Home Contact Phone
background
  • Ünvan: Şirvan şəhəri, M.Ə.Rəsulzadə prospekti 10
  • Faks: (+994 021) 215-57-77
  • E-mail: mail@shirvan-ih.gov.az

Xəbərlər

  • Şirvan şəhərində koronavirus infeksiyası il...

    Şirvan şəhərində koronavirus infeksiyası ilə əlaqədar qabaqlayıcı tədbirlərin görülməsi davam etdirilir.

    2020-04-03

    İnfeksiyanın şəhər ərazisində yayılmasının qarşısının alınması məqsədilə profilaktik tədbirlərin həyata keçirilməsi gücləndirilmiş iş rejimində davam etdirilib. Şəhər İcra Hakimiyyətinin başçısı İlqar Abbasov və şəhər Polis Şöbəsinin rəisi, polis polkovniki Hikmət Quliyev şəhərdə olan karantin rejimi ilə və şəhərə giriş-çıxışın məhdudlaşdırılması məqsədi ilə yaradılmış postlarda vəziyyətlə yerində tanış olublar. Xüsusi nəqliyyat vasitələri ilə axşam saatlarından başlayaraq şəhərin küçə və prospektləri təkrarən dezinfeksiyaedici maddələrlə yuyulub, yaşayış binalarından 38-ində, o cümlədən məcburi köçkünlər üçün salınmış şəhərcikdə yerləşən yaşayış binalarının giriş bloklarında, pilləkən qəfəslərində və pilləkənlərdə, ticarət və xidmət obyektlərində, sərnişindaşıma xidməti göstərən nəqliyyat vasitələrində və ödəniş terminallarında dezinfeksiya işləri davam etdirilib. Eyni zamanda xüsusi karantin rejiminin tələblərinin yerinə yetirilməsi məqsədi ilə şəhər ərazisində park və xiyabanlara giriş tam olaraq dayandırılıb, polis əməkdaşlarının iştirakı ilə yaradılmış 23 mobil qrup üzvləri tərəfindən şəhər ərazisində, Bayramlı və Hacıqəhrəmanlı qəsəbələrində izahetmə-xəbərdarlıq işləri gücləndirilmiş iş rejimində davam etdirilib, sakinlərdən məsuliyyətli olmaları, yaşadıqları mənzillərdə və evlərdə qalmaları və xüsusi karantin rejiminin qaydalarına uyğun davranmaları tələb edilib. Dövlət Sosial Müdafiə Fondunun Şirvan şəhər şöbəsinin sosial xidmət işçiləri tərəfindən şəhər ərazisində yaşayan 187 nəfər ahıl və tənhalara yaşadıqları ünvanlarda sosial xidmətlərin göstərilməsi işləri də davam etdirilib. Şirvan şəhəri ərazisində sanitariya-gigiyena norma və qaydalarına riayət edilməsinə ciddi nəzarət edilir və profilaktik tədbirlər görülməsi davam etdirilir.

  • Aprel döyüşlərinin şəhidi Ərəbli Rahil Raf...

    Aprel döyüşlərinin şəhidi Ərəbli Rahil Rafiq oğlunun xatirəsi anıldı.

    2020-04-02

    Azərbaycanın ərazi bütövlüyü uğrunda canlarından keçmiş şəhidlərimizin xatirəsini və adını uca tutmaq, əbədiləşdirmək, onların yaxınlarına, doğmalarına, ailə üzvlərinə diqqət və qayğı göstərmək bizim hər birimizin vətəndaşlıq borcumuz və ən əsas vəzifəmizdir. Şirvan şəhərində əlamətdar günlərdə şəhidlərimizin ailə üzvlərinin, Qarabağ müharibəsi əlillərinin ziyarət edilməsi və bu kateqoriyadan olan insanlara maddi və mənəvi dəstək olunması artıq bir ənənə halını alıb. 02 aprel 2020-ci il tarixdə Şirvan şəhər İcra Hakimiyyətinin Memarlıq və Tikinti şöbəsinin müdiri Şaiq Şıxəliyevin, Hacıqəhrəmanlı qəsəbə İnzibati Ərazi Vahidi üzrə nümayəndə Pünhan Mənsimovun və Milli Məclisin üzvü İltizam Yusifovun iştirakı ilə 2016-cı ilin aprel döyüşlərinin ildönümü münasibəti ilə şəhid Ərəbli Rahil Rafiq oğlunun xatirəsi yaşadığı evdə anılmış, ailəsinin ailə-məişət qayğıları ilə maraqlanılmışdır. Görüşdə aprel döyüşlərində vətən uğrunda qəhrəmancasına həlak olmuş şəhidin əziz xatirəsi yad edilmiş, barəsində xoş təəsüratlar danışılmışdır. Qeyd olunub ki, şəhidlərimizin xatirəsi bizim üçün hər zaman əzizdir. Aprel döyüşləri bizim hərbi qələbəmizdir, dövlətimizin, xalqımızın və ordumuzun gücünü göstərən qələbədir. Biz bu döyüşlər zamanı xalqımızın igid oğullarının qəhrəmanlıqlarının şahidi olduq. Milli Məclisin deputatı İltizam Yusifov qeyd edib ki, bugün ölkə prezidenti cənab İlham Əliyevin rəhbərliyi ilə həyata keçirilən siyasətin əsas istiqamətlərindən birini şəhid ailələrinin, müharibə veteranlarının və əlillərinin sosial müdafiəsinin gücləndirilməsi, onların problemlərinin vaxtında həllinə nail olunması, hər cür qayğı ilə əhatə olunması təşkil edir. Müharibə əlilləri, veteranları və şəhid ailələrinin sosial ehtiyaclarının ödənilməsi istiqamətində son illər ərazində həyata keçilən tədbirlər bu kateqoriyadan olan ailələrə son illər ərazində göstərilən diqqət və qayğının əyani nümunəsidir. Şəhid anası Narıngül Ərabova şəhid ailələrinə göstərilən diqqət və qayğıya görə ölkə prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya öz dərin minnətdarlıq və təşəkkürünü bildirmişdir. Allah bütün şəhidlərimizə rəhmət eləsin.

  • Şirvan şəhəri ərazisində profilaktik tədbir...

    Şirvan şəhəri ərazisində profilaktik tədbirlər davam etdirilir.

    2020-04-02

    Koronavirus infeksiyasının yayılmasının qarşısının alınması məqsədi ilə Şirvan şəhəri ərazisində sosial izolyasiya tədbirləri tətqiq olunur və qabaqlayıcı tədbirlərin görülməsi davam etdirilir. 02 aprel 2020-ci il tarixində şəhər İcra Hakimiyyətinin başçısı İlqar Abbasovun və şəhər Polis şöbəsinin rəisi polis polkovniki Hikmət Quliyevin iştirakı ilə Bayramlı qəsəbəsi və şəhər arasında Kür çayı üzərində fəaliyyət göstərən bərənin fəaliyyəti dayandırılıb. İcra Hakimiyyəti başçısının göstərişi ilə şəhər və qəsəbə arasındakı marşrut xətti bərpa olunub, sərnişindaşınmanın qiymətləri minimuma endirilməklə 2 ədəd avtobus sərnişinlərin istifadəsinə verilib. Eyni zamanda xüsusi karantin rejiminin tələblərinin yerinə yetirilməsi məqsədi ilə gün ərzində şəhər ərazisində profilaktik tədbirlər gücləndirilmiş iş rejimində davam etdirilib. Şəhərin küçə və prospektləri dezinfeksiya edici maddələrlə yuyulub, yaşayış binalarının giriş bloklarında, pilləkən qəfəslərində və pilləkənlərdə, ticarət və xidmət obyektlərində və sərnişindaşıma xidməti göstərən nəqliyyat vasitələrində dezinfeksiya işləri davam etdirilib. Karantin rejiminin tələblərinin yerinə yetirilməsi məqsədi ilə park və xiyabanlara giriş tam olaraq dayandırılıb, polis əməkdaşlarının iştirakı ilə Operativ Qərərgah və mobil qruplar tərəfindən ərazilərdə izahetmə-xəbərdarlıq işləri davam etdirilib, sakinlərdən məsuliyyətli olmaları, ehtiyac olmadıqda evdən çıxmamaları və xüsusi karantin rejiminin qaydalarının yerinə yetirilməsi tələb edilib. Xüsusi karantin rejiminin tələblərinə, habelə sanitar epidemioloji normalara qeyd-şərtsiz əməl olunması üçün Şirvan şəhəri ərazisində zəruri tədbirlərin görülməsi davam etdiriləcəkdir. Bir daha şəhər sakinlərini şəxsi gigiyena qaydalarına əməl etməyə, özünütəcrid tədbirlərinə uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum kontaktda olmağa, insanların sıx toplaşdığı yerlərə getməməyə və Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq.

  • Şirvan şəhərində sahibkar təşəbbüsü

    Şirvan şəhərində sahibkar təşəbbüsü

    2020-04-02

    Yolxucu xəstəliyin sürətlə yayıldığı bir zamanda fərdi qoruyucu vasitələrə, xüsusən tibbi maskalara ehtiyac kəskin şəkildə artdığından artıq şəhər ərazisində fəaliyyət göstərən apteklərdə tibbi maska çatışmazlığı hiss olunur. Bunu nəzərə alaraq, Şirvan Ticarət Mərkəzində çalışan dərzilər təqdirəlayiq bir təşəbbüslə çıxış edərək, koronavirus pandemiyası ilə mübarizəyə töhfə vermək məqsədi ilə tibbi maskaların tikilməsinə başlayıblar. Gün ərzində 300 ədəd qoruyucu tibbi maskaların tikilməsi nəzərdə tutulmuşdur. Tibbi maskalar şəhər İcra Hakimiyyətinin köməkliyi ilə aztəminatlı ailələrə və şəhər ərazisində təmizlik və dezinfeksiya işləri ilə məşğul olan işçilərə paylanacaqdır. Şirvan şəhər icra Hakimiyyətinin rəhbərliyi yaranmış çətin vəziyyətdə belə vacib və xeyirxah bir işə görə təşəbbüskarlara öz minnətdarlığını bildirib.

  • Xüsusi karantin rejiminin tələblərinin yerinə...

    Xüsusi karantin rejiminin tələblərinin yerinə yetirilməsi məqsədi ilə Şirvan şəhəri ərazisində profilaktik tədbirlər gücləndirilib.

    2020-03-31

    Koronavirus infeksiyasının sürətlə yayılma təhlükəsini nəzərə alaraq ölkəmizdə elan olunmuş xüsusi karantin rejiminin tələblərinə uyğun olaraq Şirvan şəhəri ərazisində profilaktik tədbirlər aidiyyəti qurumlar tərəfindən gücləndirilmiş iş rejimində davam etdirilib. Əhalinin sıx toplaşdığı ərazilərə, park və xiyabanlara nəzarət gücləndirilmiş və həmin ərazilərə giriş tamamilə məhdudlaşdırılmışdır. Eyni zamanda polis əməkdaşları tərəfindən şəhərin giriş-çıxış hissələrində və şəhərin bəzi yerlərində nəzarət-buraxılış məntəqələri yaradılmış, təcili-tibbi yardım, qəza-bərpa, xilasedici, kənd təsərrüfatı, sosial xidmət məqsədli avtomobillərin və yük maşınlarının hərəkəti istisna olmaqla nəqliyyatın hərəkəti tam məhdudlaşdırılıb. Xüsusi karantin rejiminin tələblərinə uyğun olaraq əhali arasında fərdi izahetmə-xəbərdarlıq işlərinin aparılması məqsədi ilə Şirvan şəhər İcra Hakimiyyətinin başçısı İlqar Abbasovun, şəhər Polis Şöbəsinin rəisi, polis polkovniki Hikmət Quliyevin və Operativ Qərərgah üzvlərinin iştirakı ilə şəhərin müxtəlif ünvanlarında, park və xiyabanlarda, yaşayış binalarının qarşısında, eyni zamanda Bayramlı və Hacıqəhrəmanlı qəsəbələrində sakinlərlə maarifləndirici söhbətlər aparılıb, onlardan məsuliyyətli olmaları tələb edilib, infeksiyanın sürətlə yayılma riski və törədə biləcəyi fəsadlar barədə ərtaflı məlumatlar verilib. Sakinlərə xüsusi karantin rejiminin tələblərinə və sanitar-epidemioloji normalara ciddi əməl etmələri tövsiyyə edilib və əks halda, tələblərə əməl etməyənlərin inzibati və cinayət məsuliyyətinə cəlb olunacaqları onların nəzərinə çatdırılıb. Xüsusi karantin rejiminin tələblərinə, habelə sanitar epidemioloji normalara əməl olunması üçün Şirvan şəhəri ərazisində zəruri tədbirlərin görülməsi davam etdirilir. Bir daha şəhər sakinlərini xüsusi karantin rejiminin tələblərinə uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum kontakda olmağa, şəxsi gigiyena qaydalarına əməl etməyə və Nazirlər Kabineti yanında Operativ Qərərgahın və Səhiyyə Nazirliyinin tələb və tövsiyyələrinə ciddi riayət etməyə çağırırıq.

  • Xüsusi karantin rejiminin tələblərinin yerinə...

    Xüsusi karantin rejiminin tələblərinin yerinə yetirilməsi məqsədi ilə Şirvan şəhəri ərazisində profilaktik tədbirlər davam etdirilir.

    2020-03-30

    Koronavirus infeksiyasının yayılmasının qarşısının alınması məqsədi ilə Azərbaycan Respublikasında 24 mart 2020-ci il tarixdən elan edilmiş xüsusi karantin rejiminin tələblərinə uyğun olaraq Şirvan şəhəri ərazisində əhalinin sıx toplaşdığı ərazilərə, park və xiyabanlara giriş məhdudlaşdırılıb, şəhərin bütün park və xiyabanlarında sakinlərin əyləşməsi üçün nəzərdə tutulan oturacaqlar yığışdırılıb. Azərbaycan Respublikası Nazirlər Kabineti yanında Operativ Qərərgahın qərarına müvafiq olaraq polis əməkdaşları tərəfindən şəhərin giriş-çıxış hissələrinə postlar qururlub, təcili-tibbi yardım, qəza-bərpa, xilasedici, kənd təsərrüfatı, sosial xidmət məqsədli avtomobillərin və yük maşınlarının hərəkəti istisna olmaqla nəqliyyatın hərəkəti məhdudlaşdırılıb. Xüsusi karantin rejiminin tələblərinə uyğun olaraq əhali arasında fərdi izahetmə-xəbərdarlıq işlərinin aparılması məqsədi ilə Şirvan şəhər İcra Hakimiyyətinin başçısı İlqar Abbasovun iştirakı ilə mobil qruplar tərəfindən şəhərin müxtəlif ünvanlarında, park və xiyabanlarda, yaşayış binalarının qarşısında, eyni zamanda Bayramlı və Hacıqəhrəmanlı qəsəbələrində sakinlərlə maarifləndirici söhbətlər aparılıb, tələblərə əməl etməyən yaşlılara və gənclərə infeksiyanın sürətlə yayılma riski izah olunub, məsuliyyətli olmaları tövsiyyə edilib və Operativ Qərərgah tərəfindən qəbul edilən qərarlara hər kəsin qeyri-şərtsiz əməl etməli olduğu bildirilib. Xüsusi karantin rejiminin tələblərinə və sanitar-epidemioloji normalara əməl etməyən vətəndaşların inzibati və cinayət məsuliyyətinə cəlb olunacaqları sakinlərin nəzərinə çatdırılıb. Xüsusi karantin rejiminin tələblərinə, habelə sanitar epidemioloji normalara əməl olunması üçün Şirvan şəhəri ərazisində zəruri tədbirlərin görülməsi davam etdiriləcəkdir. Bir daha şəhər sakinlərini şəxsi gigiyena qaydalarına əməl etməyə, xüsusi karantin rejiminin tələblərinə uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum kontakda olmağa, insanların sıx toplaşdığı yerlərə getməməyə, Nazirlər Kabineti yanında Operativ Qərərgahın və Səhiyyə Nazirliyinin tələb və tövsiyyələrinə ciddi riayət etməyə çağırırıq.

  • Xüsusi karantin rejiminin tələblərinin yerinə...

    Xüsusi karantin rejiminin tələblərinin yerinə yetirilməsi məqsədi ilə Şirvan şəhərində profilaktik tədbirlər davam etdirilir.

    2020-03-28

    Xüsusi karantin rejiminin tələblərinin yerinə yetirilməsi məqsədi ilə şəhər ərazisində və qəsəbələrdə əhalinin sıx toplaşdığı ərazilərdə fərdi izahetmə-xəbərdarlıq işlərinin aparılması məqsədi ilə yaradılan mobil qruplar şəhərin müxtəlif küçələrində, Heydər Əliyev adına parkda və M.Ə.Rəsulzadə və İstiqlayyət prospektləri boyunca yerləşən park və xiyabanlarda karantin rejiminin tələblərinə əməl etməyən şəhər sakinləri ilə fərdi söhbətlər aparıb, vətəndaşları xüsusi karantin rejiminin tələblərinin yerinə yetirilməsinə dəvət ediblər. Post Patrul Xidmətinin və Yol Polisinin əməkdaşları nəqliyyat vasitələri ilə binaların qarşısında və məhəllərdə gəzərək səsgücləndiricilər vasitəsi ilə vətəndaşları ehtiyac olmadıqda evdən çıxmamağa çağırır, xüsusi karantin rejiminin digər tələblərinin yerinə yetirilməsinə dəvət edirlər. Əvvəlcədən elan olunmuş qaynar xətt vasitəsi ilə Dövlət Sosial Müdafiə Fondunun Şirvan şəhər şöbəsinə müraciət etmiş 8 nəfər yaşı 65-dən yuxarı şəxs nəzarətə götürülüb, onlara lazımi sosial-məişət xidmətləri göstərilməkdə davam edir. Şəhərin bütün park və xiyabanlarında sakinlərin əyləşməsi üçün nəzərdə tutulan oturacaqlar yığışdırılıb. Azərbaycan Respublikası Nazilər Kabineti yanında Operativ Qərərgahın 27 mart 2020-ci il tarixli rayonlararası və şəhərlərarası nəqliyyat hərəkətinin tam dayandırılması ilə əlaqədar Qərarına müvafiq olaraq polis əməkdaşları tərəfindən şəhərin giriş-çıxış hissələrində postlar qurulub, təcili-tibbi yardım, qəza-bərpa, xilasedici, kənt təsərrüfatı, sosial xidmət məqsədli, həmçinin yük avtomobillərinin hərəkəti istisna olmaqla, nəqliyyatın hərəkəti məhdudlaşdırılıb. Azərbaycan Respublikası Nazilər Kabineti yanında Operativ Qərərgahın qərarı ilə elan olunmuş xüsusi karantin rejiminin tələblərinin yerinə yetirilməsi məqsədi ilə şəhər ərazisində profilaktik tədbirlərin həyata keçirilməsi davam etdirilir.

  • Xüsusi karantin rejiminin tələblərinin yerinə...

    Xüsusi karantin rejiminin tələblərinin yerinə yetirilməsi məqsədi ilə şəhər ərazisində izahetmə-xəbərdarlıq işləri aparılır.

    2020-03-27

    Koronavirus (COVİD-19) pandemiyası ilə mübarizədə əhalinin sağlamlığının qorunmasını ali məqsəd kimi qəbul edərək infeksiyanın ölkədə yayılmasının və onun törədə biləcəyi fəsadların qarşısının alınması məqsədilə Azərbaycan Respublikasının Sanitariya-epidemioloji salamatlıq haqqında Qanununun 25-ci maddəsinə əsasən Azərbaycan Respublikasında 24 mart 2020-ci il saat 00:00-dan etibarən 20 aprel saat 00:00-dək xüsusi karantin rejimi elan edilib. Xüsusi karantin rejiminin tələblərinə uyğun olaraq şəhər ərazisində və qəsəbələrdə əhalinin sıx toplaşdığı ərazilərdə fərdi izahetmə-xəbərdarlıq işlərinin aparılması məqsədi ilə Şirvan şəhər İcra Hakimiyyəti Aparatının, şəhər Bələdiyyəsinin, 1 saylı İnzibati Ərazi Dairəsinin və digər qurumların əraziləri yaxşı tanıyan məsul işçilərindən ibarət mobil qrup yaradılıb, mobil qrupların tərkibinə qoruyucu maskalar taxmış əraziləri yaxşı tanıyan və əhali arasında nüfuzu olan məktəb direktorları, mənzil təsərrüfatı və kommunal kombinatı müəssisələrinin işçiləri də cəlb edilib. Post Patrul Xidmətinin və Yol Polisinin əməkdaşları nəqliyyat vasitələri ilə binaların qarşısında və məhəllərdə gəzərək səsgücləndiricilər vasitəsi ilə vətəndaşları xüsusi karantin rejiminin tələblərinin yerinə yetirilməsinə dəvət edirlər. Şəhərin bütün park və xiyabanlarında sakinlərin əyləşməsi üçün nəzərdə tutulan oturacaqların yığışdırılmasına başlanılıb. Bildiririk ki, xüsusi karantin rejiminin tələblərinə və sanitar epidemioloji normalara əməl etməyən vətəndaşlar inzibati və cinayət məsuliyyətinə cəlb olunacaqlar. Xüsusi karantin rejiminin tələblərinə, habelə sanitar epidemioloji normalara qeyd-şərtsiz əməl olunması üçün Şirvan şəhəri ərazisində zəruri tədbirlərin görülməsi davam etdiriləcəkdir. Bir daha şəhər sakinlərini şəxsi gigiyena qaydalarına əməl etməyə, özünütəcrid tədbirlərinə uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum kontaktda olmağa, insanların sıx toplaşdığı yerlərə getməməyə və Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq.

  • Şirvan şəhəri ərazisində profilaktik dezinfe...

    Şirvan şəhəri ərazisində profilaktik dezinfeksiya tədbirləri davam etdirilir.

    2020-03-26

    Koronavirus infeksiyasının yayılmasının qarşısının alınması ilə bağlı Şirvan şəhəri ərazisində sanitariya-gigiyena norma və qaydalarına riayət edilməsinə ciddi nəzarət edilir. İnfeksiyanın yayılmasının qarşının alınması məqsədilə Gigiyena və Epidemilogiya Mərkəzinin həkim və tibb işçiləri tərəfindən xüsusi nəqliyyat vasitələri ilə şəhərin iri küçə və prospektləri dezinfeksiya edici maddələrlə yuyulmuş, eyni zamanda Heydər Əliyev, Nəriman Nərimanov, Səməd Vurğun adına parklarda, İltiqlaliyyət və M.Ə.Rəsulzadə prospektləri boyunca yerləşən park və xiyabanlarda və “MTK İK” MMC-nin Şirvan Yağ-Piy filialında dezinfeksiya işləri aparılmışdır. Şəhərdə epidemioloji durumun ciddi nəzarət altında saxlanılması məqsədi ilə profilaktik tədbirlərin həyata keçirilməsi davam etdirilir. Koronavirus infeksiyasının geniş yayılma sürətini nəzərə alaraq bir daha şəhər sakinlərini şəxsi gigiyena qaydalarına əməl etməyə, özünütəcrid tədbirlərinə uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum kontaktda olmağa, insanların sıx toplaşdığı yerlərə getməməyə və Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq. Qaynar xətt : Şirvan şəhər İcra hakimiyyəti: (021) 215 45 06 Dövlət Sosial Müdafiə Fondunun Şirvan şəhər şöbəsi : 142(Çağrı Mərkəzi) 1 saylı Sahə İnzibati Ərazi Dairəsi üzrə Nümayəndəlik : +994 70 356 86 99 Hacıqəhrəmanlı qəsəbə İnzibati Ərazi Vahidi üzrə Nümayəndəlik: +994 50 277 24 18 Bayramlı qəsəbə İnzibati Ərazi Vahidi üzrə Nümayəndəlik: +994 21 216 32 76 Şirvan şəhər Bələdiyyəsi : +994 21 215 26 62 Hacıqəhrəmanlı qəsəbə Bələdiyyəsi: +994 55 419 40-30

  • Şirvan şəhər İcra Hakimiyyətinin məlumatı

    Şirvan şəhər İcra Hakimiyyətinin məlumatı

    2020-03-25

    Koronavirus(COVİD-19) infeksiyasına qarşı bir çox ölkələrdə intensiv qabaqlayıcı tədbirlərin həyata keçirilməsinə baxmayaraq, infeksiyanın yayılmasının qarşısını almaq mümkün olmamışdır. Hazırda Şirvan şəhəri ərazisində epidemioloji durum şəhər İcra Hakimiyyəti tərəfindən ciddi nəzarət altında saxlanılır, sanitariya-gigiyena norma və qaydalarına riayət edilməsinə nəzarət edilir və təxirəsalınmaz profilaktik tədbirlər davam etdirilir. İnfeksiyasının geniş yayılma sürətini nəzərə alaraq, Azərbaycan Nazirlər Kabineti yanında Operativ Qərargahın müəyyən etdiyi bütün tədbirlərin şəhər ərazisində həyata keçirilməsi ciddi nəzarətə götürülməli, sanitar-dezinfeksiya işlərinin aparılması təmin olunmalı, əhalinin maarifləndirilməsi işləri gücləndirilməli, xüsusilə 65 yaşdan yuxarı olan insanların yaşadığı ailələr nəzarətə götürülməli, şəhər əhalisi arasında onların şəxsi gigiyena qaydalarına əməl etmələri, təmas imkanlarını minimuma endirmələri, yalnız ciddi ehtiyac yarandıqda evdən çıxmaları barədə fərdi qaydada maarifləndirmə işləri aparılmalıdır. Habelə 65 yaşdan yuxarı tənha yaşayan sakinlərə aidiyyəti qurumlarla birgə sosial-məişət xidmətləri, o cümlədən ev təsərrüfatı ilə bağlı işlərdə, əsas tələbat mallarının, dərman vasitələrinin alınmasında, kommunal ödənişlərin edilməsində və sair işlərdə lazımi köməkliklər göstərilməlidir.

  • Şirvan şəhəri ərazisində dezinfeksiya tədbi...

    Şirvan şəhəri ərazisində dezinfeksiya tədbirləri davam etdirilir.

    2020-03-25

    Koronavirus infeksiyasının yayılmasının qarşısının alınması ilə bağlı Şirvan şəhəri ərazisində təxirəsalınmaz profilaktik tədbirlər davam etdirilir. İnfeksiyanın şəhər ərazisində yayılmasının qarşının alınması məqsədi ilə şəhərin “Təzə şəhər” adlanan hissəsində 160 çoxmənzilli yaşayış binasında dezinfeksiya işləri aparılmış, küçə və prospektlər xüsusi dezinfeksiyaedici maddə ilə yuyulmuşdur. Hal-hazırda “Köhnə şəhər” ərazisində çoxmənzilli yaşayış binalarının dezinfeksiya olunması üçün genişmiqyaslı profilaktik tədbirlər davam etdirilir Koronavirus infeksiyasının geniş yayılma sürətini nəzərə alaraq bir daha şəhər sakinlərini şəxsi gigiyena qaydalarına əməl etməyə, özünütəcrid tədbirlərinə uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum kontaktda olmağa, insanların sıx toplaşdığı yerlərə getməməyə və Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq.

  • Şirvan gəncləri “Sağlamlığımız milli hə...

    Şirvan gəncləri “Sağlamlığımız milli həmrəyliyimizdədir” aksiyasına qoşulublar

    2020-03-25

    Yeni Azərbaycan Partiyasının icra Katibliyinin tövsiyyələrinə uyğun olaraq Partiyanın Şirvan şəhər təşkilatının gəncləri “Sağlamlığımız milli həmrəyliyimizdədir” aksiyasına qoşulublar. Belə ki, 25 mart 2020-ci il tarixində gənclər tənha, ahıl və qayğıya ehtiyacı olan 5 ailəyə baş çəkərək, onlara yoluxucu xəstəlikdən qorunmaları üçün tələb olunan gigiyenik vasitələri paylamış, şəhər sakinlərinə koronavirus təhlükəsi və ondan qorunma üsulları barədə ətraflı məlumatlar vermiş, xəstəliyin əlamətləri və şəxsi gigiyena qaydaları ilə bağlı broşurləri paylamışlar. Görüşlərdə şəhər sakinləri koronavirus infeksiyasına qarşı dövlətin apardığı qabağlayıcı mübarizə tədbirlərinə görə ölkə prezidenti cənab İlham Əliyevə öz minnətdarlıqlarını bildirmişlər.

  • Şirvan şəhər İcra Hakimiyyətində və onun t...

    Şirvan şəhər İcra Hakimiyyətində və onun tabeçiliyində olan qurumlarda çalışan işçilər könülü olaraq bir aylıq əmək haqlarını Koronavirusla Mübarizəyə Dəstək Fonduna bağışlayıblar.

    2020-03-24

    Koronavirus infeksiyasının Azərbaycanda yayılmasının qarşısını almaq və onunla mübarizə istiqamətində həyata keçirilən tədbirlərə maliyyə dəstəyini təmin etmək məqsədi ilə Azərbaycanın Prezidenti cənab İlham Əliyevin 19 mart 2020-ci il tarixli “Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” Fərmanına əsasən, Koronavirusla Mübarizəyə Dəstək Fondu yaradılıb. Azərbaycan Respublikası Prezidentinin ehtiyat fondundan ilkin olaraq 20 milyon manat fonda ayrılıb və ölkə Prezidenti ilk olaraq bir illik əməkhaqqını Fonda ianə edib. Azərbaycan Respublikasının Birinci vitse-prezidenti Mehriban xanım Əliyeva da bu təşəbbüsə qoşularaq bir illik əməkhaqqı məbləğini Koronavirusla Mübarizəyə Dəstək Fonduna ianə etmişdir. Koronavirusla mübarizə istiqamətində həyata keçiriləcək tədbirlərə maliyyə dəstəyinin göstərilməsini nəzərdə tutan fonda eyni zamanda, müxtəlif şirkətlər, qurumlar, fiziki və hüquqi şəxslər tərəfindən könüllü ödəmələrin həyata keçirilməsi davam edir. Koronavirus infeksiyası ilə mübarizədə dövlətimiz və xalqımızla həmrəy olaraq Şirvan şəhər İcra Hakimiyyətində və onun tabeçiliyində olan qurumlarda çalışan işçilər könülü olaraq bir aylıq əmək haqlarını ianə etmək qərarına gələrək Koronavirusla Mübarizəyə Dəstək Fonduna köçürüblər.

  • Şirvan şəhəri ərazisində dezinfeksiya tədbi...

    Şirvan şəhəri ərazisində dezinfeksiya tədbirləri davam etdirilir.

    2020-03-23

    Koronavirus infeksiyasının yayılmasının qarşısının alınması ilə bağlı Şirvan şəhəri ərazisində epidemioloji durum şəhər İcra Hakimiyyəti tərəfindən ciddi nəzarət altında saxlanılır, sanitariya-gigiyena norma və qaydalarına riayət edilməsinə ciddi nəzarət edilir və təxirəsalınmaz profilaktik tədbirlər davam etdirilir. İnfeksiyanın şəhər ərazisində yayılmasının qarşının alınması məqsədilə Gigiyena və Epidemilogiya Mərkəzinin həkim və tibb işçiləri tərəfindən mərkəzi bazar, avtovağzal, ictimai iaşə və ticarət obyektləri, park və xiyabanlar, yaşayış binalarının giriş hissələri, pilləkən qəfəsləri və liftlərlə yanaşı məcburi köçkünlər üçün salınmış yeni yaşayış kompleksində bütövlüklə genişmiqyaslı profilaktik tədbirlər davam etdirilir. Xüsusi nəqliyyat vasitələri ilə şəhərin prospekt və küçələrində, məhəllədaxili yollarda küçələrin yuyulması və dezinfeksiya işləri aparılır. Həyata keçirilən tədbirlərin mütəmadi olaraq davam etdirilməsi nəzərdə tutulur. Koronavirus infeksiyasının geniş yayılma sürətini nəzərə alaraq bir daha şəhər sakinlərini şəxsi gigiyena qaydalarına əməl etməyə, özünütəcrid tədbirlərinə uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum kontaktda olmağa, insanların sıx toplaşdığı yerlərə getməməyə və Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq.

  • Şirvan şəhəri ərazisində koronavirus infeksi...

    Şirvan şəhəri ərazisində koronavirus infeksiyasının yayılmasının qarşısını almaq məqsədilə dezinfeksiya tədbirlərinin həyata keçirilməsi gücləndirilib.

    2020-03-22

    Koronavirus(COVİD-19) infeksiyasına qarşı bir çox ölkələrdə intensiv qabaqlayıcı tədbirlərin həyata keçirilməsinə baxmayaraq, infeksiyanın yayılmasının qarşısını almaq mümkün olmamışdır. İnfeksiyasının geniş yayılma sürətini nəzərə alaraq, Azərbaycan Respublikası Nazirlər Kabineti yanında Operativ Qərargahı tərəfindən sosial izolyasiya tədbirləri tətbiq olunur və qabaqlayıcı tədbirlərin görülməsi davam etdirilir. Hazırda ölkəmizdə epidemioloji durum ciddi nəzarət altında saxlanılır. Koronavirus infeksiyasının yayılmasının qarşısının alınması ilə bağlı Şirvan şəhəri ərazisində sanitariya-gigiyena norma və qaydalarına riayət edilməsinə ciddi nəzarət edilir və təxirəsalınmaz profilaktik tədbirlər həyata keçirilir. İnfeksiyanın şəhər ərazisində yayılmasının qarşının alınması məqsədilə Şirvan şəhər İcra Hakimiyyətinin başçısı yanında operativ qərargah yaradılmış, sakinlər arasında geniş maarifləndirmə işlərinin aparılması davam etdirilir. Azərbaycan Respublikasının Nazirlər Kabineti yanında Operativ Qərargahın qərarı ilə təhsil müəssisələrində tədris, təlim-tərbiyə prosesi dayandırıldıqdan sonra bütün ümumitəhsil məktəblərində, körpələr evi-uşaq bağçalarında, mədəniyyət və tibb müəssisələrində yoluxucu xəstəliyin profilaktikası məqsədi ilə kütləvi dezinfeksiya işlərinin aparılması təmin edilib. İnfeksion xəstəliyin yayılma təhlükəsini nəzərə alaraq tərtib edilən qrafik əsasında Gigiyena və Epidemilogiya Mərkəzinin həkim və tibb işçiləri tərəfindən mərkəzi bazar, avtovağzal, ictimai iaşə və ticarət obyektlərində, bir sözlə, insanların kompakt toplaşdığı bütün yerlərdə, həmçinin küçə, park və xiyabanlarda, yaşayış binalarının giriş bloklarında, pilləkən qəfəslərində və liftlərdə genişmiqyaslı profilaktik tədbirlər davam etdirilir. Koronavirus infeksiyasının geniş yayılma sürətini nəzərə alaraq bir daha şəhər sakinlərini şəxsi gigiyena qaydalarına əməl etməyə, özünütəcrid tədbirlərinə uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum kontaktda olmağa, insanların sıx toplaşdığı yerlərə getməməyə və Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq.

  • Şirvan şəhər İcra Hakimiyyətinin başçısı...

    Şirvan şəhər İcra Hakimiyyətinin başçısı İlqar Abbasovun Novruz bayramı münasibəti ilə təbriki

    2020-03-20

    Əziz həmvətənlər! Hörmətli şirvanlılar! Sizi tarixi minilllərlə ölçülən və milli-mənəvi dəyərlərimiz sırasında özünəməxsus yeri olan Novruz bayramı münasibətilə səmimi qəlbdən təbrik edir, hər birinizə can sağlığı, səadət, bahar təravətli günlər arzu edirəm. Novruz insanlar arasında birlik və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam təməllər yaradır. Bu bayram təbiətin oyanışı, həyatın yenilənməsi, dirçəlişin rəmzidir. Deməli, Novruz təkcə insanlığın deyil, yer üzərindəki bütün canlı varlıqların bayramıdır. Azərbaycanı qədim sivilizasiyanın mərkəzlərindən biri kimi tanıdan misilsiz dəyərlərimiz sırasında Novruz bayramı müstəsna mövqeyə malikdir. Ümummilli lider Heydər Əliyevin respublikamıza rəhbərliyi dövründə Novruz bayramının dövlət səviyyəsində qeyd edilməsi tarixi köklərə qayıdışın parlaq nümunəsi olmaqla yanaşı, xalqımızın həmrəyliyini və bütövlüyünü təcəssüm etdirmişdir. Ulu Öndərin siyasi kursunu ləyaqətlə davam etdirən dövlət başçısı cənab İlham Əliyev öz fəaliyyətində adət-ənənələrimizə, milli-mənəvi dəyərlərimizə ehtiram və qayğı ilə yanaşır, milli birlik və həmrəyliyimizi əks etdirən Novruz bayramı hər il ölkəmizdə yüksək səviyyədə qeyd olunur. Azərbaycan Respublikasının Birinci vitse-prezidenti Mehriban xanım Əliyevanın təşəbbüsü və dəstəyi ilə Novruz bayramı UNESKO-nun qeyri-mədəni irs siyahısına daxil edilmiş, BMT-nin Baş Assambleyası tərəfindən 21 mart tarixi “Beynəlxalq Novruz Günü” elan olunmuşdur. Beləliklə, bu bayram regional müstəvidən çıxaraq beynəlxalq səviyyəli tədbirə çevrilmişdir. Ölkəmizin hər yerində olduğu kimi Şirvan şəhərində də Novruz bayramı böyük sevgi və çoşqu ilə qarşılanır. Xalqımızın zəngin adət-ənənəsini bu bayramda bütün gözəlliyi ilə bir daha görmək olur. Bayram günlərində hər bir azərbaycanlını birləşdirən müqəddəs arzular var. Dövlət müstəqilliyimiz daimi, əbədi olsun! İşğal olunmuş torpaqlarımızda qələbə çalaq, bayram tonqalları yandıraq! Bu arzuların həyata keçməsi, daha gözəl, inkişaf etmiş, bütöv Azərbaycanın yaradılmasında hər bir şirvanlı bundan sonra da möhtərəm Prezidentimiz cənab İlham Əliyevin ətrafında sıx birşləşəcək, onun yeritdiyi dövlət siyasətini dəstəkləyəcək! Əziz şirvanlılar, bir daha sizi Novruz bayramı münasibətilə təbrik edir, sizə günbəgün inkişaf edən ölkəmizdə firavan həyat, əmin-amanlıq, tərəqqi arzulayıram. Bu bayram hər bir ailəyə bol ruzi-bərəkət və xoş ovqat gətirsin! Novruz bayramınız mübarək olsun!

  • Şirvan şəhərində şəhid ailələri ziyarət ...

    Şirvan şəhərində şəhid ailələri ziyarət edildi.

    2020-03-18

    17 mart 2020-ci il tarixində, Şirvan şəhər İcra Hakimiyyəti işçilərinin və könüllülərin iştirakı ilə ölkəmizin ərazi bütövlüyü uğrunda canlarından keçmiş şəhidlər-Elçin Azadov, Nihad Rəhimli, Rövşən Cəfərov, Məhəmməd Muradov və Əlikram Hətəmovun ailələri ziyarət edilmiş, onların ailə-məişət qayğıları ilə maraqlanılmışdır. Görüşlərdə şəhidlərimizin əziz xatirəsi yad edilmiş, barələrində xoş təəsüratlar danışılmış, torpaqlarımızın qorunması yolunda canlarından keçmiş şəhidlərimizin hünərinin hər birimizə örnək olması və hər bir Azərbaycan vətəndaşının öz qəhrəmanlarını tanımalı olduğu bildirilmişdir. Azərbaycanın ərazi bütövlüyü uğrunda canlarından keçmiş şəhidlərimizin xatirəsini və adını uca tutmaq, əbədiləşdirmək, onların yaxınlarına, doğmalarına, ailə üzvlərinə diqqət və qayğı göstərmək bizim hər birimizin vətəndaşlıq borcumuz və ən əsas vəzifəmizdir. Qeyd olunub ki, Cənab Prezident İlham Əliyev tərəfindən həyata keçirilən sosial siyasətinin mərkəzində məhz Azərbaycan vətəndaşı dayanır. Bu qəbildən olan ailələrin sosial ehtiyaclarının dövlət tərəfindən ödənilməsi, həmçinin vətən uğrunda öz canından keçmiş şəhidlərin və Qarabağ müharibəsi əlillərinin övladlarının təhsil haqqından azad edilməsi, eyni zamanda, bu insanların mənzil və avtomobillərlə təmin olunması dövlət başçısı tərəfindən göstərilən diqqət və qayğısının bariz nümunəsidir. Keçirilən görüşlərdə şəhid ailələri “Torpaq çərşənbəsi” və qarşıdan gələn Novruz bayramı münasibəti ilə təbrik edilmiş, onlara bayram sovqatları verilmişdir. Şəhid anaları Dilarə Azadova, Zenfira Rəhimova, Çərkəz Cəfərova, Xuraman Əsgərova və Münəvvər Məstiyeva onlara göstərilən diqqət və qayğıya görə ölkə prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya öz dərin minnətdarlıq və təşəkkürlərini bildirmişlər.

  • Məhəmməd Füzuli adına Şirvan şəhər Parkı...

    Məhəmməd Füzuli adına Şirvan şəhər Parkında əsaslı yenidənqurma işləri davam etdirilir.

    2020-03-18

    Son illər ərzində Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən uğurlu siyasət nəticəsində ölkəmiz iqtisadi, siyasi, mədəni, sosial və digər sahələrdə çox mühüm nailiyyətlər əldə edib. Ölkəmizin bütün regionlarında abadlıq və yenidənqurma işləri geniş vüsət alıb. Əhalinin rahatlığı və istirahətinin yüksək səviyyədə təşkili məqsədilə yeni parklar və çoxsaylı yaşıllıq zolaqları salınır, mövcud park və xiyabanlar isə əsaslı şəkildə yenidən qurulur. Həyata keçirilən bu layihələr şəhər və rayonların simasını dəyişməklə yanaşı, ölkəmizdə ekoloji vəziyyətin yaxşılaşdırılmasında da mühüm rol oynayır. Ölkə başçısının tikinti-quruculuq və abadlıq işlərini zövqlə və günün tələbləri səviyyəsində aparılması ilə bağlı tövsiyyə və tapşırıqlarına müvafiq olaraq Şirvan şəhəri ərazisində də geniş miqyaslı abadlıq-quruculuq işləri həyata keçirilir. Görüləcək işlərin bir hissəsi olan Məhəmməd Füzuli adına Şirvan şəhər Parkı xüsusi layihə əsasında yenidən qurulmağa başlayıb. Belə ki, parkı əhatə edən süni göl xüsusi texnikalar vasitəsi ilə təmizlənərək genişləndirilir, kommunikasiya xətlərinin yenilənməsi həyata keçirilir, parkdakı ağacların budanması, cavanlaşdırılması işləri görülür. Layihəyə uyğun olaraq parkda əlavə müxtəlif ağac və kolların əkilməsi, güllərdən müxtəlif kompozisiyaların düzəldilməsi, müasir suvarma sisteminin qurulması, uşaq əyləncə və müxtəlif idman qurğularının quraşdırılması, mini-futbol meydançasının tikilməsi, müasir işıqlandırma sisteminin qurulması nəzərdə tutulub. Parkda həyata keçirilən abadlıq və quruculuq işləri sakinlər tərəfindən razılıqla qarşılanır. İnanırıq ki, əsaslı yenidənqurma işlərindən sonra Məhəmməd Füzuli adına Şirvan şəhər Parkı şirvanlıların və şəhərimizin qonaqlarının istirahət mərkəzinə çevriləcəkdir.

  • Şirvan şəhər İcra Hakimiyyətinin məlumatı

    Şirvan şəhər İcra Hakimiyyətinin məlumatı

    2020-03-17

    Koronavirus(COVİD-19) infeksiyası bütün dünyada sürətlə yayılmaqda davam edir. Hazırda bir çox ölkələrdə intensiv qabaqlayıcı tədbirlərin həyata keçirilməsinə baxmayaraq, infeksiyanın yayılmasının qarşısını almaq mümkün olmamışdır. Koronavirus infeksiyasının qlobal pandemiya elan olunduğunu və virusun geniş yayılma sürətini nəzərə alaraq, Azərbaycan Respublikası Nazirlər Kabineti yanında Operativ Qərargahın məlumatına əsasən bir ay müddətində ölkə ərazisində kütləvi tədbirlərin təxirə salınması qərara alınmış və 14 mart 2020-ci il saat 00:00-dan etibarən bəzi sosial izolyasiya tədbirlərinin tətbiqinə başlanılmışdır. Azərbaycan Respublikası Nazirlər Kabinetinin tövsiyyə və tapşırıqlarına əsasən infeksiyaya qarşı qabaqlayıcı tədbirlərin həyata keçirilməsi məqsədi ilə vətəndaşların qəbulu ilə əlaqədar qaydalar müəyən edilmişdir. Belə ki, qəbul otağında vətəndaşların qrup və fərdi surətdə qəbulları, həmçinin səyyar qəbulların keçirilməsi təxirə salınır. Vətəndaşların müraciətlərinin fasiləsiz qəbulu yalnız elektron müracət və telefon vasitəsi ilə həyata keçiriləcəkdir. Bu məqsədlə vətəndaşların müraciətlərinə xüsusi həssaslıqla yanaşılması üçün fasiləsiz fəaliyyət göstərən qaynar xətt yaradılmışdır. Koronavirus infeksiyasının geniş yayılma sürətini nəzərə alaraq vətəndaşlardan Azərbaycan Respublikası Nazirlər Kabineti yanında Operativ Qərargah tərəfindən müəyyən olunmuş tələblər çərçivəsində davranmaları xahiş olunur.

  • Gənclər və İdman naziri Azad Rəhimov vətənd...

    Gənclər və İdman naziri Azad Rəhimov vətəndaşların qəbulunu keçirib.

    2020-03-13

    Mərkəzi icra hakimiyyəti orqanları rəhbərlərinin yerlərdə vətəndaşların qəbulu cədvəlinə uyğun olaraq, 13 mart 2020-ci il tarixində Gənclər və İdman naziri Azad Rəhimov Şirvan şəhər Gənclər Evində Şirvan şəhəri və Hacıqabul rayonundan olan vətəndaşları qəbul edib. 14 vətəndaşın iştirak etdiyi qəbulda müraciətlər əsasən, gənclərlə bağlı müxtəlif layihələrin maliyyələşdirilməsi, gənclərin beynəlxalq layihələrdə iştirakı, idman mərkəzlərinin idman avadanlıqları ilə təmin olunması, idman zalının tikintisi, işlə təminat və digər məsələlərlə bağlı olub. Bir sıra müraciətlər yerindəcə həllini tapıb, araşdırılması əlavə vaxt tələb edilən məsələlər isə aidiyyəti qurumlara göndərilməsi üçün nəzarətə götürülüb. Sakinlərin ərazilərdə qəbulu və müraciətlərinə baxılması üçün rahat və əlverişli şərait yaradılmasından razılıqlarını ifadə edən vətəndaşlar göstərilən diqqət və qayğıya görə ölkə rəhbərliyinə minnətdarlıqlarını bildiriblər.

  • Novruz bayramı ilə əlaqədar yanğın təhlük...

    Novruz bayramı ilə əlaqədar yanğın təhlükəsizliyinə dair Fövqəladə Hallar Nazirliyinin əhaliyə müraciəti

    2020-03-13

    Xalqımızın milli-mənəvi dəyərlərini özündə yaşadan Novruz bayramı zamanı hər birimizin arzusudur ki, bayram şənlikləri ən xoş duyğularla yaddaşlarımıza həkk olunsun. Bunun üçün isə Novruz bayramı ilə əlaqədar keçirilən müxtəlif mərasimlərdə yanğın təhlükəsi ilə üzləşməmək üçün bir sıra təhlükəsizlik qaydalarına, o cümlədən yanğın təhlükəsizliyi ilə bağlı bütün tələblərə ciddi əməl olunmalıdır: • bayram tonqalının ətrafına yığışan azyaşlılar mütləq böyüklərin nəzarətində olmalıdır; • tonqal elektrik naqili, ağac, avtomobil, ev və digər yanar materiallardan kənarda yandırılmalıdır; • tonqal tam sönənədək nəzarətdə saxlanılmalıdır; • tonqal üzərindən atılarkən ehtiyatsızlıq geyimin alışmasına, bədənin xəsarət almasına səbəb ola bilər; • yandırılan şamlar nəzarətsiz qalmamalıdır. Unutmayın: Qaydalara biganəlik - həyatımıza təhlükədir! Təhlükə zamanı 112-yə zəng edin!

  • Şirvan şəhərində şəhid ailələri ziyarət ...

    Şirvan şəhərində şəhid ailələri ziyarət edilib.

    2020-03-11

    10 mart 2020-ci il tarixində Şirvan şəhər İcra Hakimiyyətinin və Şirvan şəhər Heydər Əliyev Mərkəzinin birgə təşkilatçılığı ilə ölkəmizin ərazi bütövlüyü uğrunda canlarından keçmiş şəhidlər-Elsevər Bünyatov, Faiq Cavadov, Həsən Hüseynov, Tofiq Əliyev və Natiq Quliyevin ailə üzvləri Yel çərşənbəsi və qarşıdan gələn Novruz bayramı münasibəti ilə ziyarət edilmiş və onların ailə-məişət qayğıları ilə maraqlanılmışdır. Görüşlərdə şəhidlərimizin əziz xatirəsi yad edilmiş, barələrində xoş təəsüratlar danışılmışdır. Qeyd olunub ki, bu gün dövlətimiz vətənimizin bütövlüyü uğrunda canından keçmiş şəhidlərin ailələrinə, həmçinin müharibə əlillərinə böyük diqqət və qayğı ilə yanaşır və bu cəmiyyətimiz tərəfindən məmnunluq hissi ilə qarşılanır. Cənab Prezident İlham Əliyevin rəhbərliyi ilə həyata keçirilən siyasətin əsas istiqamətlərindən birini şəhid ailələrinin, müharibə veteranları və əlillərinin sosial müdafiəsinin gücləndirilməsi, onların problemlərinin vaxtında həllinə nail olunması və hər cür diqqət və qayğı ilə əhatə olunması təşkil edir. Bu, dövlət səviyyəsində şəhidlərə, müharibə əlillərinə və onların ailə üzvlərinə dərin hörmət və ehtiramın göstəricisi və əyani təzahürüdür. Vurğulanıb ki, ölkəmizin ərazi bütövlüyü uğrunda canlarından keçmiş şəhidlərimizin xatirəsini və adını uca tutmaq, əbədiləşdirmək, onların yaxınlarına, doğmalarına, ailə üzvlərinə diqqət və qayğı göstərmək bizim hər birimizin vətəndaşlıq borcumuz və ən əsas vəzifəmizdir. Keçirilən görüşlərdə şəhid ailələri “Yel çərşənbəsi” və qarşıdan gələn Novruz bayramı münasibəti ilə təbrik edilmiş, onlara bayram sovqatları verilmişdir. Şəhid anaları Anaxanım Bünyatova, Xuraman Cavadova, Balacaxanım Hüseynova, Gülbəstə Əliyeva və Mübarizə Quliyeva göstərilən diqqət və qayğıya görə ölkə prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya öz dərin minnətdarlıq və təşəkkürlərini bildirmişlər.

  • Şirvan şəhərində şəhid ailələri ziyarət ...

    Şirvan şəhərində şəhid ailələri ziyarət edilib.

    2020-03-09

    Ölkə Prezidenti cənab İlham Əliyevin rəhbərliyi ilə həyata keçirilən sosial siyasətin əsas istiqamətlərindən birini şəhid ailələrinin, müharibə veteranlarının və əlillərinin sosial müdafiəsinin gücləndirilməsi və rifah halının yaxşılaşdırılması təşkil edir. Şirvan şəhərində əlamətdar günlərdə şəhidlərimizin ailə üzvlərinin, Qarabağ müharibəsi əlillərinin ziyarət edilməsi və bu kateqoriyadan olan insanlara mənəvi dəstək olunması artıq bir ənənə halını alıb. Hər bayram və əziz günlərdə olduğu kimi, “8 Mart Beynəlxaq Qadınlar Günü”ndə Şirvan şəhər İcra Hakimiyyəti və Yeni Azərbaycan Partiyası Şirvan şəhər Təşkilatı Gənclər Birliyinin birgə təşkilatçılığı əsasında şəhidlər Nizami Yolçuyev, Mehman Hüseynov və Namiq Əkbərovun Şirvan şəhərində yaşayan ailələri ziyarət edilmiş, onların ailə-məişət qayğıları ilə maraqlanılmışdır. Görüşlərdə şəhidlərimizin əziz xatirəsi yad edilmiş, barələrində xoş təəsüratlar danışılmışdır. Vurğulanıb ki, ölkəmizin ərazi bütövlüyü uğrunda canlarından keçmiş şəhidlərimizin xatirəsini və adını uca tutmaq, əbədiləşdirmək, onların yaxınlarına, doğmalarına, ailə üzvlərinə diqqət və qayğı göstərmək bizim hər birimizin vətəndaşlıq borcumuz və ən əsas vəzifəmizdir. Keçirilən görüşlərdə şəhid ailələri “8 Mart Beynəlxaq Qadınlar Günü” münasibəti ilə təbrik edilmiş, onlara hədiyyələr verilmişdir. Şəhid anası Seyidxanım Hüseynova, şəhidlərin həyat yoldaşları Tükəzban İmanova və Kiçikxanım Yolçuyeva göstərilən diqqət və qayğıya görə ölkə prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya öz dərin minnətdarlıq və təşəkkürlərini bildirmişlər.

  • Şəhid Rafət Əsədovun xatirəsi anıldı.

    Şəhid Rafət Əsədovun xatirəsi anıldı.

    2020-03-06

    06 mart 2020-ci il tarixdə, saat 11:00-da, Şirvan şəhər İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin Şirvan şəhər Şöbəsinin, Qarabağ Müharibəsi Əlilləri, Veteranları və Şəhid Ailələri İctimai Birliyinin Şirvan şəhər Şöbəsinin birgə təşkilatçılığı və şəhid Rafət Əsədovun döyüş yoldaşlarının iştirakı ilə anım tədbiri keçirildi. Anım tədbirindən öncə Şəhidlər Xiyabanı ziyarət edilmiş, şəhidin məzarə üstünə gül-çiçək dəstələri qoyulmuşdur. Qeyd olunub ki, şəhidlərimizin xatirəsi bizim üçün hər zaman əzizdir. Onlar hər zaman bizim qəlbimizdə əbədi yaşayacaqlar. Azərbaycanın ərazi bütövlüyü uğrunda canlarından keçmiş şəhidlərimizin xatirəsini və adını uca tutmaq, əbədiləşdirmək, onların yaxınlarına, doğmalarına, ailə üzvlərinə diqqət və qayğı göstərmək bizim hər birimizin vətəndaşlıq borcumuz və ən əsas vəzifəmizdir. Ölkə Prezidenti cənab İlham Əliyevin rəhbərliyi ilə həyata keçirilən siyasətin əsas istiqamətlərindən birini şəhid ailələrinin, müharibə veteranlarının və əlillərinin sosial müdafiəsinin gücləndirilməsi, onların problemlərinin vaxtında həllinə nail olunması, hər cür qayğı ilə əhatə olunması təşkil edir. Müharibə əlilləri, veteranları və şəhid ailələrinin sosial ehtiyaclarının ödənilməsi istiqamətində son illər ərazində həyata keçilən tədbirlər bunu bir daha sübut edir. Sonra şəhidin yaşadığı mənzildə ailə üzvləri ilə görüş keçirilmişdir. Görüşdə şəhidimizin əziz xatirəsi yad edilmiş, barəsində xoş təəsüratlar danışılmışdır.

  • Şirvan şəhərində şəhid ailələri ziyarət ...

    Şirvan şəhərində şəhid ailələri ziyarət edilib.

    2020-03-03

    Ölkə Prezidenti cənab İlham Əliyevin rəhbərliyi ilə həyata keçirilən siyasətin əsas istiqamətlərindən birini şəhid ailələrinin, müharibə veteranlarının və əlillərinin sosial müdafiəsinin gücləndirilməsi, onların problemlərinin vaxtında həllinə nail olunması, hər cür qayğı ilə əhatə olunması təşkil edir. Müharibə əlilləri, veteranları və şəhid ailələrinin sosial ehtiyaclarının dövlət tərəfindən ödənilməsi, Azərbaycan Respublikasının ərazi bütövlüyü uğrunda həlak olmuş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların vərəsələrinə 11.000(on bir min) manat məbləğində birdəfəlik maddi yardımın verilməsi, vətən uğrunda öz canından keçmiş şəhidlərin və Qarabağ müharibəsi əlillərinin övladlarının təhsil haqqından azad edilməsi, həmçinin bu insanların mənzil və avtomobillərlə təmin olunması dövlət tərəfindən bu kateqoriyadan olan ailələrə son illər ərazində göstərilən diqqət və qayğının əyani nümunəsidir. Şirvan şəhərində əlamətdar günlərdə şəhidlərimizin ailə üzvlərinin, Qarabağ müharibəsi əlillərinin ziyarət edilməsi və bu kateqoriyadan olan insanlara mənəvi dəstək olunması artıq bir ənənə halını alıb. Hər bayram və əziz günlərdə olduğu kimi, 8 Mart Beynəlxaq Qadınlar Günü ərəfəsində və Od çərşənbəsi günü Şirvan şəhər İcra Hakimiyyəti, Şirvan şəhər Heydər Əliyev Mərkəzi və Gənclər və İdman İdarəsinin birgə təşkilatçılığı əsasında şəhidlər Dünyamalı Musayev, Ələkbər Bağırov, Rafət Əsədov, Elşən Məmmədov və Füzuli rayon sakini, mülki şəhid Bəxtiyar Süleymanovun Şirvan şəhərində yaşayan ailələri ziyarət edilmiş, onların ailə-məişət qayğıları ilə maraqlanılmışdır. Görüşlərdə şəhidlərimizin əziz xatirəsi yad edilmiş, barələrində xoş təəsüratlar danışılmışdır. Qeyd olunub ki, şəhidlərimizin xatirəsi bizim üçün hər zaman əzizdir. Onlar hər zaman bizim qəlbimizdə əbədi yaşayacaqlar. Azərbaycanın ərazi bütövlüyü uğrunda canlarından keçmiş şəhidlərimizin xatirəsini və adını uca tutmaq, əbədiləşdirmək, onların yaxınlarına, doğmalarına, ailə üzvlərinə diqqət və qayğı göstərmək bizim hər birimizin vətəndaşlıq borcumuz və ən əsas vəzifəmizdir. Keçirilən görüşlərdə şəhid ailələri qarşıdan gələn “8 Mart Beynəlxaq Qadınlar Günü” və Od çərşənbəsi münasibəti ilə təbrik edilmiş, onlara çərşənbə sovqatları verilmişdir. Şəhid anaları Zeynəb Məmmədova, Dünyaxanım Əsədova, Ərkinaz Bağırova, Fatma Musayeva və Güləbətin Məmmədova şəhid ailələrinə göstərilən diqqət və qayğıya görə ölkə prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya öz dərin minnətdarlıq və təşəkkürlərini bildirmişlər.