diqqətə çatdırıb.

  • Şirvan şəhərində bir qrup Vətən müharibəs...

    Şirvan şəhərində bir qrup Vətən müharibəsi iştirakçılarına və şəhid ailələrinə növbəti medallar təqdim edilib.

    2021-09-15

    15 sentyabr 2021-ci il tarixdə Şirvan şəhərində Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq sərəncamları ilə “Xocavəndin azad olunmasına görə” və “Cəbrayılın azad olunmasına görə” təltif edilən Vətən müharibəsi iştirakçılarından və şəhid ailələrindən bir qrupuna medalların təqdimat mərasimi keçirilib.

  • 27 sentyabr Anım günü ilə əlaqədar Şirvan ...

    27 sentyabr Anım günü ilə əlaqədar Şirvan Şəhər İcra Hakimiyyətinin başçısı İlqar Abbasov bir qrup rəhbər işçilərin iştirakı ilə Vətən müharibəsi şəhidlərinin ailələrini ziyarət etdi.

    2021-09-13

    Şirvan Şəhər İcra Hakimiyyətinin 27 sentyabr Anım günü ilə əlaqədar Tədbirlər Planına uyğun olaraq şəhər İcra Hakimiyyətinin başçısı İlqar Abbasov, şəhər Bələdiyyəsinin sədri Kürdoğlu Muradov, Səfərbərlik və Hərbi Xidmətə Çağırış üzrə Dövlət Xidmətinin Şirvan Şəhər Şöbəsinin rəisi mayor İlkin Məmmədov, İcra Hakimiyyətinin məsul işçiləri və bir qrup idarə, müəssisə rəhbərləri şəhid Məmmədli Cavid Natiq oğlunun, şəhid Hüseynov Nicat Ziyafət oğlunun, şəhid Fərəcov Kamran İlqar oğlunun və şəhid Xəlilov Namiq İlyas oğlunun ailə üzvlərini yaşadıqları ünvanda ziyarət edib. Ziyarət zamanı şəhər İcra Hakimiyyətinin başçısı İlqar Abbasov şəhid ailələrinə başsağlığı vermiş, Azərbaycan Respublikasının Prezidenti Cənab İlham Əliyevin və Birinci-vitse prezidentimiz, çox hörmətli Mehriban xanım Əliyevanın rəhbərliyi ilə şəhidlərə dövlət səviyyəsində verilən yüksək dəyərdən, şəhid ailələrinə göstərilən diqqət və qayğıdan danışıb. Bu qayğının hər yerdə olduğu kimi Şirvan şəhərində də mütəmadi davam etdirildiyini vurğuladı. Şəhid ailələrini dinləyib, onları maraqlandıran məsələlərlə bağlı ətraflı məlumat və izahatlar verdi. Prezident Administrasiyasının tapşırıq və tövsiyələrinə uyğun olaraq 27 sentyabr Anım gününün yerlərdə də geniş qeyd edilməsi istiqamətində görülən işlərdən, maarifləndirmə tədbirlərindən danışdı. Belə görüşlərin mütəmadi davam etdiriləcəyini, şəhidlərin əziz xatirəsinin dövlətimiz və cəmiyyətimiz tərəfindən daim əziz tutulacağını bildirdi. Vətən müharibəsində həlak olan bütün şəhidlərimizə Allahdan rəhmət, ailələrinə səbr dilədi.

  • İlham Əliyev “Kəlbəcər” neftdaşıyan tan...

    İlham Əliyev “Kəlbəcər” neftdaşıyan tankerin istismara verilməsi mərasimində iştirak edib

    2021-09-11

    Azərbaycan Respublikasının Prezidenti İlham Əliyev Bakı gəmiqayırma zavodunda “Kəlbəcər” neftdaşıyan tankerin istismara verilməsi mərasimində iştirak edib. Bu neftdaşıyan tankerin tikintisinə “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin sifarişi ilə Bakı gəmiqayırma zavodunda 2 il əvvəl başlanılıb. Prezident İlham Əliyevin təşəbbüsü ilə tanker “Kəlbəcər” adlandırılıb. Qeyd edək ki, Prezident İlham Əliyev bir müddət əvvəl işğaldan azad edilən Kəlbəcərdə üçrəngli Azərbaycan bayrağını dalğalandırdı. İndi isə üçrəngli Azərbaycan bayrağı altında beynəlxalq sularda üzəcək “Kəlbəcər” neft tankerinin istismara verilməsi mərasimində iştirak edib. Bunun çox böyük rəmzi mənası var. “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin sədri Rauf Vəliyev dövlətimizin başçısına görülən işlər barədə məlumat verdi.

  • Torpaqlarımızın işğaldan azad edilməsi uğru...

    Torpaqlarımızın işğaldan azad edilməsi uğrunda gedən Vətən müharibəsində qəhrəmancasına şəhid olan Qəribov Asif Səxavət oğlunun doğum günü Şirvan şəhərində qeyd edilib.

    2021-09-10

    Vətən müharibəsində şəhadətə yüksələn Şirvan şəhərinin qəhrəman oğullarından biri Qəribov Asif Səxavət oğlunun bu gün cənnətdəki ilk doğum günüdür. Şəhidin 21 yaşı anadan olduğu, boya-başa çatdığı Şirvan şəhərində qeyd olunub. Şəhər İcra Hakimiyyətinin başçısı İlqar Abbasov başda olmaqla İcra Hakimiyyətinin, Şəhər bələdiyyəsinin rəhbər və məsul əməkdaşları, mətbuat və ictimaiyyət nümayəndələri, Şəhid ailələri, Şəhid Asif Səxavət oğlu Qəribovun ailə üzvləri, yaxınları onun ad günü ilə əlaqədar öncə Şirvan Şəhidlər Xiyabanına gəldilər. Şəhidlərin əziz xatirəsini yad edib, ruhlarına dualar etdilər. Sonra tədbir iştirakçıları Şəhid Asif Qəribovun məzarını ziyarət edib. Qəbrüstü abidəsi önünə tər qərənfillər qoyub, ruhuna dualar ediblər. Mərasimdə Şirvan Şəhər İcra Hakimiyyətinin başçısı İlqar Abbasov çıxış edərək Möhtərəm Prezidentimiz cənab İlham Əliyevin və Birinci vitse-prezidentimiz, çox hörmətli Mehriban xanım Əlievanın rəhbərliyi, diqqət və qayğısı ilə Şəhidlərə dövlət səviyyəsində verilən yüksək dəyərdən, Şəhid ailələrinə olunan təşkilati dəstəkdən, mənəvi və maddi köməkliklərdən danışıb. Onların mənzil-məişət problemlərinin, sosial qayğılarının aradan qaldırıldığını bildirib. Şirvan şəhərində də Şəhid ailələrinə xüsusi diqqət və qayğı ilə yanaşıldığını qeyd edib.

  • Şirvanda 600-dən yuxarı bal toplayıb tələbə...

    Şirvanda 600-dən yuxarı bal toplayıb tələbə adını qazanan məzunlarla görüş keçirildi.

    2021-09-09

    9 sentyabr 2021-ci il tarixdə Şirvan Şəhər İcra Hakimiyyətinin akt zalında 2020-2021-ci tədris ilində 600-dən yuxarı bal toplayıb tələbə adını qazanan məzunlarla görüş keçirilib. Tədbir iştirakçıları ilk olaraq mərkəzi meydanda yerləşən ümummilli lider Heydər Əliyevin abidəsi önünə gül-çiçək dəstələri qoymuş, ulu öndərin xatirəsini dərin ehtiramla yad etmişdir. Milli Məclisin üzvü İltizam Yusifovun, Şəhər İcra Hakimiyyətinin və Təhsil Şöbəsinin rəhbər və məsul əməkdaşlarının da iştirak etdiyi görüşü açan Şirvan Şəhər İcra Hakimiyyətinin başçısı İlqar Abbasov ötən tədris ilini uğurla başa vurub, tələbə adını qazanan məzunları, onların müəllimlərini və valideynlərini təbrik etdi. Təhsil alacaqları ali məktəbləri də yüksək nəticələrlə bitirib, müstəqil dövlətimizə ləyaqətlə xidmət etmələrini arzuladı. Azərbaycan Respublikasının Prezidenti, Qalib Ali Baş Komandan cənab İlham Əliyevin rəhbərliyi ilə Müzəffər Ordumuzun 44 günlük Vətən Müharibəsində qələbəni təmin edən, qəhrəman şəhidlərin yetişməkdə olan gənc nəslə nümunə olduğunu vurğuladı.

  • Şirvan şəhər Məhəmməd Füzuli adına Mədə...

    Şirvan şəhər Məhəmməd Füzuli adına Mədəniyyət və İstirahət Parkı ölkəmizin füsunkar parklarından birinə çevriləcəkdir.

    2021-09-04

    Ölkə Prezidenti möhtərəm cənab İlham Əliyevin və Birinci vitse-prezident, çox hörmətli Mehriban xanım Əliyevanın rəhbərliyi ilə ölkəmizdə ekoloji vəziyyətin yaxşılaşdırılması, yeni yaşıllıqların salınması və mövcud yaşıllıq sahələrinin qorunması üzrə dövlət səviyyəsində həyata keçirilən layihələrin davamı olaraq Şirvan şəhərində Məhəmməd Füzuli adına Mədəniyyət və İstirahət Parkının yenidən qurulması və abadlaşması prosesi sürətlə davam etdirilir. Parkın ərazisinin genişləndirilməsi və müasir üslubda dizayn edilməsi onun ölkəmizin ən füsunkar parklarından birinə çevriləcəyinə əminlik yaradır. Şəhər İcra Hakmiyyətinin başçısı İlqar Abbasov mütəmadi olaraq Parkda olur, orada gedən yenidənqurma və tikinti işlərinin layihəyə uyğun aparılmasına, keyfiyyətli və gözoxşayan olmasına ciddi nəzarət edir, tapşırıq və tövsiyələrini verir. Hazırda Parkın mərkəzi hissəsində yerləşən kanalın su təminatı və kanal suyunun təmizlənməsi üçün müasir avadanlıqlar qurulub, Kür çayından 4.2 km uzunluqda yeni texniki su xətti çəkilib. Gölün yamaclarında işlər və şəlalənin beton işləri tamamlanıb, park ərazisinə münbit torpaq qatı verilib. Su gəzintisi üçün dayanacaqda işlər tamamlanıb, gölün üzərində olan metal konstruksiyadan ibarət körpünün hərəkət hissəsi genişləndirilərək rekonstruksiya olunub.

  • Şirvan şəhərində əhalinin infeksiyaya qarş...

    Şirvan şəhərində əhalinin infeksiyaya qarşı peyvəndlənməsi davam edir.

    2021-09-03

    Şirvan şəhərində koronavirus (COVID-19) infeksiyası əleyhinə şəhər sakinlərinin peyvənd edilməsi prosesi uğurla davam etdirilir. Peyvəndlənmənin yüksək səviyyədə təşkil edilməsi üçün bütün zəruri tədbirlər görülüb. Sıxlığın qarşısının alınması, vaksinasiya prosesinin daha da sürətləndirilməsi məqsədilə şəhər ərazisində səyyar briqadalar təşkil olunub. Son statistikaya görə, şəhər üzrə COVİD-19 əleyhinə vurulan vaksinlərin ümumi sayı 77380 olub. Belə ki, 45024 nəfər birinci mərhələ üzrə, 32354 nəfər ikinci mərhələ üzrə, 2 nəfər isə üçüncü mərhələ üzrə vaksinasiya olunub. 2 sentyabr 2021-ci il tarixdə gün ərzində 522 doza vaksin vurulub. 371 doza birinci mərhələ, 181 doza ikinci mərhələ vaksin olunub. Qeyd edək ki, bu ilin yanvar ayından həyata keçirilən “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq, Şirvan şəhərində də ilk növbədə, səhiyyə işçilərinin peyvəndlənməsinə başlanılıb. Fevralın 8-dən 65 yaşdan yuxarı vətəndaşlar, fevral ayının 17-dən etibarən isə yaşı 50 və yuxarı şəxslər vaksinasiya olunublar. Martın 22-dən 40 yaşdan yuxarı, mayın 10-dan isə 18 yaşdan yuxarı insanların vaksinasiyası həyata keçirilir.

  • İlham Əliyev və birinci xanım Mehriban Əliyev...

    İlham Əliyev və birinci xanım Mehriban Əliyeva Heydər Əliyev Fondu tərəfindən Şuşada təşkil edilən sərgilərlə tanış olublar

    2021-09-01

    Azərbaycan Respublikasının Prezidenti İlham Əliyev və birinci xanım Mehriban Əliyeva avqustun 30-da Şuşada keçirilən Vaqif Poeziya Günləri çərçivəsində Heydər Əliyev Fondu tərəfindən təşkil edilən “Qarabağ Azərbaycan mədəniyyətinin incisidir” və “Yenidən doğma diyarda. Qarabağın sənət inciləri” sərgiləri ilə tanış olublar. Prezident İlham Əliyev və birinci xanım Mehriban Əliyeva əvvəlcə Şuşa Rəsm Qalereyasında “Qarabağ Azərbaycan mədəniyyətinin incisidir” adlı sərgi ilə tanış oldular. Qeyd edək ki, Qarabağ Azərbaycan incəsənətinin və mədəniyyətinin mərkəzi kimi qədim tarixə sahibdir. İşğal dövründə talan edilən muzeylərdə Azərbaycana məxsus qiymətli tarix və mədəniyyət nümunələri, dünyada məşhur Azərbaycan xalçaları və Azərbaycanın görkəmli şəxsiyyətlərinin xatirə əşyaları, həmçinin digər dəyərli eksponatlar olub. Məhv edilən həmin xəzinələr təkcə Azərbaycanın yox, həm də bütün dünya mədəniyyətinin nümunələri idi. Sərgidə nümayiş olunan rəsm və heykəltəraşlıq nümunələri ziyarətçiləri sevincli və kədərli, real və fantastik, açıq və gizli, rəngarəng və monoxrom dünyaya səyahətə aparır. Burada nümayiş etdirilən əsərlərdə əsas ilham mənbəyi Qarabağdır. Azərbaycanın tarixi diyarı olan Qarabağ uzun illər ərzində özünəməxsus atmosferi ilə fərqli nəsillərdən və cərəyanlardan olan rəssamların və heykəltəraşların dünyagörüşünə böyük təsir edib.

  • Pambıq tədarükü və emalı zamanı yanğın t...

    Pambıq tədarükü və emalı zamanı yanğın təhlükəsizliyi tələbləri

    2021-08-27

    Pambıq asan alovlanan lifli maddədir. Alışdırma mənbəyinin (qığılcım, közərən siqaret və s.) təsirindən uzun vaxt ərzində közərməyə qadirdir. Alovlanma temperaturu 2100 C, öz-özünə alovlanma temperaturu 407o C, öz-özünə alışdığı zaman közərmə temperaturu 2050 C-dir. Pambıq tozu 100-315 mkm (mikrometr) darılmış (parçalanmış) halda və 0,1-8,6% nəmlik halında 44-90 q/m3 həddində partlayış təhlükəli toz hava qarışığı yaratmağa qadirdir. Azot və kükürd turşusu təsirindən, eləcə də oksidləşdiricilərlə əlaqəyə girərək pambıq öz-özünə alışa bilər. Pambıq üzərinə düşən bitki yağları da asanlıqla oksidləşərək pambığın öz-özünə alışmasına səbəb olur. Çiyidli pambığın öz-özünə qızışma temperaturu 600 C-dir. Çiyidli pambıq kütləsinin dərinliyinə yanma prosesi közərmə (alovsuz yanma) şəklində baş verir. Alovsuz yanma, pambığın bütün kütləsinin yanıb qurtaranadək davam edir. Yanmanın yayılma sürəti pambığın nəmliyi, kipliyi (sıxlığı), tayanın ölçüsü və yanğının yayılma səmtindən asılıdır. Çiyidli pambığın adi ölçülü tayasında yanğının dərinliyə yayılma sürəti dəqiqədə 0,6-0,7 mm-dir. Çiyidli pambığın səthi üzrə yanması iki cür, yəni, alovla və ya közərmə şəklində gedə bilər. Pambıq tayasının üst səthi ilə yanğın yayılma sürəti dəqiqədə 15 metr, xətti yanma sürəti isə dəqiqədə 0,6-0,7 metrdir. Real yanğın şəraitində yanğının üst səthi ilə yayılmasına təkcə xətti yanma sürəti deyil, həm də külək təsir edir. Külək yanan pambıq hissəciklərini müxtəlif məsafələrə (100 metrədək) apararaq çoxlu yağın mənblərini yaratmış olur.

  • Bu gün Azərbaycanın birinci xanımı və Birinc...

    Bu gün Azərbaycanın birinci xanımı və Birinci vitse-prezidenti, çox hörmətli Mehriban xanım Əliyevanın doğum günüdür.

    2021-08-26

    Şərqin gözəl və müdrik, sosial baxımdan fəal və çox yüksək intellektə malik, Azərbaycan qadınının parlaq rəmzi Mehriban xanım Əliyeva təcrübəli siyasətçi və dövlət xadimi olmaqla bərabər, həm də ölkəmizin beynəlxalq imicinin möhkəmlənməsi üçün fəal səy göstərən sədaqətli və fədakar şəxsiyyətdir. Milli-mənəvi dəyərlərimizn qorunması və mədəniyyətimizin təbliği sahəsində, eyni zamanda Azərbaycan həqiqətlərinin dünyaya çatdırılmasında misilsiz xidmətlər göstərən birinci xanım, həm də cənab prezident İlham Əliyevin Azərbaycanın inkişafı ilə bağlı mübarizə aparan ən yaxın silahdaşıdır. Mehriban xanım Əliyeva qadının nə ailəni karyeraya, nə də karyeranı ailəyə qurban vermədən uğurlar əldə edə bilməsinin gözəl bir nümunəsi, həm də örnəyidir.

  • Şirvan şəhərində şəhidlərin xatirəsini ə...

    Şirvan şəhərində şəhidlərin xatirəsini əks etdirən yeni, müasir tipli monitorun açılışı olub.

    2021-08-26

    26 avqust 2021-ci il tarixdə Şirvan Şəhər İcra Hakimiyyətinin başçısı İlqar Abbasov, millət vəkili İltizam Yusifov, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Şirvan şəhər şöbəsinin, hüquq-mühafizə orqanlarının rəhbərləri, şəhər İcra Hakimiyyəti aparatının məsul əməkdaşları və şəhid ailələri ilə birlikdə Şirvan şəhər Şəhidlər Xiyabanını ziyarət edib. Tədbir iştirakçıları 1-ci Qarabağ müharibəsi zamanı itkin düşənlərin xatirəsinə ucaldılmış abidəni və şəhid məzarlarını ziyarət edərək, önünə tər qərənfillər düzüb, şəhidlərimizə Allahdan rəhmət, ailələrinə səbr diləyiblər. Sonra şəhər məscidinin imamı şəhidlərin ruhuna dualar oxuyub. Şəhər İcra Hakimiyyətinin başçısı İlqar Abbasov ənənəyə uyğun olaraq hər ayın sonuncu cümə axşamında olduğu kimi Şəhidlər Xiyabanında şəhid ailələri ilə görüşüb, onlara belə qəhrəman, cəsur, mərd oğullar böyütdükləri üçün təşəkkürünü və minnətdarlığını bildirib. Ölkəmizin müstəqilliyi və ərazi bütövlüyü uğrunda şəhid olan qəhrəman övladlarımızın xatirəsinin dövlətimiz və xalqımız tərəfindən həmişə olduğu kimi bundan sonra da daim əziz tutulacağını, illər keçsə də, nəsillər dəyişsə də unudulmayacaqlarını vurğulayıb. 30 ildən artıq erməni işğalı altında olan torpaqlarımızın 44 günlük Vətən müharibəsi ilə azad edilməsində Müzəffər Ordumuzun və Qalib Ali Baş Komandanımız cənab İlham Əliyevin tarixi xidmətlərindən danışıb. Şəhid ailələrinə və Vətən müharibəsi iştirakçılarına dövlət səviyyəsində göstərilən diqqət və qayğıdan söhbət açıb, bu qayğının hər yerdə olduğu kimi Şirvan şəhərində də davam etdirildiyini vurğulayıb. Şəhər icra hakimiyyətlərində Vətən müharibəsi iştirakçıları və şəhid ailələri işin təşkili şöbəsinin yaradılmasının şəhid və qazi ailələrinə dövlət qayğısının təzahürü olduğunu bildirib. Şirvan şəhərində şəhid ailələrinə və Qarabağ müharibəsi iştirakçılarına göstərilən hörmət və ehtiramdan, olunan köməkliklərdən, şəhidlərin xatirələrinin əbədiləşdirilməsi istiqamətində həyata keçirilən tədbirlərdən, Şəhidlər Xiyabanında aparılan abadlıq-quruculuq və yenidənqurma işlərindən bəhs edib. Şəhid ailələrini narahat edən məsələlərlə tanış olub, həll olunması üçün aidiyyəti üzrə müvafiq tapşırıqlar verib.

  • Şirvan şəhərində COVİD-19 infeksiyasının y...

    Şirvan şəhərində COVİD-19 infeksiyasının yayılmasının qarşısını almaq məqsədilə mütəmadi olaraq maarifləndirmə, təbliğat işləri davam etdirilir.

    2021-08-25

    Azərbaycan Respublikasının Nazirlər Kabineti yanında Operativ Qərargahın qərar və tövsiyələrinə riayət edilməsinin vəziyyətinin yoxlanılması və COVİD-19 infeksiyasının yayılmasının qarşısının alınması ilə bağlı vətəndaşlar arasında maarifləndirmə işlərinin gücləndirilməsi məqsədilə Şirvan Şəhər İcra Hakimiyyətində yaradılmış mobil qruplar tərəfindən şəhər ərazisində mütəmadi reydlər keçirilir. 24 avqust 2020-ci il tarixdə keçirilən növbəti reyd zamanı gün ərzində ümumilikdə 257 olmaqla, 146 ticarət, 40 ictimai iaşə, 29 gözəllik salonu və bərbərxana, 37 digər xidmət obyektlərinə nəzarət edilib, 637 nəfər vətəndaşa xəbərdarlıq olunub. 4 dünyasını dəyişmiş mərhumun ailəsinə yas mərasiminin keçirilməməsi ilə bağlı xəbərdarlıq edilib. Ticarət, iaşə və xidmət obyektlərində həyata keçirilən reydlərdə vətəndaşlara zərurət olmadıqda digər şəxslərlə təmasdan uzaq olmaları və virusun yayılmasının qarşısının alınmasına dəstək olacaq şəxsi gigiyena qaydalarına əməl etməyin vacibliyi vurğulanıb. Eyni zamanda pandemiya ilə mübarizə tədbirləri çərçivəsində həyata keçirilən vaksinasiya prosesinin vətəndaşların sağlamlığı üçün vacib mərhələ olduğu və dövlət tərəfindən həyata keçirilən bu tədbirlərin əhalinin infeksiyadan xilas olması üçün düşünüldüyü, eləcə də bununla bağlı hər bir vətəndaşın üzərinə böyük məsuliyyət düşdüyü vətəndaşlara ətraflı izah olunub.

  • Şirvan şəhərində əhalinin COVİD-19 əleyhin...

    Şirvan şəhərində əhalinin COVİD-19 əleyhinə vaksinasiyası davam etdirilir.

    2021-08-25

    Bir ildən çoxdur ki, dünyada və ölkəmizdə yeni növ koronavirus (COVİD-19) infeksiyasına qarşı ciddi mübarizə tədbirləri aparılmaqdadır. Ölkə Prezidenti cənab İlham Əliyevin və Birinci vitse-prezident, çox hörmətli Mehriban xanım Əliyevanın rəhbərliyi ilə koronavirus infeksiyasının Azərbaycan ərazisində yarada biləcəyi təhlükənin qarşısının alınması məqsədilə operativ qərarlar qəbul edilmiş, vətəndaşların sağlamlığı dövlət siyasətinin prioritetlərindən biri kimi diqqətdə saxlanımışdır. Azərbaycan Respublikası Nazirlər Kabinetinin 2021-ci il 16 yanvar tarixli Sərəncamı ilə təsdiq edilmiş “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na əsasən, Şirvan şəhərində də əhalinin peyvəndlənməsi prosesi uğurla davam etdirilir. Vaksinasiya kampaniyasında şəhər sakinləri aktiv iştirak edir, koronavirus pandemiyasının tezliklə başa çatması üçün birlik nümayiş etdirirlər. Hazırda Şirvan şəhərində ümumilikdə 71237 olmaqla 41037 şəhər sakininə 1-ci doza, 30200 şəhər sakininə isə 2-ci doza vaksin vurulub. 24 avqust 2021-ci il tarixdə gün ərzində 787 doza vaksin vurulub. Birinci mərhələ üzrə peyvənd olunanların sayı 602, ikinci mərhələ üzrə peyvənd olunanların sayı 185 nəfər olub. Qeyd edək ki, qısa müddətdə kütləvi immunitetin formalaşması yalnız vaksinasiya vasitəsilə mümkündür. Elə Strategiyanın da əsas məqsədi ölkədə geniş yayılmış koronavirus pandemiyasının qarşısının alınmasına, virusa yoluxma və ölüm səviyyəsinin aşağı salınmasına nail olmaqdır.

  • Şirvanda Vətən müharibəsi şəhidi Məmmədov...

    Şirvanda Vətən müharibəsi şəhidi Məmmədov Röyal Misil oğlunun xatirəsinə inşa edilən bulağın və guşənin açılış mərasimi oldu.

    2021-08-21

    Şirvan Şəhər İcra Hakimiyyəti başçısının müavini Aynur Fərzəliyevanın və İcra Hakimiyyətinin məsul işçilərinin iştirakı ilə şəhid ailələri və ictimaiyyət nümayəndələri öncə Şəhidlər Xiyabanını ziyarət etdi. Şəhidlərin ruhuna dualar oxunub, məzarları üzərinə tər qərənfillər qoyularaq əziz xatirələri yad edildi. Sonra tədbir iştirakçıları Vətən müharibəsi şəhidi Məmmədov Röyal Misil oğlunun xatirəsinə inşa edilmiş bulağın və guşənin açılış mərasiminə qatıldılar. Açılış mərasimində Şirvan Şəhər İcra Hakimiyyəti başçısının müavini Aynur Fərzəliyeva çıxış edərək şəhidin keçdiyi həyat yolundan və xidmətlərindən danışdı. Şəhidlərimizin əbədi ehtirama layiq olduğunu bildirərək şəhidin valideyninə Vətənimiz üçün ləyaqətli övlad böyütdüyünə görə təşəkkür edib və Allahdan ona səbr diləyib.

  • Şirvan şəhər sakinlərinin nəzərinə!

    Şirvan şəhər sakinlərinin nəzərinə!

    2021-08-18

    Əziz şirvanlılar! 19 avqust 2021-ci il tarixdə saat 10:00-dan 18:00-a qədər Azərbaycan Respublikasının Mərkəzi Qan Bankının Şirvan bölməsində qanvermə aksiyası keçiriləcəkdir. Xahiş edirik fəal iştirak edəsiniz! Qan Bankının Şirvan bölməsi: Heydər Əliyev pr.16. Şirvan şəhər Mərkəzi Xəstəxanası. Tel: 0212150029 +99450 390 94 33